ພາຍຸໝາກເຫັບທີ່ໄຊຍະບູລີ

ລາຍງານຈາກປະຊາຊົນກ່ຽວກັບໝາກເຫັບທີ່ຕົກລົງມາເມື່ອວັນທີ 23 ກຸມພາ 2018 ນີ້ ບໍ່ແມ່ນແຕ່ຢູ່ແຂວງຊຽງຂວາງ, ແຂວງວຽງຈັນ, ຫຼວງພະບາງ ແລະນະຄອນຫຼວງວຽງຈັນເທົ່ານັ້ນ ແຕ່ແຂວງໄຊຍະບູລີກໍ່ຂາວປານຫິມະເຕັມພື້ນ

ພາບນີ້ຖ່າຍຢູ່ບ້ານປາງມອນ ເມືອງໄຊຍະບູລີ ແຂວງໄຊຍະບູລີ ຕ້ອງຍອມຮັບເປັນເຫດການທີ່ແປກເກີດຂຶ້ນໜ້ອຍທີ່ສຸດໃນຮອບຫຼາຍປີ, ສາວໄວ 10 ກວ່າປີບອກວ່າ ຍັງບໍ່ເຄີຍເຫັນໝາກເຫັບລົງຫຼາຍຂະໜາດນີ້ເລີຍແຕ່ເກີດມາ!!!
ພໍ່ແມ່ປະຊາຊົນຫຼາຍເຂດແຂວງຄົງໄດ້ຮັບຜົນກະມົບບໍ່ໜ້ອຍເລີຍ ນອກຈາກເຮືອນຊ້ານບ້ານຊ່ອງແລ້ວ ຜົນລະປູກທີ່ກຳລັງຂຶ້ນໃໝ່ໄລຍະນີ້ບໍ່ຢາກຈະນຶກສະພາບຈະເປັນແນວໃດ ແຕ່ກໍ່ເຮັດຫຍັງບໍ່ໄດ້ເພາະເປັນພິດໄພທຳມະຊາດ!!!

ຂໍ້ມູນ: ລາວອັບເດດ

ຜູ້ຊາຍທີ່ຮັກຈິງຕ້ອງມີ 7 ຂໍ້ນີ້

ແຟນດີໆ ຄົນຮັກດີໆໃຜໆກໍຕ້ອງການທັງນັ້ນລະເນາະ ຍິ່ງເປັນຜູ້ຍິງຄືພວກເຮົາແລ້ວ ເວລາ ຄົບໃຜກໍຢາກຄົບກັນໄປດົນໆ ຈົນຮອດການສ້າງຄອບຄົວກໍເປັນໄປໄດ້ . ແຕ່ກະຄືວ່າລະເນາະ ຜູ້ຊາຍດີໆ ສະໄຫມ ຫາຢາກເຫລືອເກີນ. ສະນັ້ນແລ້ວໃຜທີ່ຄົບກັບຜູ້ຊາຍມີ 7 ຂໍ້ນີ້ຢ່າປ່ອຍໃຫ້ຫລຸດມືເດັດຂາດ

1. ເວົ້າຄວາມຈິງຫລາຍກວ່າເອົາໃຈ
ແນ່ນອນວ່າທຸກໆ ຄົນໃຜໆກໍຕ້ອງຢາກໄດ້ຍິນຄຳເວົ້າທີ່ເອົາອົກເອົາໃຈກັນທັງນັ້ນ ແຕ່ຢ່າລືມໄປວ່າສິ່ງນັ້ນໆລ້ວນແລ້ວແຕ່ເປືອກນອກທັງນັ້ນແລະ ແລະ ຈົ່ງຈຳໄວ້ວ່າຄົນທີ່ຮັກເຈົ້າຈິງນັ້ນ ເຂົາຈະເລືອກເວົ້າແຕ່ຄວາມຈິງ ສິ່ງທີ່ເຂົາຜິດພາດ ອອກມາໃຫ້ເຈົ້າໄດ້ຮູ້ຫລາຍກວ່າການເວົ້າເອົາໃຈ ເພື່ອໃຫ້ເຈົ້າພໍໃຈ ແລະ ເປັນການຕັດປັນຫາບໍ່ໃຫ້ເຈົ້າຄຽດ. ດັ່ງນັ້ນຖ້າຜູ້ຊາຍ ບອກໃຫ້ເຈົ້າອອກກຳລັງກາຍ ເພາະເຈົ້າອ້ວນເກິນໄປແລ້ວກໍ່ບໍ່ຕ້ອງນ້ອຍໃຈ ກະແລ້ວກັນ ນັ້ນຄືຜູ້ຊາຍປາກຮ້າຍ ແຕ່ນັ້ນຄືຜູ້ຊາຍທີ່ຈິງໃຈ ຫນ້າຮັກອີກດ້ວຍເດີ ຈະບອກໃຫ້ ອິອິອິ.

2. ຮູ້ຈັກການປະນີປະນອມ
ເປັນຄົນທີ່ເວົ້າແທ້ທຳຈິງ ແລະ ທຸກການຕັດສິນໃຈເຕັມໄປດ້ວຍເຫດ ແລະ ຜົນເກືອບທຸກຄັ້ງ ຮູ້ຈັກການຖະຫນອມທອມຕົວຕໍ່ຄົນອື່ນໆ ຍ່ອມລະເຫດຜົນຂອງຕົນເອງ ເພື່ອຄົນຮັກ ຜູ້ຊາຍແບບນີ້ຫາບໍ່ງ່າຍເລີຍ ຖ້າໄດ້ແລ້ວຮັກສາໄວ້ໃຫ້ດີໆ ເດີ

3. ຕື່ມຄວາມຫວານໃຫ້ກັນສະເຫມີ
ແມ່ນວ່າເຂົາຈະເປັນຄົນທີ່ຈິງຈັງກັບວຽກງານປານໃດກໍຕາມ ແຕ່ກໍບໍ່ເຄີຍລືມໂອກາດອັນສຳຄັນໃນການທີ່ຈະພາເຈົ້າໄປສຳຜັດກັບບັນຍາກາດດີໆ ສະຖານທີ່ງາມໆ ອາຫານແຊບໆ ແລະ ຂອງຂວັນເລັກໆ ນ້ອຍໆ ມອບແທນໃຈໃຫ້ເຈົ້າໃນວັນອັນສຳຄັນທີ່ສຸດ. ສ້າງຮອຍຍິ້ມໃຫ້ກັບເຈົ້າໃນເວລາທີ່ເຈົ້າອ່ອນແອ ໃນເວລາທີ່ເຈົ້າທໍ້ແທ້ ຄື ເຂົາຈະຢືນຄ້ຽງເຈົ້າສະເຫມີ. ນີ້ລະຄືຜູ້ຊາຍທີ່ລູກຜູ້ຍິງຕ້ອງການ ຖ້າໄດ້ພົບເຈິແລ້ວ ບອກເລີຍຢ່າປ່ອຍໃຫ້ຫລຸດມືເດັດຂາດ

4. ຮູ້ສຶກອຸນໃຈທີ່ໄດ້ຢູ່ໃກ້ເຂົາທຸກເວລາ
ແມ່ນວ່າບາງຄັ້ງບາງເວລາເຂົາຈະຢູ່ແບບງຽບໆບໍ່ໄດ້ອອກອາການໃດໆກໍຕາມ ແຕ່ວ່າເຈົ້າຮູ້ສຶກອຸ່ນໃຈ ແລະ ຮູ້ສຶກປອດໄພເມື່ອໄດ້ຢູ່ ກັບເຂົາ . ນັ້ນກໍສະແດງວ່າເຂົານັ້ນຄືຄົນທີ່ແມ່ນສຳລັບເຈົ້າແລ້ວລະ,ຢ່າລືມໄປວ່າຜູ້ທັງຫລາຍແມ່ນວ່າຈະ In love ພຽງໃດກໍຕາມ ກໍຕ້ອງມີບາງມຸມທີ່ກັງວົນວ່າ ເຂົາຈະຖິ້ມ ຫລື ເລີກ ກັບເຈົ້າໃນເວລາໃດ ຖ້າເຈົ້າມີຄຳຖາມເຫລົ່ານີ້ໃນຫົວ ຖ້າເຂົາຂໍເຈົ້າແຕ່ງງານ ກໍຕັດສິ້ນໃຈ Say Yes ໄປເລີຍ.

5. ເປັນຄູ່ຊີວິດທີ່ດີ
ບໍ່ພຽງແຕ່ເປັນຄົນຮັກທີ່ດີເທົ່ານັ້ນ ແຕ່ເຂົາເກືອບຈະເປັນທຸກຢ່າງໃນຊີວິດຂອງເຈົ້າ ບໍ່ວ່າຈະເປັນພໍ່ໃຫຍ່ຈອມໂຫດທີ່ທັງຫຶງ ແລະ ຫ່ວງເມື່ອເຈົ້າກັບບ້ານບໍ່ຕົງເວລາ, ເປັນອ້າຍທີ່ແສນດີທີ່ຄອຍປອບໃຈໃນເວລາທີ່ເຈົ້າຮູ້ສຶກອ່ອນແອ, ເປັນນ້ອງຊາຍສຸດແສບທີ່ບາງຄັ້ງກໍຂີ້ນ້ອຍໃຈເພື່ອໃຫ້ເຈົ້າຕາມໃຈ ຫລື ເປັນເພື່ອນທີ່ດີຂອງເຈົ້າທີ່ພ້ອມຈະເຂົ້າໃຈແມ່ນວ່າເຈົ້າຈະບໍ່ເວົ້າຫຍັງອອກມາເລຍ ທີ່ສຳຄັນຈະບໍ່ຖິ້ມເຈົ້າໄປແມ່ນວ່າເຈົ້າຈະໄລ່ເຂົາໄປກໍຕາມ

6. ເປັນຄັນທີ່ຊ່ວຍກັນແບ່ງເບົາພາລະ
ຫາກແມ່ນວ່າເຂົາບໍ່ເຄີຍປ່ອຍໃຫ້ເຈົ້າລຳບາກ ຫລື ເມື່ອຍໄປຕາມລຳພັງ ບໍ່ວ່າຈະການຊ່ວຍການເຮັດວຽກບ້ານເລັກໆ ນ້ອຍໆ,ການວາງແຜ່ນການທ່ອງທ່ຽວ,ການເກັບເງິນ ຫລື ເປັນແຮງພັກດັນທີ່ດີຂອງເຈົ້າແບບສະເຫມີຕົ້ນສະເຫມີປາຍ ນັ້ນສະແດງວ່າເຂົາພ້ອມທີ່ຈະເປັນສາມີທີ່ດີຂອງເຈົ້າດ້ວຍເຊັ່ນກັນ ຢ່າລື່ມວ່າການແບ່ງເບົາພາລະປັນຫາເຊິ່ງກັນແລະກັນເປັນ ກະແຈອັນສຳຄັນທີ່ສຸດຂອງຊີວິດຄູ່ ..

7. ເບິ່ງການໄກ

ເປັນອີກຫນຶ່ງລັກສະນະຂອງຜູ້ນຳຄອບຄົວທີ່ດີ ເພາະການທີ່ເບິ່ງອານາຄົດໄກນັ້ນບົ່ງບອກຫລາຍຢ່າງເຊັ່ນ : ການດູແລຕົວເອງຢ່າງດີເພື່ອສຸຂະພາບທີ່ດີໃນວັນຂ້າງຫນ້າ ເພາະເງິນທີ່ໄດ້ມາຈະບໍ່ຕ້ອງເສຍຄ່າໃຫ້ກັບໂຮງຫມໍເພື່ອຮັກສາຕົວ,ການາງແຜນຄອບຄົວເປັນສິ່ງທີ່ສຳຄັນ, ການປະຢັດມັດທະຍັດ, ອານາຄົດຂອງລູກໆ ແລະ ອື່ນໆ ສາລະພັດ ຫາກຜູ້ຊາຍຄົນໃດທີ່ມີຄວາມແບບນີ້ໃນຫົວຫລືມັກແບ່ງປັ້ນໃຫ້ເຈົ້າຟັງຢູ່ສະເຫມີ ຖືວ່າເຈົ້າຄືຄົນທີ່ໂຊກດີທີ່ສຸດແລ້ວ.. ຈົບ ຝາກກົດໄລ ກົດແຊ ເພື່ອໃຫ້ກຳລັງພວກເຮົາແດ່ເດີ

ລັກສະນະຂອງຍິງທີ່ຜູ້ຊາຍຢາກໄດ້ມາເປັນເມຍ

ຕາມຮີດເກົ່າຄອງເດີມ ການທີ່ຜູ້ຊາຍຈະເອົາຍິງໃດມາເປັນຄູ່ຄອງນັ້ນ ທາງຝ່າຍຊາຍຈະເບິ່ງແມ່ຍິງຜູ້ໃດວ່າຮູ້ຈັກ ແລະປະຕິບັດຕາມຮີດແມ່ຍິງທີ່ວ່າ ເຮືອນ 3 ນໍ້າ 4 ໄດ້ຫລືບໍ່

ເຮືອນສາມນ້ຳສີ່

໑. ເຮືອນຄົວ : ຈັດການເຮືອນຄົວໃຫ້ດີງາມເປັນລະບຽບຮຽບຮ້ອຍທຳຄວາມ
ສະອາດເບິ່ງງົດງາມ ຂອງໃຊ້ໃນເຮືອນຄົວຈັດໃຫ້ຖືກໝ້ອງ ຮັບຜິດຊອບງາມຄົວກິນ, ນອກຈການັ້ນ ວຽກງານຄົວເຮືອນທຸກປະເພດ ແມ່ນໜ້າທີ່ຂອງຜູ້ຍິງ.

໒. ເຮື້ອນຜົມ : ຄົນລາວບູຮານທຸກເຜົ່າຊົນແມ່ນເກົ້າຜົມໃຫ້ສວຍງາມສະເໝີ, ແຕ່ປັດຈຸບັນນີ້ ມີທັງດັດ, ມີທັງຕັດ, ມີທັງຊອຍ ແຕ່ຈະເຮັດຈັ່ງໃດກໍສຸດແລ້ວແຕ່ຕາມໃຈມັກ ທັງນີ້ຕ້ອງຮັບປະກັນຄວາມງາມ, ສະອາດ ແລະຖືກກັບໂຄງໜ້າ.

໓. ເຮືອນກາຍ : ແຕ່ງກາຍໃຫ້ສະອາດຮຽບຮ້ອຍ ເບິ່ງແລ້ວງາມຕາ ແລະຢູ່ໃກ້ກໍບໍ່ເປັນທີ່ໜ້າລັງກຽດ.

ນ້ຳສີ່

໑. ນໍ້າດື່ມ : ນໍ້າໜ້າເຮືອນ ສະໄໝເກົ່າກ່ອນເພີ່ນມີອຸນໍ້າໜ້າເຮືອນ ໃສ່ກະບວຍໄວ້ພ້ອມ, ຫຼືຕັ້ງໄວ້ໜ້າເດີ່ນບ້ານເລີຍ ແຂກໄປໄທພໍໄດ້ຕັກກິນສະບາຍ, ນໍ້າໃນເຮືອນ ຄືນໍ້າໃນ ເຮືອນຄົວ ຫຼືເຮືອນໃຫຍ່ ອັນນີ້ເປັນນໍ້າສຳລັບໃຊ້ສອຍ ແລະທັງກິນ ຢ່າໃຫ້ຂາດແອ່ງຂາດອຸ ຢ່າງນ້ອຍຍາມຫິວກາງຄ່ຳການຄືນພໍໄດ້ຕັກິນ ຫຼືເມື່ອເກີດເຫດໄປຟືນຂຶ້ນມາພໍໄດ້ ດັບໄຟໃນເບື້ອງຕົ້ນໄດ້ ຄົນບໍ່ຮານຈຶ່ງມີຄຳເວົ້າວ່າ “ນໍ້າໃນໄຟຟືນ”.

໒. ນໍ້າຄຳ : ນໍ້າຄຳນີ້ ເປັນຄຳເວົ້າຄຳຈາ ມ່ວນເພາະເສາະໃສ ບໍ່ກັບບໍ່ກອກ ເວົ້າຈາຊື່ກົງສະເໝີຕົ້ນ ສະເໝີປາຍ.
໓. ນໍ້າໃຈ : ເປັນຄົນມີນໍ້າໃຈໂອບອ້ອມອາຣີນຳຍາດພີ່ນ້ອງ ແລະເພື່ອນຝູງ, ຮູ້ຈັກທຳບຸນໃຫ້ທ່ານ ແກ່ສາສນາ ແລະສາມັນຊົນຄົວທົ່ວໄປ.
໔. ນໍ້າເຕົ້าປູນ : ຄວາມໝາຍໜຶ່ງ ແມ່ນວ່າຄົນລາວບູຮານທຸກເຜົ່າແມ່ນຄ້ຽວໝາກທັງຍິງທັງຊາຍ, ສະນັ້ນຄຳວ່ານໍ້າເຕົ້າປູນ ບໍ່ຄວນໃຫ້ແຫ້ງ ຄັນນໍ້າເຕົ້າປູນແຫ້ງ ເຂົາວ່າຍິງເຮືອນນັ້ນຂີ້ຄ້ານ, ອີກຄວາມໝາຍໜຶ່ງແມ່ນນ້ຳໃຊ້ ແລະອີກຄວາມໝາຍໜຶ່ງ ຄືນໍ້າເຕົ້າປູມ ຄືພູມຄວາມຮູ້ຂອງຜູ້ຍິງທີ່ເປັນແມ່ເຮືອນຕ້ອງມີຄວາມຮູ້ ສະຫຼາດໃນກິດຈະການງານທັງປວງ.

ຕະລົກຊວນຫົວຈາກຄຳແສງ: ກິນເຂົ້າຈໍ້າເບຍ

ເງິນຊື້ແນວກິນບໍ່ມີ ແຕ່ມີເງິນຊື້ເບຍ ເລີຍໄດ້ກິນເຂົ້າຈໍ້າເບຍ

Posted by ຄລິບເດັ່ນ ຂ່າວດັງ on Saturday, February 24, 2018

 ເລື່ອງລາວເຕືອນໃຈແມ່ຍິງຢ່າຝາກຊີວິດໄວ້ກັບຄົນອື່ນ

ຄວາມຈິງແລ້ວບໍ່ວ່າຍິງ ຫຼື ຊາຍຄວນໃຫ້ສາມາດກຸ້ມຕົນເອງໄດ້ບໍ່ຝາກຊີວິດໃຫ້ກັບຄົນອື່ນ ແຕ່ສ່ວນໃຫຍ່ຈະເປັນແມ່ຍິງທີ່ມັກລະເລີຍໃນຈຸດນີ້ ຫຼັງພົບຮັກແລ້ວຈະບໍ່ຄ່ອຍໃສ່ໃຈຕົນເອງ ແລະໜ້າວທີ່ວຽກງານທີ່ຈະມາຄ້ຳຈູນຊີວິດສ່ວນຕົວ ແຕ່ພັດຫັນໄປເອື່ອຍອີງຜູ້ຊາຍເປັນຫຼັກ ແອັດມິນດ້ວງຢາກຈະບອກວ່າ ຮັກໄດ້ກໍ່ເລິກໄດ້ໃຜກໍ່ຮັກຫຼາຍທັງນັ້ນເວລາພົບກັນໃໝ່ໆ ແຕ່ອະນາຄົດເປັນສິ່ງທີ່ເບິ່ງບໍ່ເຫັນ ສະນັ້ນດີແທ້ຕ້ອງກຸ້ມຕົນເອງ ແລະຮັກເຈົ້າຂອງໃຫ້ເປັນຢ່າປ່ອຍໃຫ້ເສົ້າໝອງໂດຍເດັດຂາດ.


ເພື່ອເຕືອນໃຈເອື້ອຍນ້ອງແມ່ຍິງມື້ນີ້ແອັດມິນດ້ວງໄດ້ນຳເອົາບົດຮຽນເລື່ອງໜຶ່ງມາຝາກນັ້ນກໍ່ຄືຄວາມຮັກທີ່ມີຈຸດເລີ່ມຕົ້ນຫວານຊື່ນ ຊຶ່ງໃຜໆກໍ່ບໍ່ຄາດຝັນວັນໜຶ່ງຕ້ອງມີຈຸດຈົບທີ່ການເລິກລາ ຫຼື ບາງຄົນອາດຫຼົງໂຕເອງວ່າເລື່ອງລາວຜູ້ຊາຍມີຊູ້ ມີເມຍນ້ອຍເມຍໃຫຍ່ຄົງເປັນແຕ່ຄົນອື່ນແຕ່ສຳລັບໂຕເອງບໍ່ມີມື້ເກີດທີ່ຈິງແລ້ວການໃຊ້ຊີວິດຢ່າໄດ້ປະໝາດຈະດີທີ່ສຸດ ໃຫ້ເບິ່ງເລື່ອງນີ້ເປັນບົດຮຽນ.


ເລື່ອງນີ້ກໍ່ຄືວ່າກ່ອນຄູ່ຮັກຄູ່ໜຶ່ງຈະແຕ່ງງານຜູ້ຊາຍມີເງິນ 30 ລ້ານນຳໄປປຸກເຮືອນ, ຝ່າຍຍິງມີ 25 ລ້ານໄດ້ໃຊ້ເພື່ອຕົບແຕ່ງເຮືອນເພື່ອເປັນຫ້ອງຫໍໂດຍບໍ່ສົນໃຈຂໍ້ມູນຫຼັກຖານເພາະຈັ່ງໃດຄົນຮັກກັນຕ້ອງໄວ້ເນື້ອເຊື່ອໃຈ, 3 ປີຕໍ່ມາຜູ້ຍິງໄດ້ຖືພາ ແລະເກີດລູກ ຜູ້ຊາຍກໍ່ມີຖານະການງານດີຂຶ້ນ, ການເງິນກໍ່ເຊັ່ນດຽວກັນ ອີກ 2 ປີໄດ້ລູກອີກຄົນຖ້າຈະຈ້າງແມ່ລ້ຽງກໍ່ໝົດເງິນຫຼາຍທັງສອງຜົວເມຍກໍ່ຕົກລົງກັນໃຫ້ເມຍອອກວຽກມາລ້ຽງລູກຢູ່ເຮືອນແບບແມ່ເຮືອນເຕັມຕົວ ສ່ວນຜົວເຮັດວຽກຕໍ່.


ຫຼັງລາອອກຈາກວຽກມາເປັນແມ່ເຮືອນການແຕ່ງເນື້ອແຕ່ງຕົວກໍ່ບໍ່ຄ່ອຍໃສ່ໃຈ ເພາະບໍ່ໄດ້ອອກໄປໃສມາໃສ ຄິດແຕ່ວ່າຈະເຮັດແນວໃດໃຫ້ລ້ຽງລູກອອກມາດີທີ່ສຸດເປັນເມຍທີ່ດີ ເຮືອນຄົວສະອາດ, ຝ່າຍຜູ້ເປັນຜົວການງານຮຸ່ງເຮືອງລາສີຈັບມີຄົນນັບໜ້າຖືຕາຫຼາຍ ບາດຫຼຽວມາເບິ່ງເມຍຈັ່ງແມ່ນໂສກເສົ້າຊຸດໂຊມບໍ່ຢາກເອົາອອກງານສັງຄົມ ສຸດທ້າຍກໍ່ໄປມີເມຍນ້ອຍທີ່ຍັງງົດງາມໃນສາຍຕາຜູ້ເບິ່ງ.


ພາຍຫຼັງເມຍຮູ້ທັງສອງກໍ່ອາລະວາດດ່າທໍກັນຈົນເຂົ້າຂັ້ນຢ່າຮ້າງ ຂຶ້ນສານ ສານຖາມເຖິງຊັບສິນເງິນທອງເມຍຕອບທັນທີເຮືອນຫຼັງນີ້ເຮົາສ້າງຮ່ວມກັນແຕ່ກ່ອນແຕ່ງງານ ສານຖາມຫາຫຼັກຖານ ເມຍຕອບບໍ່ມີຊຶ່ງໃຊ້ການບໍ່ໄດ້ໃນທາງກົດໝາຍ ກ້ຽວມາໃສ່ລູກເມຍບອກລູກຂ້ອຍເປັນຄົນເກີດມາຕ້ອງໃຫ້ຂ້ອຍ ແຕ່ສານກໍ່ຍັງພິຈາລະນາທີ່ຄວາມເໝາະສົມເປັນແມ່ໃຫ້ກຳເນີດລູກກໍ່ຈິງແຕ່ບໍ່ມີວຽກ, ບໍ່ມີເງິນ, ບໍ່ມີເຮືອນຊິຢູ່ຖ້າຕັດສິນໃຫ້ລູກຢູ່ນຳລູກກໍ່ບໍ່ມີອະນາຄົດ ສຸດທ້າຍກໍ່ຕົກໄປທີ່ຝ່າຍຊາຍ ແມ່ກໍ່ໄດ້ແຕ່ເສຍໃຈ ແລະສິ້ນຫວັງເຮັດຫຍັງບໍ່ໄດ້ເພາະບໍ່ມີຫຍັງເປັນຂອງຕົນເອງ.


ມາຮອດນີ້ແມ່ຍິງເອີຍເຈົ້າລອງຄິດເບິ່ງວ່າເຈົ້າຍັງຈະເອົາທັ້ງຊີວິດຂອງຕົນເອງມາຝາກໄວ້ກັບຄົນອື່ນຫຼືບໍ? ໃນໂລກນີ້ບໍ່ມີໃຜທີ່ຈະໃຫ້ເຈົ້າເພິ່ງພາໄດ້ຕະຫຼອດຊີວິດ ໃຫ້ຈື່ໄວ້ວ່າທຸກສິ່ງໃນຊີວິດບໍ່ໄດ້ເດັດຖານສະເໝີໄປມີໄດ້ກໍ່ປ່ຽນໄດ້ ສ່ວນຈະປ່ຽນເມື່ອໃດຮູບແບບໃດບໍ່ມີໃຜພະຍາກອນອອກລ່ວງໜ້າ ສະນັ້ນສິ່ງສຳຄັນສຸດຕ້ອງໃຫ້ມີອາຊີບມີຊ່ອງທາງທຳມາຫາກິນເປັນຂອງຕົນເອງ ຈິ່ງຈະສາມາດດຳລົງຊີວິດໃນຮູບແບບຂອງເຮົາໄດ້ ທີ່ສຳຄັນສາມາດສ້າງຄວາມໝັ້ນຄົງໃນຊີວິດຄູ່ ເພາະບໍ່ມີໃຜຄົນໃດທີ່ຢາກຢູ່ກັບຄົນທີ່ບໍ່ມີການພັດທະນາ ຄວາມສວຍຄວາມງາມຜູ້ໃດກໍ່ຕ້ອງການ.


ຖ້າເຈົ້າຮັກໂຕເອງ ແລະຢາກຮັກສາຊີວິດຄູ່ໃຫ້ຍືນຍາວຕ້ອງເປັນຄົນທີ່ເຂັ້ມແຂງ ໝັ່ນຖະໜຸຖະໜອມຕົນເອງ ຢ່າປ່ອຍໃຫ້ເສົ້າໝອງຄວາມງາມຕ້ອງຢູ່ຄວບຄູ່ແມ່ຍິງ ຮູບລັກສະນະຂອງເຈົ້ານັ້ນແລເປັນສິ່ງທີ່ບົ່ງບອກວ່າຕົກລົງແລ້ວຊີວິດເຈົ້າສຳເລັດ ຫຼື ລົ້ມເຫຼວ.

ບົດຮຽນ 7 ປະການຈາກຂົງຈື້ ຂະຫຍັນຜິດທີ່ຜິດເວລາ

ຂົງຈື້ນັບເປັນນັກປາດມືເອກຂອງຈີນ ຊຶ່ງເພິ່ນໄດ້ຄິດຄົ້ນບົດຮຽນ, ຄຳສອນຢ່າງຫຼວງຫຼາຍໃຫ້ຊາວຈີນໄດ້ໝູນໃຊ້ຈົນເທົ້າທຸກວັນນີ້ ເຮົາຈິ່ງຄວນຮຽນຮູ້ຈາກເພິ່ນມາໝຸນໃຊ້ໃນຊີວິດ ຮັບຮອງບໍ່ເສຍໃຈ.
ຂົງຈື້ເຄີຍກ່າວໄວ້ເມື່ອ 2.000 ປີກ່ອນວ່າ ຄົນສະຫຼາດ ແລະຂະຫຍັນ ຄວນສົ່ງເສີມໃຫ້ເປັນແມ່ທັບ, ຄົນສະຫຼາດແຕ່ຂີ້ຄ້ານ ຄວນລ້ຽງໄວ້ເປັນທະຫານ, ຄົນໂງ່ ແລະຂີ້ຄ້ານໃຫ້ເກັບໄວ້ໃຊ້ສອຍເຮັດວຽກຕາມຄຳສັ່ງກໍ່ພໍ ແຕ່ຖ້າມີຄົນທີ່ໂງ່ ແລະຂະຫຍັນຕ້ອງເອົາໄປຕັດຫົວຖີ້ມສາ ເພາະຈະກໍ່ໃຫ້ເກີດຄວາມເດືອດຮ້ອນບໍ່ຈົບບໍ່ສິ້ນ.


ເຫດຜົນທີ່ເຮົາບໍ່ຄວນຂະຫຍັນແບບຜິດຄືກໍ່ຄື
– ປະການທີ1: ການຂະຫຍັນເຮັດວຽກທີ່ເນັ້ນແຕ່ປະລິມານໂດຍບໍ່ໃຊ້ສະໝອງບໍ່ມີທາງເຮັດໃຫ້ວຽກດີມີຄຸນນະພາບ, ລອງປ່ຽນວິທີເຮັດວຽກໃໝ່ ແລ້ວລົງມືເຮັດ ຈັດອັນດັບຄວາມສຳຄັນໃຫ້ເປັນ ເຊື່ອວ່າວຽກຈະແລ້ວໄວ ແຖມໄດ້ຄຸນພາບອີກຕ່າງຫາກ ບໍ່ແມ່ນເຮັດໄປເລື້ອຍໆແບບບໍ່ມີການວາງແຜນງານ.

– ປະການທີ2: ການຮັດຫຸມໂຕເອງເຮັດວຽກມຸດມົ່ນ ນອນເດິກຕື່ນສວາຍນັ້ນທຳລາຍຄວາມຄິດສ້າງສັນເພາະສະໝອງເບຼີຄິດຫຍັງບໍ່ອອກແນ່ນອນ.
-ປະການທີ3: ຂະຫຍັນເຮັດວຽກຕອນໝົດເວລາ ບູຮານວ່ານ້ຳຈະຖ້ວມຫຼັງຕີນຄ່ອຍແລ່ນ ການເຮັດແບບນີ້ບໍ່ພຽງເຮັດໃຫ້ອາລົມເສຍຢ່າງດຽວ ຍັງທຳລາຍຄວາມພັນຂອງຄົນອ້ອມຂ້າງນຳ ຖ້າໃຜມີນິໄສຄືທີ່ວ່າລອງຈັດສັນເວລາເຮັດວຽກໃໝ່ ກຽມວຽກໄວ້ຕັ້ງແຕ່ຕົ້ນແລ້ວທ່ານຈະຮູ້ວ່າມັນງ່າຍສະບາຍກວ່າສ່ຳໃດ.

-ປະການທີ4: ຖ້າທ່ານເປັນນາຍຄົນທ່ານຕ້ອງເປັນແບບຢ່າງທີ່ດີຂອງລູກນ້ອງໂດຍສະເພາະການບໍລິຫານຈັດການເວລາ ຄົນເປັນພະນັກງານບໍ່ຈຳເປັນປະຈຳໃຊ້ເວລາຢູ່ໃນຫ້ອງການຈົນມືດຄ່ຳເພື່ອຜົນງານພຽງໜ້ອຍດຽວ.

– ປະການທີ5: ການເຮັດວຽກແຕ່ເຊົ້າຢັນຄ່ຳ ເປັນການທຳລາຍສຸຂະພາບໃຫ້ຊຸດໂຊມລົງໄວຂຶ້ນ
-ປະການທີ 6: ຢຸດຄິດຈັກໜ້ອຍແລ້ວຈະຮູ້ວ່າວຽກສ່ວນໃຫຍ່ທີ່ເຮັດຢູ່ເກືອບຈະບໍ່ມີຄວາມສຳຄັນໃດເລີຍ ມະນຸດເງິນເດືອນຈຳນວນຫຼາຍທີ່ກົ້ມໜ້າກົ້ມຕາເຮັດວຽກຊ້ຳຊາກໆ ຢູ່ໃນຫ້ອງການມື້ລະຫຼາຍຊົ່ວໂມງ ໂດຍບໍ່ເຄີຍຖາມໂຕເອງວ່າສິ່ງທີ່ເຮົາເຮັດຢູ່ທຸກວັນນີ້ມີປະໂຫຍດກັບຊີວິດຫຼາຍໜ້ອຍສ່ຳໃດ ເຮົາມີພັດທະນາການຂຶ້ນຫຼືບໍ ສັງຄົມໄດ້ຫຍັງແດ່.


– ປະການທີ7: ຄອບຄົວຕ້ອງມາກ່ອນ ຢ່າປ່ອຍໃຫ້ວຽກງານທຳລາຍຊີວິດ ແມ່ນວ່າຄວາມກ້າວໜ້າທາງການງານຈະສຳຄັນຕໍ່ຫຼາຍໆຄົນ ແຕ່ເບິ່ງຄັກໆແລ້ວທຽບບໍ່ໄດ້ກັບຄອບຄົວທີ່ໜ້າຮັກອົບອຸ່ນ ເພາະບໍ່ວ່າຈະທຸກ ຫຼື ສຸກກໍ່ມີແຕ່ຄົນໃນຄອບຄົວທີ່ຢູ່ຄຽງຂ້າງເຮົາໄດ້ຕະຫຼອດ.

 ໝາກນາວຊ່ວຍແກ້ພິດງູກັດ

ຮູ້ໄວ້ບໍ່ເສຍຫາຍຢາປົວພິດຈາກງູກັດ ເພາະງູເປັນສັດເລືອຄານທີ່ມີພິດຮ້າຍແຮງຫາກເຮົາບໍ່ຮູ້ມີທີຮັກສາຄົນທີ່ຖືກກັດສາມາດເສຍຊີວິດໃນເວລາອັນສັ້ນໆ.
ໃນນັ້ນຢາດີກໍ່ມີຫຼາຍຊະນິດທີ່ສາມາດຊ່ວຍໄດ້ໃນຂັ້ນພື້ນຖານ ຫາຫາຍດີໄດ້ແຕ່ມື້ນີ້ແອັດມິງດ້ວງນຳເອົາຜົນດີຂອງໝາກນາວມາຝກາທ່ານຜູ້ອ່ານ ຫາກວ່າມີຄົນໃກ້ຕົວ ຫຼື ໄປພົບເຫັນຄົນທີ່ຖືກງູກັດຕ້ອງນຳໃຊ້ໝາກນາວແບບໃດໃຫ້ໄດ້ຜົນ.


1. ເມື່ອຄົນຖືກງູກັດແລ້ວໃຫ້ນອນຊື່ໆເພື່ອຊ່ວຍໃຫ້ເລືອດໄຫຼວຽນທົ່ວນຮ່າງກາຍຊ້າລົງ ການເຮັດແບບນີ້ຈະຊ່ວຍໃຫ້ພິດງູກະຈາຍຊ້າລົງເຊັ່ນດຽວກັນ.

2. ຖ້າຖືກງູກັດແລ້ວໃຫ້ເອົາເສືອກຫັດເທິງບ່ອນງູກັດ ແລະຮັດຢູ່ລະຫວ່າງແຜງູກັດກັບຫົວໃຈ ເພື່ອໃຫ້ເລືອດຢຸດໄຫຼ ແລະກັນບໍ່ໃຫ້ພິດເຂົ້າໄປໃນເສັ້ນເລືອດດຳ ບໍ່ຕ້ອງຮັດແຮງເກີນໄປຈົນເລືອດຢຸດໄຫຼ.


3. ໃຊ້ມີດທີ່ສະອາດ ແລະຂ້າເຊື້ອແລ້ວ ກີດລົງບ່ອນທີ່ເປັນແຜເປັນລັກສະນະຮູບກາກະບາດໃຫ້ເລິດພໍປະມານ ບໍ່ຕ້ອງຢ້ານຈະເສຍເລືອດຫຼາຍ ເພາະນັ້ນຖືເປັນການຊ່ວຍລ້າງພິດອອກມາອີກທາງໜຶ່ງ ຈາກນັ້ນໃຫ້ດູດພິດອອກມາຈາກແຜທີ່ເອົາມີດກີດ ເມື່ອດູດແຜອອກມາແລ້ວຮີບຖົມຖີ້ມທັນທີ ແລ້ວເອົານ້ຳແຂງວາງໄວ້ບ່ອນແຜ ລະວັງຢ່າໃຫ້ແຜທີ່ຖືກງູກັດຢູ່ຕ່ຳ.
4. ໃຫ້ກິນນ້ຳໝາກນາວລົງໄປ ປະມານໝາກໃຫຍ່ 1 ໜ່ວຍ, ນ້ຳໝາກນາວຈະໄປທຳປະຕິກິລິຍາກັບພິດງູທີ່ເຂົ້າໃສ່ກະເພາະອາຫານ ລໍຖ້າອີກຈັກໜ້ອຍຄົນເຈັບຈະຮາກອອກມາ ອາດຈະມາເລືອດປົນເລັກນ້ອຍ ນັ້ນສະແດງວ່າພິດງູໝົດລິດແລ້ວ.

5. ໃຫ້ຄົນເຈັບດື່ມກາເຟ ຫຼື ເຄື່ອງດື່ມຮ້ອນໆ ແຕ່ຫ້າມດື່ມສິ່ງທີ່ມີທາດເຫຼົ້າ, ຢ່າລືມວ່າເມື່ອຄົນທີ່ຖືກງູກັດແລ້ວຈະເຮັດໃຫ້ພິດນັ້ນຄ່ອຍໆເຂົ້າສູ່ຫົວໃຈ ຖ້າຫາກເຮົາເໜັງ ຫຼື ເຄື່ອນຕົວແຮງເທົ່າໃດພິດນັ້ນຈະເລ່ງເຂົ້າສູ່ຫົວໃຈໄວເທົ່ານັ້ນ ຄົນເຈັບຈິ່ງບໍ່ຄວນເຄື່ອນໄຫວແຮງ ຫຼັງຈາກປະຖົມພະຍາບານເບື້ອງຕົ້ນແລ້ວຮີບນຳໄປໂຮງໝໍໂດຍດ່ວນທີ່ສຸດ.

 5 ສິ່ງທີ່ແມ່ຍິງສະຫຼາດເລືອກໃຊ້ໃນຊີວິດ

ເປັນແມ່ຍິງນອກຈາກມີຄວາມສວຍງາມທາງໜ້າຕາແລ້ວ ຕ້ອງຮູ້ຈັກທີ່ຈະຮຽນຮູ້, ວາງຕົວໃຫ້ເປັນເພື່ອບໍ່ໃຫ້ຖືກເອົາລັດເອົາປຽບຈາກຄົນອ້ອມຂ້າງ. ຈະປະພີືດຕົນແບບໃດ ເຮົາມາຫາຄຳຕອບນຳກັນ
1. ຄິດໃຫ້ຫຼາຍກວ່າເວົ້າ: ການເປັນຜູ້ຍິງສະຫຼາດ ຕ້ອງຮູ້ຈັກຄິດກ່ອນເວົ້າ, ເພະາຄຳເວົ້ານັ້ນເປັນນາຍຂອງເຮົາ ເມື່ອເວົ້າອອກໄປແລ້ວຈະບໍ່ສາມາດເອົາມາແກ້ໄຂໃໝ່ໄດ້ອີກ ອີກຢ່າງຄຳເວົ້ານັ້ນຍັງບົ່ງບອກເຖິງນິໄສໃຈຄໍ, ພຶດຕິກຳ ແລະພື້ນຖານຕ່າງໆໃນຕົວເຈົ້າວ່າເປັນຄົນແບບໃດ ສະນັ້ນການໄຕ່ຕອງຄຳເວົ້າກ່ອນເວົ້າອອກມາສຳຄັນຫຼາຍຖ້າໃຊ້ຄຳເວົ້າເປັນຈະເກີດປະໂຫຍດແກ່ຕົວເອງຫຼາຍຢ່າງ.


2. ງຽບຮັບຟັງເພື່ອເປັນຄວາມຮູ້: ປົກກະຕິແລ້ວແມ່ຍິງເຮົາຈະເປັນຄົນເວົ້າຫຼາຍ ແລະບາງຄັ້ງລືມຟັງ ແຕ່ທ່ານຮູ້ບໍວ່າການທີ່ເຮົາຮັບຟັງຄົນອື່ນນັ້ນມີຂໍ້ດີຫຼວງຫຼາຍ ນອກຈາກການເປັນຜູ້ຟັງທີ່ດີແລະມີມາລະຍາດແລ້ວຍັງຊ່ວຍໃຫ້ເຮົາໄດ້ຮັບຂ່າວສານໃໝ່ໆມາໝູນໃຊ້ໃນຊີວິດປະຈຳວັນໄດ້ອີກຫຼາຍ ອັນຈະກໍ່ປະໂຫຍດແກ່ຕົວເອງ ແລະຄົນອ້ອມຂ້າງໄດ້ອີກດ້ວຍ.


3. ຢ່າຢຸດ: ໂລກໝຸນໄປທຸກວັນເຊັ່ນກັນກັບການເວລາທີ່ເຄື່ອນໄປທຸກວິນາທີບໍ່ລໍຄອຍໃຜ ສະນັ້ນຖ້າບໍຢາກຍ່າງຖອຍຫຼັງ ຫຼື ຢູ່ກັບທີ່ຢ່າໄດ້ຢຸດພັດທະນາ ແລະຕ້ອງຫາສິ່ງໃໝ່ໆມາໃຫ້ຕົນເອງສະເໝີ ເຮັດໃຫ້ຕົນເປັນຜູ້ຍິງຍຸກໃໝ່ ອັບເດດທັນເລື່ອງລາວຕ່າງໆທີ່ຢູ່ອ້ອມຂ້າງຕະຫຼອດເວລາ.


4. ໂບກມືລາຄວາມລະເມີເພີ້ຝັນ: ຈົ່ງຕື່ນຈາກຄວາມຝັນທີ່ງົດງາມ ຊຶ່ງເປັນພຽງຈີນຕະນາການນັ້ນມາລຸກຂຶ້ນມາສູ່ດ້ວຍການລົງມືລົງແຮງເຮັດຢ່າງຈິງຈັງ, ຜູ້ຍິງທີ່ເກ່ງ ແລະສະຫຼາດຈະບໍ່ຢູ່ກັບການລະເມີເພີ້ຝັນ ແຕ່ເຂົາເອົາທຸກເວລານາທີໄປໃຊ້ໃຫ້ເກີດປະໂຫຍດແກ່ຊີວິດ.


5. ຫັນຫຼັງກັບຄວາມສຳພັນທີ່ຊັບຊ້ອນ: ຕ້ອງຍອມຮັບວ່າເລື່ອງລາວຂອງຄວາມສຳພັນຕ່າງໆເປັນສິ່ງທີ່ລະອຽດອ່ອນ ແລະກະທົບຕໍ່ຈິດໃຈຢ່າງແຮງ ສຳລັບແມ່ຍິງທຸກຄົນ ແຕ່ຈົ່ງຈຳໄວ້ວ່າຢ່າໄດ້ເສຍເວລາກັບຄວາມສຳພັນທີ່ເຮັດໃຫ້ເຈົ້າບໍ່ໄດ້ຫຍັງຕອບແທນນັ້ນ ແລ້ວໄປເລີ່ມສິ່ງໃໝ່ໆຢ່າງຜູ້ຊະນະຈະດີຍິ່ງກວ່າການຈົມຢູ່ກັບຄວາມທຸກ.

6 ຂໍ້ຄິດເພື່ອຊີວິດຈາກມະຫາເສດຖີໝາຍເລກ1 ຂອງຈີນ

ແຈກມາ ມະຫາເສດຖີອັນດັບ1 ຂອງຈີນບອກວ່າທີ່ຈິງແລ້ວຄົນເຮົາແຕກຕ່າງກັນພຽງໜ້ອຍດຽວ ຂຶ້ນຢູ່ກັບຄວາມສະດຸ້ງໄວ ແລະມຸ້ງໝັ້ນສ້າງຊີວິດສ່ຳໃດກໍ່ເທົ່ານັ້ນເອງຂໍ້ທີ່ບໍ່ຄືກັນກໍ່ໃກ້ກັນພຽງໜ້ອຍດຽວໃກ້ສ່ຳໃດມາເບິ່ງກັນ

1. ໃນເວລາທີ່ເຈົ້າາກຳລັງນອນສະບາຍຢູ່ເທິງຕຽງ ເຂົ້າກຳລັງອອກຳລັງກາຍຢູ່ ດັ່ງນັ້ນເຂົາຈິ່ງມີສຸຂະພາບທີ່ດີກວ່າ.
2. ເຈົ້າກໍ່ເຮັດວຽກຕາມໜ້າທີ່ເຂົາກໍ່ເຮັດວຽກຄືກັນ ແຕ່ເຮັດດ້ວຍຄວາມຕັ້ງໃຈ ດັ່ງນັ້ນເຂົາຈິ່ງກາຍເປັນຫົວໜ້າເຈົ້າ

3. ໃນຂະນະທີ່ເຈົ້າກຳລັງເຮັດໂຄງການນີ້ໃຫ້ສຳເລັດເຂົານັ້ນໄດ້ວາງແຜນສຳລັບໂຄງການປີໜ້າແລ້ວ ເຂົາຈິ່ງສາມາດຄອບຄອງໂອກາດໄດ້ຫຼາຍກວ່າເຈົ້າ.
4. ໃນຕອນທີ່ເຈົ້າກຳລັງຫາຂໍ້ອ້າງຢູ່ ເຂົາເອງກຳລັງຫາວິທີແກ້ໄຂບັນຫາ ສະັ້ນທຸລະກິດການງານຂອງເຂົາຈິ່ງປະສົບຄວາມສຳເລັດໄດ້ຫຼາຍກວ່າເຈົ້າ.

5. ໃນລະຫວ່າງທີ່ເຈົ້າກຳລັງມ່ວນກັບການຈັບຈ່າຍໃຊ້ເງິນ ເຂົາກຳລັງບໍລິຫານຊັບສິນ ດັ່ງນັ້ນເຂົາຈິ່ງມີໂອກາດໄດ້ລ້ຳລວຍຫຼາຍກວ່າເຈົ້າ.
6. ເຈົ້າກຳລັງຄິດເຖິງຜົນປະໂຫຍດຂອງຕົວເອງຢູ່ ເຂົາແມ່ນກຳລັງຄິດພິຈາລະນາເຖິງຜົນປະໂຫຍດຂອງອີກຝ່າຍໜຶ່ງແລ້ວ ສະນັ້ນເຂົາຈິ່ງມີສາຍສຳພັນທີ່ດີກັບຄົນຫຼາຍກວ່າເຈົ້າ.

ແຈກມ່າບອກວ່າຄວາມສຳເລັດນັ້ນບໍ່ມີປະຕິຫານທາງໃດມາຊ່ວຍມີພຽງແຕ່ຄວາມທະເຍີທະຍານ ກ້າເຮັດກ້າລົງມືເທົ່ານັ້ນຈິ່ງຈະເກີດ.

5 ພືດຕິກຳອັນຕະລາຍທີ່ເຮັດໃຫ້ຈົນຕະຫຼອດຊີວິດ

ຄວາມຈົນເປັນສິ່ງທີ່ບໍ່ເພິ່ງປາຖະໜາຂອງທຸກຄົນ ບໍ່ມີໃຜຢາກເກີດມາຈົນຢູ່ແບບຈົນໆ ແຕ່ຄົນເຮົາເລືອກເກີດບໍ່ໄດ້ຫາກເກີດມາໃນຄອບຄົວທີ່ບໍ່ມີພຽບພ້ອມກໍ່ຈົ່ງສູ້ຊົນບຸກບືນເຮັດວຽກໜັກກວ່າຄົນອື່ນໆຈິ່ງຈະພົ້ນຈາກຈຸດນັ້ນໄດ້. ມີຄົນບາງຈຳພວກຄິດຕະຫຼອດຢາກຮັ່ງຢາກມີແຕ່ບໍ່ຍອມລົງມືສ້າງ ຖ້າຍັງບໍ່ຕື່ນຕົວພັດທະນາຕົນເອງກໍ່ເທົ່າກັບຍອມຮັບໂດຍດີທີ່ຈະຈົມຢູ່ກັບຄວາມຈົນໄປຕະຫຼອດການ ອັດຕາການຮັ່ງມີທີ່ຕົນຄວນມີກໍ່ຖືກຄົນອື່ນກືນກິນໄປເລື້ອຍໆ ຄົນຈຳນວນນັ້ນມີພຶດຕິກຳແບບໃດແທ້ມາເບິ່ງເລີຍ.


1. ໃຊ້ຊີວິດເກີນເກີນຕົວ: ມີຄົນຈຳນວນບໍ່ໜ້ອຍທີ່ຫຼິ້ນກິນຟຸມເຟືອຍ ຈັບຈ່າຍຕາມໃຈບາງຄັ້ງເຖິງກັບຍອມເປັນໜີ້ ພຽງເພື່ອໃຫ້ໄດ້ໃນສິ່ງທີ່ຕ້ອງການມາປະດັບຊີວິດ ົາກໃຫ້ເບິ່ງຫຼູຫຼາໃນສາຍຕາຄົນອື່ນ ເຊັ່ນໃຊ້ຂອງເເບຣນເນມ, ເຂົ້າຮ້ານຫຼູ ກິນອາຫານແພງໆ ນັ້ນຄືສັນຍານອັນຕະລາຍທີ່ບົ່ງບອກວ່າບໍ່ມີວັນຈະເກັບເງິນໄດ້.


2. ໜັກບໍ່ເອົາເບົາບໍ່ສູ້: ໃຫ້ຈື່ໄວ້ເລີຍວ່າຄວາມຈົນນັ້ນເປັນຕາຢ້ານກວ່າທີ່ຄິດໄວ້ ຖ້າຖາມຈາກບົດຮຽນຊີວິດມະຫາເສດຖີທຸກຄົນທີ່ເລີ່ມຕົ້ນຈາກສູນ ແລະກ້າວຂຶ້ນມາລ້ຳລວຍພາຍຫຼັງ ດ້ວຍນ້ຳເຫື່ອແລະແຮງງານຂອງຕົນພວກເຂົາກໍ່ຈະຕອບວ່າບໍ່ຢາກກັບໄປຈົນອີກ. ແຕ່ກັບມະນຸດເງິນເດືອນຫຼາຍໆຄົນ ແລະຜູ້ຫາເຊົ້າກິນຄ່ຳທີ່ບໍ່ຍອມເມື່ອຍລ້າ, ກັບເດິກຕື່ນເຊົ້າເພື່ອໜ້າວຽກທີ່ຕົນເຮັດ ກໍຄົງຍາກທີ່ຈະກ້າວສູ່ຄວາມມັ່ງຄັ່ງຮັ່ງມີ.


3. ໃຊ້ຊີວິດແບບຫຼູຫຼາວັນໆຫາກິນລົມຊົມວິວມ່ວນໄປເລື້ອຍໆຢາກໄປໃສກໍ່ໄປ ໃຊ້ເງິນຊື້ຄວາມສະດວກສະບາຍຄືຄົນທີ່ເຂົາມີຖານະການເງິນດີຢູ່ແລ້ວ ບາງຄັ້ງຍັງຢືມເງິນໝູ່ໃຊ້ຈ່າຍເພື່ອຄວາມສະໜຸກ ໂດຍບໍ່ຄຳນຶງເຖິງລາຍໄດ້ຖານະການເງິນຂອງຕົນເອງ ຖ້າເປັນແບບນີ້ບອກໄດ້ເລີຍບໍ່ມີວັນມີເງິນດອກ.


4. ຢ້ານທີ່ຈະຕັ້ງເປົ້າໝາຍໃນຊີວິດ: ເຊື່ອເຖິດວ່າມີຫຼາຍຄົນບໍ່ກ້າຄາດຝັນໃນຕົນເອງເພາະຢ້ານເຮັດບໍ່ໄດ້ ຕົວຢ່າງຢາກເຮັດສິ່ງນີ້ແຕ່ບໍ່ມີເງິນ ຖ້າຕ້ອງກູ້ຈາກແຫຼ່ງອື່ນພັດຢ້ານບໍ່ມີເງິນຊຳລະຄືນໃຫ້ຕາມເວລາ ຊຶ່ງນັ້ນບາງຄັ້ງບໍ່ແມ່ນວ່າລາຍໄດ້ບໍ່ພໍໃຊ້ໜີ້ ແຕ່ເປັນຍ້ອນຄວບຄຸມອາລົມຄວາມຢາກບໍ່ໄດ້ບຶດຢາກໄດ້ແນວນັ້ນແນວນີ້ ຈົນສົ່ງຜົນໃຫ້ເກັບເງິນບໍ່ໄດ້ບໍ່ພໍຕາມຄວາມຈຳເປັນທີ່ຕ້ອງຈ່າຍ ຄົນພວກນີ້ແມ່ນຜູ້ທີ່ບໍ່ມີຄວາມໝັ້ນໃຈໃນຕົນເອງ ແລະບໍ່ມີວິໄນໃນການໃຊ້ຈ່າຍ ການບໍ່ກ້າຕັດສິນໃຈຂາດການວາງແຜນ, ບໍ່ຮູ້ກຳນົດວິໄນໃຫ້ຕົນເອງນັ້ນເປັນອຸປະສັກສຳຄັນເຮັດໃຫ້ຊີວິດບໍ່ສາມາດພົ້ນຈາກຄວາມທຸກໄດ້.


5. ຄິດຫຼາຍຈົນຢ້ານ: ການຄິດຫຼາຍກັບຄວາມຮອບຄອບນັ້ນເປັນພຽງເສັ້ນບາງໆທີ່ແບ່ງຂັ້ນໄວ້ ຄົນທີ່ຄິດຫຼາຍຈະບໍ່ຮູ້ໄຈ້ແຍກບັນຫາມາລຽງລຳດັບວ່າອັນໃດສຳຄັນກວ່າກັນ ແລະຄວນເຮັດແບບໃດ ແຕ່ຈະນຳເອົາທຸກບັນຫາມາລວມກັນເຮັດໃຫ້ແນມບໍ່ເຫັນທາງອອກ ແຕ່ຄົນທີ່ຄິດຮອບຄອບຈະແຍກອອກເປັນປະເດັນໆ ແລະຮູ້ຈັດລຳດັບລາຍການວ່າອັນໃດຄວນມາກ່ອນມາລຸນ. ຄົນທີ່ຄິດຫຼາຍເມື່ອເລີ່ມຕົ້ນທຸລະກິດຈະບໍ່ກ້າສ່ຽງບໍ່ກ້າວາງແຜນຕໍ່ຍອດທຸລະກິດເພາະຢ້ານຫຼຸບທຶນ ສຸດທ້າຍກໍ່ເສຍໂອກາດ ຫຼືແມ່ນແຕ່ເຮັດວຽກກິນເງິນເດືອນກໍ່ບໍ່ກ້າທີ່ຈະສະແດງຄວາມຄິດເຫັນເພາະຢ້ານຜິດພາດ ເຮັດໃຫ້ເຮັດວຽກງານບໍ່ກ້າວໜ້າທັງທີ່ມີໂອກາດມາຍື່ນໃຫ້ຢູ່ຕໍ່ໜ້າແທ້ໆ.


ອ່ານແລ້ວລອງຄິດຕືກຕອງເບິ່ງອັນໃດທີ່ມີຢູ່ໃນຕົວເອງລອງປ່ຽນແປງຄວາມຄິດຊີວິດທ່ານອາດດີຂຶ້ນໄດ້.