ຄວນຮູ້ໄວ້…!!! 5 ສະໝຸນໄພພື້ນເມືອງຕິດຄົວ ຊ່ວຍຫຼຸດຄວາມດັນເລືອດສູໄດ້..ທີ່ທ່ານບໍ່ຄວນເບີ່ງຂ້າມ!!

ດຽວນີ້ຄົນສ່ວນໃຫຍ່ ໂດຍສະເພາະໃນໄວເຮັດວຽກ ແລະໄວຊະລາ ມັກປະສົບບັນຫາຄວາມດັນເລືອດສູງກັນເປັນຈຳນວນຫຼາຍ.
1. ຫົວຜັກທຽມ: ວິທີກິນ: ກິນພ້ອມອາຫານມື້ລະ 2-3 ຄັ້ງ ເພາະຫົວຜັກທຽມມີລິດຮ້ອນ ອາດເຮັດໃຫ້ແສບກະເພາະໄດ້.


2. ຜັກສັນນາລີ: ວິທີກິນ: ຄວນເລືອກຕົ້ນສົດ, ສະອາດ ແລະແຂງແຮງດີ ວິທີທຳອິດນຳມາຕຳ ແລະຄັ້ນເອົານໍ້າມາດື່ມອີກວິທີໜຶ່ງແມ່ນນຳມາຕົ້ມສົດ 1-2 ກຳມາຕຳໃຫ້ລະອຽດ ແລ້ວເອົາມາຕົ້ມນໍ້າຈົນຟົດຈາກນັ້ນ ລອກເອົາກາກມັນອອກດື່ມກ່ອນອາຫານ ເທື່ອລະ 1-2 ບ່ວງ ວິທີສຸດທ້າຍງ່າຍສຸດຄືກິນເປັນຜັກສົດ.


3. ໝາກສົ້ມພໍດີ: ນອກຈາກຈະຊ່ວຍຫຼຸດຄວາມດັນເລືອດສູງແລ້ວຍັງຊ່ວຍຫຼຸດຄໍເລດສເຈີຣອນ, ຫຼຸດໄຂ້ ແລະແກ້ອາການນິ່ວໄດ້ອີກດ້ວຍວິທີກິນ: ໃຊ້ກີບແຫ້ງຕົ້ມນໍ້າ ຫຼືຊົງຊານໍ້າຮ້ອນດື່ມກໍ່ໄດ້.


4. ຜັກໜອກ: ຕາມຕຳລາສ່ວນຫຼາຍຜັກໜອກນິຍົມໃຊ້ບຳລຸງຫົວໃຈ, ແກ້ອ່ອນເພຍ, ຂັບໄລ່ປັດສະວະ, ແກ້ຮ້ອນໃນ ແຕ່ບາງຕຳລາກໍ່ໄໃຊ້ຫຼຸດຄວາມດັນເລືອດສູງໄດ້ເຊັ່ນກັນ ວິທີກິນ: ນຳຕົ້ມສົດ 1-2 ກຳມາຕົ້ມກັບນໍ້າ ດື່ມແທນນໍ້າຊາ ຫຼື ກິນສົດລວມກັບມື້ອາຫານ.


5. ກາຝາກໝາກມ່ວງ: ເປັນໄມ້ພຸ່ມປະສິດທີ່ຂຶ້ນເທິງກິ່ງຕົ້ນໄມ້ໃຫຍ່ ໂດຍສະເພາະຕົ້ນໝາກມ່ວງວິທີກິນ: ໃຫ້ນຳມາຕາກແຫ້ງ ຫຼື ຕາກແລ້ວຂົ້ວ ຈາກນັ້ນນຳມາຕົ້ມນໍ້າດື່ມແທນນໍ້າຊາ ແຕ່ບາງທ້ອງຖິ່ນນຳຕົ້ນກາຝາກສົດທັງກິ່ງ ແລະໃບມາຕົ້ມແລ້ວດື່ມກໍໄດ້ເຊັ່ນກັນ


ທີ່ມາ:ສຸຂະພາບ ອັບເດດ | Health Update

 ຮູ້ໄວ້ໄດ້ປະໂຫຍດ !! 5 ອາຫານ ບຳລຸງເລືອດ ແລະ ປ້ອງກັນ ເລືອດຈາງ ????

* ໃຜທີ່ເປັນເລືອດຈາງ ນອກຈາກຈະບໍ່ແຂງແຮງແລ້ວຍັງເມື້ອຍງ່າຍ ແລະ ວິນຫົວງ່າຍຍັງບໍລີຈາກເລືອດບໍ່ໄດ້ນຳອີກເພາະນັ້ນເຮົາຄວນບຳລຸງຮ່າງກາຍແນວໃດໄປເບີ່ງນຳກັນເລີຍ
1. ຜັກຊະນິດໃບຂຽວເຂັ່ມ
ອີກໜື່ງທາງເລືອກຂອງຄົນທີ່ກີນອາຫານພືດຜັກແມ້ວ່າແຮ່ທາດຈະບໍ່ຫຼາຍເທົ້າກັບຊີ້ນສັດແຕ່ກໍ່ຄວນກີນກ່ອນທີ່ຈະຢູ່ໃນພາວະຂາດແຮ່ທາດຜັກທີ່ແນະນຳໄດ້ແກ້:ຜັກກາດ ຜັກຫຸມ ດອກຜັກ ຜັກບົ່ງ ໜໍ່ໄມ້ຝຮັງ


2. ໄຂ່
ເປັນອີກໜື່ງອາຫານທີ່ເຕັມໄປດ້ວຍສານອາຫານທີ່ມີປະໂຫຍດຕໍ່ຮ່າງກາຍຫຼາຍຢ່າງ ສ່ວນໃຫຍ່ຄືໂປຼຕີນແຕ່ກໍ່ຍັງມີປະລິມານຂອງແຮ່ທາດທີ່ຊ່ວຍບຳລຸງເລືອດຂອງເຮົາໃຫ້ມີສຸຂະພາບທີ່ດີໄດ້ຄືກັນໂດຍສະເພາະໄຂ່ແດງຈະມີແຮ່ທາດສູງກ່ວາໄຂ່ຂາວ


3. ທັນຍາພືດຕ່າງໆ
ຖົ່ວຊະນິດຕ່າງໆ ເຊັ່ນ ຖົ່ວດຳ ຖົ່ວແດງ ລວມໄປຮອດເຂົ້າ ແລະຈະມູກເຂົ້າສາລີກໍ່ເປັນແຫຼ່ງອາຫານທີ່ດີນອກຈາກມີໂປຼຕີນທີ່ດີຕໍ່ຮ່າງກາຍແລ້ວຍັງເສີມສ້າງໃຫ້ແຂງແຮງມີແຮ່ທາດທີ່ຊ່ວຍສ້າງເມັດເລືອດແດງແລະບຳລຸງເລືອດອີກດ້ວຍ


4. ອາຫານທະເລ
ອາຫານທະເລໂດຍສະເພາະ ປາ ກຸ້ງ ປາມືກ ປູ ອຸດົມໄປດ້ວຍໂປຼຕີນແລະແຮ່ທາດຕ່າງໆ ຫຼາກຫຼາຍລວມໄປຮອດແຮ່ທາດເຫຼັກທີ່ບຳລຸງເລືອດໄດ້ດີອີກດ້ວຍແຕ່ຢ່າກີນຫຼາຍເກີນໄປ ເພາະອາຫານທະເລ ມັກມາພ້ອມກັບປະລິມານແຄຣຣໍຣີ ຄໍເຣດສະເຕີລອນທີ່ຫຼາຍນຳມາດ້ວຍ


5. ເລືອດສັດ ຕັບສັດແລະຊີ້ນສັດຕ່າງໆ
ອາຫານປະເພດນີ້ຈະມີແຮ່ທາດເຫຼັກຢູ່ນຳຫຼາຍເຊີ່ງແຮ່ທາດເຫຼັກນີ້ແຫຼະທີ່ຈະຊ່ວຍບຳລຸງເລືອດແລະລຳໄສ້ຈະດູດຊືມໄປໃຊ້ໄດ້ຫຼາຍກ່ວາແຮ່ທາດທີ່ມາຈາກພືດ ດັ່ງນັ້ນເມື່ອກີນເຂົ້າໄປແດ່ກໍ່ດີ


Cr: ສຸຂະພາບ ອັບເດດ | Health Update

ຄວນຮູ້ໄວ້ເລີຍ…!!! ອັນຕະລາຍຈາກການກີນເລືອດດີບໆມີຫຍັງແດ່? ອ່ານໄວ້ໄດ້ປະໂຫຍດ

ອັນຕະລາຍຈາກການກີນເລືອດດີບໆ:
ໃນທີ່ນີ້ບໍ່ໄດ້ໝາຍຄວາມວ່າການກີນເລືອດແບບຜີດູດເລືອດ ແຕ່ໝາຍເຖີງການທີ່ເຮົາຮັບປະທານອາຫານທີ່ມີສວ່ນປະກອບເປັນເລືອດດີບໆເຊັ່ນ: ລາບເລືອດ, ເລືອດແປງຕ່າງໆ, ຊົກເລັກ ຫຼື ແມ່ນແຕ່ຊີ້ນນຳ້ຕົກ ເພາະໃນເລືອດຫມູດີບໆ , ເປັດ,ໄກ່ ຈະມີເຊື້ອແບັດທີເຣຍຊື່ວວ່າ: ສເຕຣສໂຕຄ໊ອກຄັສ ຊູອີສ ທີ່ມີອັນຕະລາຍເຖີງຂັ້ນເຮັດໃຫ້ເສຍຊີວິດໄດ້.
ເຊື້ອ: ສເຕຣສໂຕຄ໊ອກຄັສ ຊູອີສ ຈະຢູ່ໃນກະແສເລືອດ ແລະ ອະໄວຍະວະສ່ວນຕ່າງໆຂອງໝູ, ເປັດ, ໄກ່ ທີ່ເປັນເຊື້ອ ເຊັ່ນ: ສະໝອງ, ກ້າມຊີ້ນ, ຕັບ, ຫຼື ຫົວໃຈ ນອກຈາກການກີນແລ້ວຍັງສາມາດຕິດຊີ້ນນີ້ໄດ້ຈາກການສຳພັດຫາກມີບາດແຜ ຫຼື ສຳພັດກັບເຊື້ອເຂົ້າສູ່ທາງເຍື້ອບຸຕ່າງໆ ປາກ, ຄໍ, ດັງ ເຄີຍມີການກວດພົບເຊື້ອໂລກນີ້ໃນຄົນເຈັບ.


ຄົນເຈັບທີ່ໄດ້ຮັບເຊື້ອຈະມີອາການເກີດຂື້ນຢ່າງໄວວາ ຄື ຊ່ວງໄລຍະ 1-7 ມື້ ເຊີ່ງບາງລາຍອາດຮຸນແຮງເຖີງຂັ້ນເສຍຊີວິດໄດ້ ອາການທຳອິດເລີ່ມມີໄຂ້, ປວດຕາມຂໍ້ຕໍ່, ປວດເມື່ອຍຕາມໂຕ, ປວດບໍ່ລິເວນກະດູກສັນຫຼັງ. ເມື່ອເຊື້ອລາມເຂົ້າສູ່ລະບົບປະສາດ ອາດເຮັດໃຫ້ຄໍແຂງບໍ່ສາມາດເໜັງຄໍໄດ້. ຈາກນັ້ນຕາມດ້ວຍອາການເຈັບຫົວ, ເມື່ອຍ, ເກັງທີ່ຄໍ, ມີອາການວີນຫົວ ຮ້ອຍລະ 70-80 ເຊື້ອຈະເຂົ້າໄປທຳລາຍລະບົບຫູ ຫຼື ດວງຕາເຮັດໃຫ້ຫູໜວກ, ຕາບອດໄດ້ພາຍໃນ 1-3 ມື້ ຫຼັງໄດ້ຮັບເຊື້ອຫາກເຊື້ອເຂົ້າສູ່ກະແສເລືອດຈະເຮັດໃຫ້ເກີດການຕໍ່ຕ້ານຂອງເມັດເລືອດຂາວໂດຍສະເພາະສ່ວນຂອງນຳ້ບໍລິເວນກະດູກສັນຫຼັງຈະເປັນພິດ.


ຄົນເຈັບຈະເກີດອາການຊ໊ອກ ລະບົບຕ່າງໆໃນຮ່າງກາຍຖືກທຳລາຍຢ່າງໄວວາ ຈົນເກີດອາການຕັບວາຍ ເຊີ່ງອາດເສຍຊີວິດໄດ້ພາຍໃນ 3 ມື້ ການຮັກສາຄືການໃຫ້ຍາກຸ່ມເພນນິຊີລີນ, ດິນແດນປັນຍາຊົນຂໍໃຫ້ທຸກທ່ານຮັບປະທານອາຫານຢ່າງລະມັດລະວັງ ຮັບປະທານໃຫ້ຄົບ 5ໝູ່ ແລະ ເລືອກທີ່ຈະປຸງອາຫານໃຫ້ສຸກນຳເດີ້.
ທີ່ມາ:ສຸຂະພາບ ອັບເດດ | Health Update

ປະໂຫຍດ..ລ້ວນ..ໆໆ…!!! ໃບໝາກຫຸ່ງຄືລາຊີນີເປັນຢາຕ້ານມະເຮັງ ທີ່ສຸດຍອດ ຈົນໜ້າເຫຼືອເຊື້ອ ..?? ຫາມາກີນດ່ວນ..

ໃບໝາກຫຸ່ງຕ້ານມະເຮັງໃນງານວິໄຈພົບວ່າໃບໝາກຫຸ່ງມີເອນໄຊທີ່ມີຄຸນສົມບັດຕ້ານມະເຮັງໄດ້ຢ່າງດີເຊັ່ນ ມະເຮັງຄໍ ມະເຮັງເຕົ້ານົມ ມະເຮັງຕັບ ມະເຮັງປອດ ປາສະຈາກສານພິດຕໍ່ຮ່າງກາຍ


– ຮັກສາໂລກໄຂ້ເລືອດອອກໃນງານວິໄຈທາງວິທະຍາສາດສະແດງໃຫ້ເຫັນວ່າໃນໃບໝາກຫຸ່ງມີ ເອນໄຊ ໄຊໂນປາເປນທີ່ຊ່ວຍເພີ່ມເລືອດບັນເທົາອາການໂລກໄຂ້ໄດ້
– ຮັກສາໄຂ້ມາຮາເລຍໄດ້ເປັນຢ່າງດີ


ວິທີເຮັດນ້ຳໃບໝາກຫຸງ
– ນຳໃບໝາກຫຸ່ງມາລ້າງໃຫ້ສະອາດຊອຍເປັນຕ່ອນນ້ອຍໆຕົ້ມໂດຍໃໃຊ້ນ້ຳສອງລິດຕົ້ມໄປຈົນນ້ຳຍັງເຄີ່ງໝໍ້ ຕອງເອົາຂີ້ເຫຍື້ອອກເຫຼືອແຕ່ນ້ຳເກັບໃນຕູ້ເຍັນໄດ້ 3-4 ມື້ຄວນຈະກີນເລີຍຈະດີກວ່າ


– ບໍ່ຄວນກີນຖ້າມີກີ່ນແລະ ນ້ຳໝາກຫຸ່ງມັນເນົ່າ
( ຂໍ້ຫ້າມຜູ້ຍີງຕັ້ງທ້ອງບໍ່ຄວນດື່ມເພາະອາດເປັນອັນຕະລາຍຕໍ່ເດັກ )


ທີ່ມາ:ສຸຂະພາບ ອັບເດດ | Health Update

ຢາກໃຫ້ລອງເຮັດເບີ່ງ…!!! ສູດເດັດ ກຳຈັດຂີ້ແຂ້ວ ແລະ ຄາບເຫຼືອງໆ ດ້ວຍສູດງ່າຍໆຕໍ່ໄປນີ້ ເຮັດແລ້ວ ແຂ້ວຂາວປິ້ງ ປານຢວກກ້ວຍ..??

ອຸປະກອນມີບໍ່ຫຍັງຫຼວງຫຼາຍພຽງແຕ່ຫາຂອງໃກ້ຄົວໄດ້ງ່າຍ ໝາກນາວ1/2 , ໂຊດາ 1 ບວງຊາ ຢາສີຟັນ 1 ບ່ວງຊາ
ຂັ້ນຕອນການເຮັດມີຄື:


ເມື່ອໄດ້ອຸປະກອນທຸກຢ່າງຄົບແລ້ວກໍ່ເລີ່ມປະສົມເລີຍບີບໝາກນາວລົງໃສນ້ຳໂຊດາທີ່ກຽມໄວ້ແລ້ວໃສຢາສີຟັນຄົ້ນສ່ວນປະສົມໃຫ້ເຂົ້າກັນຈາກນັ້ນນຳມາຖູແຂ້ວ 2-3 ນາທີ


– ແລ້ວກໍ່ບ້ວນປາກດ້ວຍນ້ຳທີ່ສະອາດຕາມປົກກະຕິພຽງເທົ່ານີ້ທ່ານກໍ່ຈະໄດ້ແຂ້ວຂາວສະອາດ
ຂໍບອກວ່າຖ້າໃຊ້ວິທີນີ້້ຈັກ 1 ອາທິດຕໍ່ຄັ້ງກໍ່ພໍ ສ່ວນວ່າຈະຖູເຊົ້າ ຫຼື ແລງກໍ່ແລ້ວແຕ່ຄວາມສະດວກ ເພາະວ່າໂຊດາປະສົມກັບນ້ຳໝາກນາວຈະກັດຮ່ອມແຂ້ວ ເຮັດໃຫ້ເກີດການເຂັດແຂ້ວ ແລະ ລະຄາຍເຄືອງເຫືອກໄດ້


ທີ່ມາ:teethingwhite.com

ສາລະພັດປະໂຫຍດ..!! ການລ້ຽງໄກ່ພື້ນບ້ານ ລາຍໄດ້ດີ ລ້ຽງງ່າຍໄດ້ປະໂຫຍດ ຄົນນິຍົມກີນຫຼາຍ ມີຕະຫຼາດຮ້ອງຮັບ..!!!

* ປະຈຸບັນໄກ່ພື້ນບ້ານ ໄດ້ຮັບຄວາມນິຍົມເພີ່ມຂື້ນສູງຫຼາຍ ເປັນເພາະໄກ່ພື້ນບ້ານມີຊີ້ນລົດຊາດແຊບແລະຊີ້ນແໜ່ນເປັນທີ່ຖືກປາກຂອງຄົນບໍ່ລິໂພກທົ້ວໄປ.


1. ຂໍ້ດີຂອງໄກ່ພື້ນບ້ານ
– ຫາອາຫານເກັ່ງ ສາມາດລ້ຽງແບບປ່ອຍຕາມທຳມະຊາດກໍ່ໄດ້ເຮັດໃຫ້ປະຢັດຄ່າອາຫານໄດ້ຫຼາຍສົມຄວນ
– ທົນຕໍ່ສະພາບພູມີປະເທດ ແລະ ພູມອາກາດໄດ້ເປັນຢ່າງດີ
– ທົນຕໍ່ໂລກພະຍາດໄດ້ດີກ່ວາພັນອື້ນໆ
– ມີຄວາມສາມາດລ້ຽງລູກເອງໄດ້ດີແລະເກັ່ງ


2. ການສ້າງຄອກໄກ່ເປັນຈຸດປະສົງຫຼັກໆມີດັ່ງນີ້:
– ໃຊ້ເປັນທີ່ກົບລູກແທນແມ່ໄກ່
– ໃຫ້ໄກ່ມີບ່ອນພັກຜ່ອນແລະນອນໃນຕອນກາງຄືນ


– ເປັນບ່ອນໃຫ້ອາຫານແລະນ້ຳໃນຊ່ວງອາກາດແປປ່ວນ ເຊັ່ນ ຝົນຕົກ
– ເປັນບ່ອນຂັງໄກ່ເພື່ອໃຫ້ວັກຊີນ ໃຫ້ຢາປ້ອງກັນແລະຮັກສາເຊື້ອໂລກ
*ການສ້າງຄອກໄກ່ຄວນຄຳນືງເຖີງຄວາມປອດໂປ່ງອາດກາດຖ່າຍເທສະດວກ ບໍ່ມືດຕືບແລະຕ້ອງມີຄວາມສູງພໍດີ


-ຂະໜາດຂອງຄອກໄກ່ຂື້ນກັບຈຳນວນຂອງໄກ່ ແລະຂະໜາດຂອງໄກ່ ເຊັ່ນ: ຖ້າລ້ຽງສະເພາະໄລຍະລູກໄກ່ຈົນຮອດໄລຍະໄກ່ລຸ້ນທີ່ໄດ້ນ້ຳໜັກປະມານ 1,5-2.00 ກິໂລ
ຈຳນວນທີ່ຈະລ້ຽງໄດ້ນັ້ນຈະໃຊ້ຂະໜາດປະມານ 8 ຕົວຕໍ່ 1 ຕາແມັດ ດັ່ງນັ້ນຖ້າສ້າງຄອກປະມານ 3 X 5 ແມັດຈະສາມາດລ້ຽງໄກ່ໄດ້ປະມານ 120 ຕົວ ແຕ່ຕ້ອງການລ້ຽງແບບເປັນພໍ່ແມ່ພັນຄວນໃຊ້ປະມານ 4 ຕົວຕໍ່ 1 ແມັດກະເລ່ ດັ່ງນັ້ນຄອກດັ່ງກ່າວສາມາດລ້ຽງໄດ້ປະມານ 60 ຕົວ


* ຫຼັກການການໃຫ້ອາຫານໄກ່ພື້ນບ້ານ
1. ຄວນຊື່ຫົວອາຫາເພື່ອມາປະສົມກັບອາຫານທີ່ຜູ້ລ້ຽງມີຢູ່ເຊັ່ນ: ເຂົ້າປຽນ ຫຼື ຮຳເປັນຕົ້ນ ໂດຍສະເພາະໄກ່ນ້ອຍຈະໄດ້ໃຫຍ່ໄວ
2. ການໃຊ້ເສດອາຫານມາເກືອໄກ່ຄວນຄຳນືງເຖີງຄວາມສະອາດແລະສີ່ງແປກປອມທີ່ອາດເປັນຜິດກັບໄກ່ໄດ້


3. ຖ້າເປັນໄປໄດ້ຄວນເສີມເປືອກຫອຍໃນອາຫານໃຫ້ໄກ່ກີນຈະຊ່ວຍແກ້ບັນຫາເລື່ອງເປືອກໄຂ່ບາງແລະບັນຫາການສັບກີນໄຂ່ຂອງແມ່ໄກ່
4. ການໃຊ້ແສງລໍ້ແມງໄມ້ໃນຕອນກາງຄືນຈະເປັນອາຫານໄກ່ໄດ້ເປັນໂປຼຕີນອີກທາງໜື່ງ
5. ຄວນນຳຫຍ້າຫຼືພືດຕະກູນຖົ່ວບາງຊະນິດນຳມາສັບໃຫ້ໄກ່ກີນຈະໄດ້ຮັບວິຕາມີນແລະໂປຼຕີນຫຼາຍຂື້ນ
6. ໃນຊ່ວງການໃຫ້ໄຂ່ແລະກຳລັງຝັກຂອງແມ່ໄກ່ ຄວນມີອາຫານເສີມເປັນພິເສດສຳລັບແມ່ໄກ່ ຈະຊ່ວຍແມ່ໄກ່ແຂງແຮງ ແລະບໍ່ຕ້ອງອອກໄປຫາກີນໃກ


* ທຳມະຊາດຂອງໄກ່ພື້ນບ້ານເມື່ອຝັກເປັນລູກອອກແລ້ວຍັງຕ້ອງເຮັດໜ້າທີ່ລ້ຽງລູກ ໂດຍອາຫານຕາມທຳມະຊາດແລະປ້ອງກັນໄພອັນຕະລາຍຈົນລູກໄກ່ໃຫຍ່ປະມານ 6-10 ອາທິດ ແມ່ໄກ່ຈີ່ງປະລູກຫາກີນເອງ


* ອຸປະກອນແລະວັດສະດຸໃນການລ້ຽງລູກໄກ່ປະກອບມີ:
-ວັດສະດຸພື້ນຄອກທີ່ນິຍົມໃຊ້ຄື ແກບເພາະໄດ້ງ່າຍຫຼືເປັນພວກຂີ້ເຫຍືອແລະເຟືອງແຫ່ງນຳທາຕັດເປັນທ້ອນຍາວພໍປະມານກໍ່ໄດ້


-ແຜ່ນກັ້ນລູກໄກ່ ອຸປະກອນນີ້ມີໄວ້ເພື່ອຈຳກັດບໍລິເວນລູກໄກ່ໃຫ້ມີຄວາມອົບອຸ່ນ
-ຫຼອດໄຟ 100 ວັດ ພ້ອມຝາປົກ 1​ຊຸດສາມາດໃຊ້ກັບລູກໄກ່ປະມານ 10-50 ຕົວ
-ບ່ອນໃຫ້ນ້ຳແລະອາຫານ ອາດເຮັດຈາກໄມ້ໄຜ່ກໍ່ໄດ້ ຫຼື ຈາກຢາງລົດກໍ່ດີ


* ຂັ້ນຕອນ ການຕອນໄກ່ມີຄື: ຖ້າໄກ່ມີນ້ຳໜັກ 0.7-0.8 ກິໂລ ຕໍ່ຢາ 1 ເມັດ (ຊືງຈະໜັກປະມານ15ມີນລີກຼາມ)ຈະຢູ່ໄດ້ດົນປະມານ 6 ອາທິດ ຖ້ານ້ຳໜັກຕ່ຳໄປກໍ່ຄວນໃສ່ອີກ 1 ເມັດ ນ້ຳໜັກໄກ່ຫຼັງຕອນຈະໄດ້ປະມານ 3-4 ກິໂລກຼາມເຊີງເປັນນ້ຳໜັກທີ່ຕະຫຼາດຕ້ອງການ


ທີ່ມາ:www.jobpub.com
———————–
ກະເສດ ພື້ນບ້ານ | Agriculture Update

ບັນທຸກຊາຍເກີນນໍ້າໜັກ ເຮັດໃຫ້ເຮືອແຕກກາງນໍ້າຂອງ ເສຍຊີວິດ 1 ຄົນ

ເວລາປະມານ 7:00 ໂມງ ຂອງວັນທີ 18 ກຸມພາ 2018, ໄດ້ເກີດອຸບັດຕິເຫດເຮືອຈັກບັນທຸກຫີນ-ຊາຍ ແຕກຢູ່ກາງແມ່ນໍ້າຂອງ ເຂດຫ້ວຍຊົກ ເມືອງປາກລາຍ ແຂວງໄຊຍະບູລີ ເຮັດໃຫ້ເຮືອຈົມ ພາໃຫ້ມີຜູ້ເສຍຊີວິດ 1 ຄົນ.

ເຈົ້າໜ້າທີ່ ປກສ ເມືອງປາກລາຍ ລາຍງານວ່າ: ກ່ອນເກີດເຫດ ທ້າວ ລັກ ອາຍຸ 27 ປີ ແລະ ນາງ ຝົນອາຍຸ 20 ປີ (ຜົວ-ເມຍ) ແລະ ທ້າວ ຖາວອນ ອາຍຸ 29 ປີ ປະຊາຊົນຢູ່ບ້ານນໍ້າລິນ ເມືອງປາກລາຍ ໄດ້ພາກັນອອກຈາກບ້ານໄປເອົາຫີນ-ຊາຍຢູ່ບ້ານມ່ວງໃຕ້ ເມືອງປາກລາຍ. ພາຍຫຼັງໄປຮອດ, ກໍໄດ້ເອົາເຮືອຈັກຂະໜາດ 5 ແຮງ ຂອງພໍ່ ຂົນເອົາຫີນ-ຊາຍຢູ່ເຂດດອນກຸ່ມ ແມ່ນໍ້າຂອງ ເຂດບ້ານມ່ວງເໜືອ ເມືອງປາກລາຍ ໂດຍແມ່ນ ທ້າວ ລັກ ເປັນຄົນຂັບເຮືອ.

ພໍຂັບໄປຮອດເຂດດອນກຸ່ມ ໄດ້ພາກັນຕັກຊາຍໃສ່ເຮືອ ປະມານ 3 ໂຕນ ແລ້ວພາກັນລ່ອງເຮືອກັບຄືນຕາມແມ່ນໍ້າຂອງ, ພໍໄປຮອດດອນກ້ອນຂວາງ ຢູ່ເຂດຫ້ວຍຊົກ ເຮືອໄດ້ແຕກແລ້ວຈົມນໍ້າ ເຮັດໃຫ້ ນາງ ຝົນ ອາຍຸ 20 ປີ ຈົມນໍ້າຈົນເສຍຊີວິດ.

ປັດຈຸບັນ, ເຈົ້າໜ້າທີ່ໄດ້ປະສານກັບພາກສ່ວນທີ່ກ່ຽວຂ້ອງລົງເກັບກຳຂໍ້ມູນ ແລະ ສອບສວນພົບວ່າ: ເຮືອທີ່ເກີດອຸບັດຕິເຫດເປັນເຮືອເກົ່າ-ໂດກ, ບໍ່ຮັບປະກັນ ແລະ ບັນທຸກຊາຍເກີນນໍ້າໜັກ ຈຶ່ງເຮັດໃຫ້ເກີດອຸບັດຕິເຫດດັ່ງກ່າວຂຶ້ນ.

© LSecurityNews

ປິດຢ່າງເປັນທາງການມະຫາກຳບຸນຊ້າງ2018ທີ່ແຂວງໄຊຍະບູລີ

ງານມະຫາກຳບຸນຊ້າງ ຄັ້ງທີ 12 ໄດ້ປິດລົງຢ່າງເປັນທາງການໃນວັນທີ 22 ກຸມພາ 2018 ນີ້ຢູ່ທີ່ສະໜາມຫຼວງແຂວງ ໄຊຍະບູລີ, ພາຍຫຼັງທີ່ໄດ້ດຳເນີນກິດຈະກຳຕ່າງໆມາເປັນເວລາ 7 ວັນ, ໂດຍໃຫ້ກຽດເຂົ້າຮ່ວມປິດງານຄັ້ງນີ້ມີທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ທັງເປັນປະທານຄະນະຮັບຜິດຊອບຈັດງານມະຫາກຳບຸນຊ້າງ, ມີບັນດາແຂກທັງພາຍໃນ ແລະ ຕ່າງປະເທດ, ພ້ອມດ້ວຍພໍ່ແມ່ພີ່ນ້ອງປະຊາຊົນບັນດາເຜົ່າຊາວແຂວງ ໄຊຍະບູລີເຂົ້າຮ່ວມ.


ໃນພິທີທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ ທັງເປັນປະທານຄະນະຮັບຜິດຊອບຈັດງານມະຫາກຳບຸນຊ້າງ, ໄດ້ກ່າວປິດງານຢ່າງເປັນທາງການ ຊຶ່ງທ່ານໄດ້ກ່າວວ່າມະຫາກຳບຸນຊ້າງທີ່ແຂວງ ໄຊຍະບູລີ, ເປັນກິດຈະກຳຫຼັກທີ່ໄດ້ຈັດເຂົ້າໃນປີທ່ອງທ່ຽວລາວ 2018 ນີ້ ແລະ ເປັນວຽກງານໜື່ງທີ່ປົກປັກຮັກສາຊ້າງ ກໍ່ຄືການສົ່ງເສີມວັດທະນະທຳຮີດຄອງປະເພນີທີ່ເປັນເອກະລັກໃນແບບວິຖີການດຳລົງຊີວິດຂອງປະຊາຊົນຊາວແຂວງ ໄຊຍະບູລີທີ່ຕິດພັນກັບຊ້າງ, ໂດຍຖືເອົາຊ້າງເປັນມູນມໍລະດົກທີ່ລ້ຳຄ່າຂອງຊາດມາແຕ່ບູຮານນາການ, ທັງເປັນການປູກຈິດສຳນຶກໃຫ້ຄົນລຸ້ນໃໝ່ໄດ້ມີການຮັບຮູ້ກ່ຽວກັບຊ້າງຫຼາຍຂຶ້ນ, ຊ້າງເປັນສັດຄຳຮູ້,

ສາມາດເຂົ້າໃຈ ແລະ ຮັບຟັງຄຳສັ່ງສອນຂອງຜູ້ເປັນເຈົ້າຂອງ ໄດ້ເປັນຢ່າງດີດ້ວຍເຫດນີ້ ຈຶ່ງມີຄວາມຈຳເປັນຢ່າງຍິ່ງທີ່ສັງຄົມລາວຄວນອານຸລັກຮັກສາຊ້າງໃຫ້ຄົງຢູ່ຄູ່ຄົນລາວຕະຫຼອດໄປ, ດັ່ງນັ້ນຢູ່ໃນງານຈຶ່ງຈັດໃຫ້ມີຫຼາຍກິດຈະກຳເພື່ອສ້າງຄວາມດຶງດູດໃຫ້ແຂກພາຍໃນ ແລະ ຕ່າງປະເທດທີ່ເຂົ້າມາທ່ຽວຊົມເຊັ່ນ: ມີພິທີຕັກບາດອຸທິດກຸສົນໃຫ້ຊ້າງ ແລະ ຄວນຊ້າງ, ມີການວາງສະແດງສິນຄ້າຈຳໜ່າຍສິນຄ້າງທັງໝົດ 220 ກ່ວາຮ້ານ, ຊົມສະແດງສິນລະປະວັນນະຄະດີຈາກໂຮງຮຽນ ແລະ ສຳນັກງານ, ອົງການອ້ອມຂ້າງແຂວງ, ມີການບໍລິການຂີ່ຊ້າງ, ຊົມການສະແດງຊ້າງຄຳຮູ້ຈຳນວນ 19 ໂຕຄື: ຊ້າງຟ້ອນລຳວົງລາວກັບຄົນ, ຊ້າງຊັດໝາກປູມເປົ້າ, ຊ້າງໂຍນບານບ້ວງ, ຊ້າງຍົກສອງຂາໜ້າ, ຊ້າງນັ່ງຍົກ 2 ຂາໜ້າ, ຊ້າງຕັ້ງຫົວຜັກທຽມ, ຊ້າງແກ່ວງບ້ວງ ແລະ ເຕະບານເປັນທີມ ແລະ ການສະແດງອື່ນໆ ອີກ, ມີການຂີ່ຊ້າງຊົມຕົວເມືອງໄຊຍະບູລີ. ຈາກນັ້ນຍັງໄດ້ປະກວດຊ້າງງາມ, ຊ້າງຄຳຮູ້ ແລະ ໂຕະບຸບເຟຊ້າງ.

ໂດຍໄດ້ຈັດເປັນ 2 ເງື່ອນໄຂມີການຕົບແຕ່ງຊ້າງສວຍງາມ ຄົບຊຸດ, ມີຜ້າປົກຫົວ, ປົກຕົວ, ມີການປະດັບງວງ, ງາ, ຫາງ ແລະ ຕີນ. ການນຸ່ງຖືຂອງຄວນຊ້າງສວຍງາມເປັນລະບຽບຮຽບຮ້ອຍດີ ຜົນການປະກວດອັນດັບທີ 1: ນາງ ມຸກດາ ອາຍຸ 6 ປີ ໝາຍເລກເບີ 61 ເປັນຊ້າງຂອງທ່ານ ຕານ ບ້ານນາມົນເມືອງທົ່ງມີໄຊ, ອັນດັບທີ 2 ແມ່ທອງຄູນອາຍຸ 28 ປີ ໝາຍເລກເບີ 9 ເປັນຊ້າງຂອງທ່ານ ບຸນສວນ ບ້ານແສງຈະເລີນເມືອງພຽງ, ອັນດັບທີ 3 ພາຍຄຳມັ່ງ ອາຍຸ 30 ປີ ໝາຍເລກເບີ 19 ເປັນຊ້າງຂອງທ່ານ ເປັກ ບ້ານຜາແກ້ວເມືອງປາກລາຍ. ສຳລັບຊ້າງຄຳຮູ້ ອັນດັບທີ 1: ຊ້າງແມ່ມຸກດາຂອງທ່ານຕານ ບ້ານນາມົນ ເມືອງທົ່ງມີໄຊ, ອັນດັບທີ 2: ຊ້າງແມ່ບົວສີຂອງທ່ານ ແປງບ້ານນາມົນເມືອງທົ່ງມີໄຊ, ອັນດັບທີ 3: ຊ້າງພາຍຄຳມິ່ງ ຂອງທ່ານ ພອນ ບ້ານນາເປືອຍເມືອງທົ່ງມີໄຊ ສ່ວນໂຕະບຸບເຟຊ້າງເຂົ້າຮ່ວມທັງໝົດ 18 ໂຕະ ຈາກ 14 ພາກສ່ວນ ຜ່ານການສັງລວມຂອງຄະນະກຳມະການອັນດັບທີ 1 ໄດ້ແກ່ສູນການສຶກສານອກໂຮງຮຽນຂັ້ນແຂວງ, ທີ 2 ບ້ານນາໄຮ 2, ທີ 3 ຫ້ອງວ່າການປົກຄອງເມືອງໄຊຍະບູລີ1.


ທ່ານ ຍັງໄດ້ໃຫ້ຮູ້ຕື່ມວ່າ ຈຸດເດັ່ນຂອງການຈັດງານມະຫາກຳບຸນຊ້າງໃນຄັ້ງນີ້ແມ່ນຕິດພັນກັບການເປີດປີທ່ອງທ່ຽວລາວ ຊຶ່ງໄດ້ຈັດກິດຈະກຳທ່ອງທ່ຽວເຊັ່ນ: ທ່ຽວຊົມເຂື່ອນໄຟຟ້ານໍ້າຂອງ, ທ່ຽວຊົມຖໍ້າລອດ, ທ່ຽວຊົມຖໍ້າພະຜາຂີ້ໝິ້ນ ແລະ ຈຸດຊົມວີວຂອງເມືອງໄຊຍະບູລີ, ທ່ຽວຊົມກອງເຂົ້າໃຫຍ່, ທ່ຽວຊົມຕົ້ນຂາມເຕັ້ຍ 1,000 ປີ.

ທ່ຽວຊົມກົກຂ່າໃຫຍ່ຫຼາຍພັນປີເມືອງພຽງ, ທ່ຽວຊົມສວນຊາ, ຊີມຊາພັນປີ ແລະ ຊົມທະເລໝອກຂອງເມືອງໄຊສະຖານ ໂດຍລວມແລ້ວກິດຈະກຳການສະແດງຂອງຊ້າງແມ່ນຫຼາຍກວ່າປີທີ່ຜ່ານມາ. ເຖິງເວລານີ້ການຈັດງານມະຫານກຳບຸນຊ້າງໄຊຍະບູລີປີ 2018 ແມ່ນໄດ້ຮັບຜົນສຳເລັດຢ່າງຈົບງາມ ແລະ ພົບກັນໃໝ່ໃນມະຫາກຳບຸນຊ້າງປີ 2019.

 ສິ່ງຂອງ 6 ຢ່າງທີ່ຄວນຖີ້ມ ແລ້ວຊີວິດຈະດີຂຶ້ນທັນຕາເຫັນ

ຫຼາຍຄົນກໍຄົງຈະຍັງບໍ່ທັນຮູ້ວ່າ ສິ່ງຂອງອ້ອມຕົວເຮົານັ້ນ ແອບແຝງໄປດ້ວຍພະລັງດ້ານບວກ ແລະດ້ານລົບ ຫາກມື້ໃດຮູ້ສຶກບໍ່ຄ່ອຍດີ, ຮູ້ສຶກທໍ້ແທ້ ໃຫ້ລອງສັງເກດເບີ່ງວ່າ ມີບາງຢ່າງກຳລັງຂັດຂວາງ ພະລັງດ້ານບວກຂອງເຮົາຢູ່, ເຮັດອັນໃດກໍຕິດໆ ຂັດໆ ເພາະເຈົ້າມີ 6 ສິ່ງນີ້ຢູ່ໃກ້ຕົວ, ດັ່ງນັ້ນ ຄວນເອົາ ອອກໃຫ້ໄກຕົວ ເພື່ອເສີມສ້າງພະລັງງານດ້ານບວກ ຕໍ່ຕ້ານພະລັງງານດ້ານລົບ ໃຫ້ໄດ້ພົບແຕ່ສິ່ງດີໆເຂົ້າ ມາໃນຊີວິດ
1 ດອກໄມ້ແຫ້ງ, ດອກໄມ້ອົບແຫ້ງຕ່າງໆ: ເຖິງວ່າຈະເປັນສິ່ງທີ່ເຮົາມັກກໍຕາມ ແຕ່ດອກໄມ້ແຫ້ງ, ໃບໄມ້ແຫ້ງນັ້ນເປັນຕົວແທນພະລັງງານທີ່ງ່ອມເຫງົາ, ຊຶ່ງຈະຄອຍຢ້ຳເຕືອນໃຫ້ນຶກເຖິງອະດິດເລື່ອງເກົ່າໆ ເຮັດໃຫ້ກ້າວເດີນໄປທາງໜ້າໄດ້ຍາກຍິ່ງຂຶ້ນ, ດັ່ງນັ້ນ ຄວນປ່ຽນເປັນດອກໄມ້ສົດຈະດີກວ່າ ແລ້ວວາງໄວ້ ທາງໜ້າຂອງເຮືອນ ເພື່ອຈະໄດ້ຮັບພະລັງງານດ້ານບວກ ແລະຊ່ວຍຍົກລະດັບຊີວິດໃຫ້ດີຂຶ້ນນຳ


2 ອຸປະກອນອີເລັກໂຕນິກທີ່ຫັກ, ເປ່ເພ: ເພາະເຄື່ອງອຸປະກອນກົນຈັກ, ອຸປະກອນອີເລັກໂຕນິກ ຕ່າງໆ ທີ່ໃຊ້ງານບໍ່ໄດ້ ເຊັ່ນ: ໂທລະສັບມືຖື, ເຕົາປີ້ງເຂົ້າໜົມ, ວິທະຍຸ, ໂທລະພາບຕ່າງໆ ຈະສົ່ງຜົນ ດ້ານລົບກັບສຳພັນໃນບ່ອນເຮັດວຽກ, ສົ່ງຜົນຮ້າຍກັບການເຮັດວຽກຂອງເຮົາ ລວມທັງຈະເຮັດໃຫ້ສຸຂະ ພາບຮ່າງກາຍມີບັນຫາ, ຖ້າບໍ່ເອົາໄປແປງກໍຄວນຈະຖີ້ມສາ ປະໃຫ້ພື້ນທີ່ໂລ່ງຍັງດີກວ່າເອົາຂອງເພຕັ້ງໂຊ


3 ຕົ້ນໄມ້ ພືດພັນທີ່ກຳລັງຈະຕາຍ: ຕົ້ນໄມ້ ຕົ້ນພືດເປັນສິ່ງບົ່ງບກລັກສະນະຂອງການເຕີບໂຕ ຖ້າຕົ້ນໄມ້ຂຽວຊຸ່ມອື່ມເອີບດີ ກໍຈະສ້າງຄວາມຈະເລີນຮຸ່ງເຮືອງ ແຕ່ຖ້າຕົ້ນໄມ້ຢືນຕົ້ນຕາຍຫ່ຽວ ກໍຈະໃຫ້ ຜົນກົງກັນຂ້າມ ເຮົາກໍຈະຮູ້ສຶກເໜື່ອຍໜ່າຍ, ງ່ອມເຫງົາຫາວນອນໄດ້ຕະຫຼອດເວລາ, ຂີ້ຄ້ານໄປກັບທຸກ ເລື່ອງ ບໍ່ວ່າຈະເປັນວຽກ ຫຼື ເລື່ອງສ່ວນຕົວ, ຫາກເຮົາບໍ່ສາມາດຟື້ນຟູໃຫ້ຕົ້ນໄມ້ໃບຫຍ້າກັບມາມີຊີວິດຊີ ວາໄດ້, ແນະນຳໃຫ້ຖີ້ມແລ້ວຫາຊື້ຕົ້ນໃໝ່ມາປູກແທນ ຈະຊ່ວຍສົ່ງເສີມສຸຂະພາບກາຍ ແລະໃຈທີ່ດີໄດ້


4 ຢາ ແລະເຄື່ອງສຳອາງໝົດອາຍຸ: ການເກັບຢາ ແລະເຄື່ອງສຳອາງໝົດອາຍຸ ນອກຈາກຈະ ເປັນອັນຕະລາຍຕໍ່ສຸຂະພາບແລ້ວ ຍັງສົ່ງຜົນຕໍ່ພະລັງງານດີໆອີກດ້ວຍ ເພາະສິ່ງຂອງເຫຼົ່ານັ້ນຍັງມີພະລັງ ງານດ້ານລົບທີ່ແຮງກ້າ ຈະເຮັດໃຫ້ຊີວິດເຮົາມີເລື່ອງຫຍຸ້ງ, ທີ່ທີ່ຈະຜ່ອນຄາຍ, ດັ່ງນັ້ນ ຄວນມີການສຳ ຫຼວດເບິ່ງບັນດາຢາ ແລະເຄື່ອງສຳອາງ ລວມທັງສະບູ່, ຢາສະຜົມ ແລະຄີມຕ່າງໆ ກວດເບິ່ງວັນໝົດອາ ຍຸແລ້ວຖີ້ມໄປສາ ເພື່ອຈະໄດ້ພະລັງງານດ້ານດີກັບມາ ແລະໄດ້ພື້ນທີ່ໂລ່ງກັບມາ


5 ອາຫານເກົ່າໃນຕູ້ເຢັນ: ອາຫານຄ້າງຄືນ, ຄ້າງເດືອນ, ຄ້າງປີ, ອາຫານໝົດອາຍຸ ອາຫານ ເກົ່າທີ່ເກັບໄວ້ຈົນບໍ່ເປັນຕາກິນ ຫາກຍັງຝືນເອົາເກັບໄວ້ໃນຕູ້ເຢັນ ຫຼື ເຮືອນຄົວ ຈະສົ່ງກະທົບຕໍ່ເລື່ອງ ຄວາມຮັກ ຄວາມສຳພັນໂດຍກົງ, ດັ່ງນັ້ນ ຈຶ່ງຄວນກວດສອບເປັນປະຈຳແລ້ວເກັບອອກໃຫ້ໝົດລວມ ທັງ ເຄື່ອງປຸງອາຫານນຳ, ຖ້າຈະໃຫ້ດີອຸປະກອນແຕ່ງກິນກໍຄວນປ່ຽນໃໝ່ແດ່ບາງຢ່າງ ເພື່ອເພີ່ມເຕີມຄວາມ ຮັກຄວາມສົດໃສ, ອາຫານທີ່ສົດໃໝ່ສະອາດ ຈະຊ່ວຍໃຫ້ຄຸນນະພາບຜິວສວຍງາມ, ສຸຂະພາບຈິດແຈ່ມໃສ ແບບທີ່ວ່າໃຜໆກໍຢາກເຂົ້າໃກ້


6 ຮູບຖ່າຍຂອງແຟນເກົ່າ, ຄົນຮັກເກົ່າ: ເຖິງແມ່ນວ່າຄົນຮັກເກົ່າຈະກາຍເປັນເພື່ອນທີ່ແສນດີ, ແຕ່ ແນວໃດກໍດີ ຮູບເກົ່າກໍຊວນໃຫ້ຫວນໄປຄິດເຖິງເລື່ອງເກົ່າໆຢູ່ສະເໝີ, ເພາະພາບຖ່າຍຈະມີພະລັງງານທີ່ ຮຸນແຮງໃຫ້ເຮົາເກາະຕິດກັບອາດິດຮັກຂອງເຮົາຢ່າງຫຼີກບໍ່ໄດ້ ແລະເຮັດໃຫ້ເຮົາບໍ່ປະສົບຄວາມສຳເລັດ ໃນ ການມີຮັກຄັ້ງໃໝ່ໄດ້ ເພາະຈິດໃຕ້ສຳນຶກຍັງວົນວຽນຄິດເຖິງຄົນຮັກເກົ່າຕະຫຼອດເວລາ, ຖ້າຢາກເກັບ ຄວາມຫຼັງໄວ້ ກໍຄວນເກັບໄວ້ຢ່າງມິດງຽບ ແລະໄວ້ໃນບ່ອນທີ່ບໍ່ຕ້ອງຕາຈະເປັນການດີ

ສປປ ລາວ ໄດ້​ເປັນ​ສະມາຊິກສະຖາບັນການເຕີບໂຕສີຂຽວໂລກ (GGGI) ແລ້ວ

ທ່ານຮອງ​ລັດຖະມົນຕີ​ກະຊວງ​ແຜນການ ​ແລະ ການ​ລົງທຶນ ກິ​ແກ້ວ ຈັນທະ​ບູລີ ​ໃຫ້​ຮູ້​ວ່າ: ສປປ ລາວ ພວກເຮົາ​ໄດ້​ຖືກ​ຮັບ​ເຂົ້າ​ເປັນ​ສະມາ​ຊິກ​ຂອງ​ສະ​ຖາ​ບັນ​ການ​ເຕີບ​ໂຕ​ສີຂຽວ​ໂລກ (GGGI) ​ເປັນ​ປະ​ເທດອັນດັບ​ທີ 28 ເພື່ອ​ເປັນ​ການສະໜັບສະໜູນບັນດາວຽກງານ ແລະ ນະໂຍບາຍຂອງ​ລັດຖະບານ.
ການເຕີບໂຕສີຂຽວຮັບປະກັນການພັດທະນາເສດຖະກິດໄປຄຽງຄູ່ກັບການປົກຮັກສາສິ່ງແວດລ້ອມ ແລະ ການມີສ່ວນຮ່ວມຂອງສັງຄົມ, ທັງ​ເປັນ​ການ​ຊຸກຍູ້​ໃຫ້​ບັນດາ​ປະ​ເທດ​ສະມາຊິກ​​ມີ​ສ່ວນ​ຮ່ວມ​​ປົກ​ປັກ​ຮັກສາ​ບໍ່​ໃຫ້​ເກີດສິ່ງ​​​ທີ່​ເປັນ​ຜົນ​ກະທົບ​ຕໍ່ການ​ປ່ຽນ​ແປງ​ຂອງ​ດິນ​​ຟ້າ​ອາກາດ.
ສໍາລັບ​ ສປປ ລາວ​ ​​​ໄດ້ເຮັດ​ວຽກ​ຮ່ວມ​ໃນຫລາຍຂະ​ແໜງ​ການ​ ເຊັ່ນ: ການທ່ອງທ່ຽວ​ປະສົມ​ປະສານ​ກັບ​ທໍາ​ມະ​ຊາດ, ການ​ກໍາຈັດ​ນໍ້າ​ເປື້ອນ, ຂີ້ເຫຍື້ອ​ຕ່າງໆ, ການ​ນໍາ​ໃຊ້​ພະລັງ​ງານ ​ແລະ ອື່ນໆ, ​ເຊິ່ງ​​ປັດຈຸບັນ​ໄດ້​​​​ທົດ​ລອງປະຕິບັດຢູ່ນະ​ຄອນ​ຫລວງວຽງ​ຈັນ ​ແລະ ແຂວງຈໍາປາ​ສັກ.
ສະຖາບັນ (GGGI) ແມ່ນອົງການຈັດຕັ້ງສາກົນ​ ເພື່ອສົ່ງເສີມການເຕີບໂຕຂອງສີຂຽວ ແລະ ຄວາມຍືນຍົງດ້ານສິ່ງແວດລ້ອມ​, ໃຫ້ການສະໜັບສະໜູນການຂະຫຍາຍຕົວຂອງເສດຖະກິດທີ່ມີສີຂຽວ, ເຊິ່ງລວມມີການຫລຸດຜ່ອນຄວາມທຸກຍາກ, ການສ້າງວຽກເຮັດງານທໍາ ​ແລະ ການປະກອບສ່ວນທາງດ້ານສັງຄົມ. GGGI ​ແມ່ນ​ເນັ້ນເຮັດວຽກໃນ 4 ຂົງເຂດບູລິມະສິດສໍາຄັນ​ໃນການຫັນປ່ຽນເສດຖະກິດໃນປະເທດ​ ເຊັ່ນ: ດ້ານພະລັງງານ, ນໍ້າ, ການນໍາໃຊ້ທີ່ດິນ ແລະ ເມືອງສີຂຽວ. ​ພ້ອມ​ດຽວ​ກັນ​ນັ້ນ, ​ກໍເຮັດວຽກຮ່ວມກັບບັນດາປະເທດພັດທະນາ ແລະ ປະເທດທີ່ພວມພັດທະນາ ເພື່ອອອກແບບ ແລະ ສະແດງໃຫ້ເຫັນເສັ້ນທາງໃໝ່ສໍາລັບການເຕີບໂຕທາງດ້ານເສດຖະກິດທີ່ມີຄວາມຍືນຍົງ.
ຂະນະ​ດຽວ​ກັນກໍ​ສະໜັບສະ​ໜູນປະ​ເທດ​ສະມາຊິກ, ໂດຍການສະໜອງຜະລິດຕະພັນ, ສະໜອງທຶນ ແລະ ການປະສານງານການເຕີບໂຕສີຂຽວ ເພື່ອສະໜັບສະໜູນການປະຕິບັດຕາມບູລິມະສິດການພັດທະນາ.
ຂໍ້ມູນຈາກ: © ShareKao