ອໍານາດການປົກຄອງບ້ານນາຫີນເມືອງແກ່ນທ້າວແຂວງໄຊຍະບູລີລົງກວດກາຄວາມເສຍຫາຍຈາກໄພທໍາມະຊາດຟ້າຜ່າງົວຂອງປະຊາຊົນບ້ານນາຫີນ

ພາຍຫຼັງໄດ້ຮັບການລາຍງານຈາກອໍານາດການປົກຄອງ ບ້ານນາຫີນ ເມືອງແກ່ນທ້າວ ແຂວງໄຊຍະບູລີ ວ່າ: ໃນຕອນເຊົ້າເວລາ 6-7 ໂມງຂອງວັນທີ 22 ກຸມພາ 2018 ນີ້, ໄດ້ເກີດ ຟ້າຜ່າງົວ ຂອງປະຊາຊົນບ້ານດັ່ງກ່າວ ຕາຍ 27 ໂຕ.

ລວມມູນຄ່າເສຍຫາຍທັງໝົດ 160 ກວ່າລ້ານກີບ ເຊິ່ງເປັນງົວຂອງຄອບຄົວ ທ້າວ ຊຽງທັດ ແສນພັນປະຊາຊົນບ້ານນາຫີນ ເມືອງແກ່ນທ້າວ. ໃນນີ້ ງົວໃຫຍ່ 19 ໂຕ ມູນຄ່າ 140 ກວ່າລ້ານກີບ ແລະ ງົວນ້ອຍ 8 ໂຕ ມູນຄ່າ 20 ລ້ານກີບ ຕໍ່ກັບເຫດການດັ່ງກ່າວຄັ້ງນີ້,

ພະນັກງານວິຊາການຈາກຫ້ອງການແຮງງານ ແລະ ສະຫວັດດີການສັງຄົມເມືອງ, ຫ້ອງການກະສິກໍາ ແລະ ປ່າໄມ້ເມືອງ ໄດ້ສົບທົບອໍານາດການປົກຄອງບ້ານລົງກວດກາຕົວຈິງ ພ້ອມທັງປະເມີນລາຄາ, ມູນຄ່າເສຍຫາຍ ເພື່ອລາຍງານທາງເມືອງຮັບຮູ້ ແລະ ລາຍງານຕໍ່ແຂວງ ເພື່ອຊອກຫາທາງຊ່ວຍເຫຼືອຄອງຄົວດັ່ງກ່າວໃນຂັ້ນຕໍ່ໄປ.

ຂ່າວ: ແຂວງໄຊຍະບູລີ

Be the first to comment

Leave a Reply

Your email address will not be published.


*