ໝາກກ້ຽງເຮັດໃຫ້ຜິວງາມຂຶ້ນໄດ້

ໝາກກ້ຽງເປັນໝາກໄມ້ລົດຊາດແຊບທີ່ມີປະໂຫຍດຕໍ່ຜິວຫລາຍ ເຊິ່ງຫາກໃຜທີ່ມີບັນຫາຜິວສາມາດໃຊ້ໝາກກ້ຽງຊ່ວຍຟື້ນຟູສຸ ຂະພາບຜິວໄດ້.
– ຊ່ວຍໃຫ້ຮູຂຸມຂົນຫົດນ້ອຍລົງ : ເມື່ອຮູຂຸມຂົນເປີດກ້ວາງບໍ່ພຽງແຕ່ຈະເຮັດໃຫ້ຜິວບໍ່ງາມ ແຕ່ມັນຍັງເປັນສາເຫດຂອງການເກີດສິວນຳອີກ ສະນັ້ນວິທີງ່າຍໆທີ່ຈະຊ່ວຍໃຫ້ຮູຂຸມຂົນຫົດນ້ອຍລົງ ເຮັດໄດ້ໂດຍການເອົານຳ້ໝາກກ້ຽງສົດມາທາພອກໃຫ້ທົ່ວໃບໜ້າ ປະໄວ້ປະມານ 15 ນາທີ ຈຶ່ງລ້າງອອກໂດຍນຳ້ເຢັນ.
– ຊ່ວຍປິ່ນປົວສິວ : ໃນໝາກກ້ຽງອຸດົມໄປດ້ວຍກົດຊິຕຣິກ ເຊິ່ງຫາກເອົານຳ້ໝາກກ້ຽງສົດໆມາທາທົ່ວໃບໜ້າ ກໍຈະຊ່ວຍຫລຸດຄວາມມັນໄດ້ ທັງຍັງຊ່ວຍໃຫ້ສິວແຫ້ງໄວ ແລະ ຊ່ວຍຫລຸດການເກີດຮອຍສິວ ຈຶ່ງບໍ່ແປກໃຈເລີຍວ່າເປັນຫຍັງໝາກກ້ຽງຈຶ່ງເປັນສ່ວນປະກອບສຳຄັນທີ່ຜະລິດຕະພັນລ້າງ ຫລື  ບຳລຸງຜິວໜ້າຫລາຍຍີ່ຫໍ້ເອົາມາໃຊ້ປະສົມໃນຜະລິດຕະພັນນຳ.
– ຊ່ວຍເຮັດໃຫ້ຜິວຂາວຂຶ້ນ : ເປືອກໝາກກ້ຽງມີສານຊ່ວຍເຮັດໃຫ້ຜິວຂາວຕາມທຳມະຊາດ ເຊິ່ງຫາກໃຜທີ່ມີບັນຫາຈຸດດ່າງດຳ, ສີຜິວບໍ່ສະໝໍ່າສະເໝີ ຫລື ຮອຍສິວ ກໍໃຫ້ເອົາເປືອກໝາກກ້ຽງສົດໆມາຜັດຖູລົງເທິງຜິວໜ້າປະມານ 15 ນາທີ ຈາກນັ້ນປິດຮູຂຸມຂົນດ້ວຍການລ້າງອອກໂດຍນຳ້ເຢັນ ຫາກເຮັດເປັນປະຈຳຈະເຫັນຜົນໄດ້ໄວຂຶ້ນ.
– ຊ່ວຍບຳລຸງເສັ້ນຜົມ : ເອົານຳ້ໝາກກ້ຽງມາປະສົມກັບນຳ້ ແລະ ນຳ້ເຜິ້ງ ຈາກນັ້ນທາລົງໃຫ້ທົ່ວໜັງຫົວ ແລະ ເສັ້ນຜົມ ໃຊ້ນິ້ວມືນວດຄ່ອຍໆ ແລ້ວປະໄວ້ຈັກໄລຍະໜຶ່ງກ່ອນ ລ້າງອອກດ້ວຍນຳ້ເຢັນ ພຽງເທົ່ານີ້ເສັ້ນຜົມກໍຈະງາມ ແລະ ອ່ອນນຸ້ມຂຶ້ນ.
– ຊ່ວຍຜັດຜິວໄດ້ເປັນຢ່າງດີ : ເມື່ອທ່ານແກະເປືອກໝາກກ້ຽງອອກແລ້ວເອົາເປືອກມາຜັດຜິວ ໂດຍເອົາເປືອກໝາກກ້ຽງປະສົມກັບຂີ້ໝິ້ນຝຸ່ນ, ນຳ້ຕານ ແລະ ນຳ້ເຜີ້ງ ຈາກນັ້ນເອົາມາຜັດຖູຜິວຄ່ອຍໆ ແລ້ວລ້າງອອກ ພຽງເທົ່ານີ້ຜິວຂອງທ່ານກໍຈະສົດໃສຂຶ້ນ.
– ນຳ້ຕົ້ມເປືອກໝາກກ້ຽງໃຊ້ເຊັດເຮັດຄວາມສະອາດຜິວໄດ້ : ໂດຍໃຫ້ເອົາເປືອກໝາກກ້ຽງຕົ້ມລົງໃນນຳ້ຟົດໆ ປະໃຫ້ເຢັນ ແລ້ວເອົາສຳລີຈຸ່ມມາເຊັດຖູເຮັດຄວາມສະອາດຜິວໜ້າໄດ້ດີ.
– ກຳຈັດບັນຫາຜິວໝົ່ນໝອງ : ໃຫ້ເອົານຳ້ໝາກກ້ຽງໄປແຊ່ໃນຖ້ານແຊ່ແຂງໃຫ້ເປັນກ້ອນ ແລ້ວເອົາມາຖູໃບໜ້າ ທ່ານຈະຮູ້ສຶກສົດຊື່ນຂຶ້ນຫລາຍ ທັງຍັງຊ່ວຍຫລຸດອາການລະຄາຍເຄືອງຂອງຜິວ, ປິ່ນປົວສິວ ແລະ ຊ່ວຍໃຫ້ສີຜິວສະໝໍ່າສະເໝີກັນ.
ຂອບໃຈຂໍ້ມູນຈາກ: © ShareKao

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *