ເປີດໂຕນາງເອກໜ້າໃໝ່ “ຕາແພງ” ຈາກຊີລີ້ “ຮັກນີ້ສີບົວ Season 2

ເປີດຕົວນາງເອກສຸດໜ້າຮັກ ຂອງຊີລີ້ຮັກນີ້ສີບົວ2  ຖືວ່າເປັນອີກຊີລີ້ໜຶ່ງທີ່ມີກະແສຕອບຮັບຈາກຊາວໂຊຊຽວເປັນຢ່າງດີສຳລັບ ຊີລີ້ຮັກນີ້ສີບົວ on your side the series by SUNSILK ແລະຄັ້ງນີ້ຊີລີ້ເລື່ອງດັ່ງກ່າວກໍຈະກັບມາໃຫ້ສາວນ້ອຍສາວໃຫຍ່ໄດ້ຟິນອີກຄັ້ງກັບ ຮັກນີ້ສີບົວ on your side the series (Season 2) ແນ່ນອນໄຮໄລ້ຂອງງານນີ້ແມ່ນຢູ່ທີ່ນາງເອກ ສາວນ້ອຍຜູ້ທີ່ນ້າຮັກສົດໃສຂວັນໃຈໜຸ່ມໆ ເຊິ່ງຈະໜ້າຮັກຟຸ້ງຟ້ງມຸ້ງມິ້ງຊ່ຳໃດ ໄປທຳຄວາມຮູ້ຈັກກັບນ້ອງເລີຍ

ນ້ອງຕາແພງ (ຕາແພງສົມຊື່ອີ່ຫຼີ ອິອິ) ຫຼື ນາງ ຄຳແພງ ໄຊເສດຖາ ອາຍຸ 19ປີ ນ້ອງເປັນຄົນທ່າລາດ, ແຂວງວຽງຈັນ ປັດຈຸບັນກຳລັງສຶກສາຢູ່ທີ່ສະຖາບັນການທະນາຄານ. ສາວນ້ອຍແກ້ມໃສຜົມງາມຜູ້ຫຼົງໄຫຼໃນການຫຼິ້ນກິຕ້າ ແລະອາຄູລາເລ່ ພ້ອມດຽວກັນກໍຍັງເປັນເດັກກິດຈະກຳ ໂດຍເປັນໜ່ວຍຂ່າວສານຢູ່ພາຍໃນໂຮງຮຽນ.

 

ນ້ອງຕາແພງໄດ້ເວົ້າວ່າ ຊີລີ້ເລື່ອງນີ້ເປັນຜົນງານໃນວົງການບັນເທີງຄັ້ງທຳອິດ ແລະຮູ້ສຶກດີໃຈທີ່ສຸດເມື່ອຮູ້ວ່າຕົນເອງໄດ້ຖືກຮັບເລືອກໃຫ້ເປັນນັກສະແດງຫຼັກ ເພາະສ່ວນຕົວແລ້ວຈະມັກເບິ່ງຮູບເງົາ, ຕິດຕາມຊີລີ້ເລື້ອຍມາ ແລະກໍມີຄວາມຝັນວ່າຫາກຕົນເອງໄດ້ເຂົ້າໄປຢູ່ໃນຈໍແລ້ວສ້າງຄວາມສຸກໃຫ້ກັບຜູ້ເບິ່ງມັນຄົງຈະເປັນສິ່ງທີ່ດີເລີຍລະ ແລະຕອນນີ້ຄວາມຝັນດັ່ງກ່າວກໍໄດ້ກາຍເປັນຈິງຈະບໍ່ໃຫ້ດີໃຈໄດ້ແນວໃດວ່າບໍ່.

ສິ່ງທ້າທາຍທີ່ສຸດຄືການເປັນນັກສະແດງຄັ້ງທຳອິດໃນຊີວິດ ແລະຄາເລັກເຕີ້ບາງຢ່າງຂອງຕົວລະຄອນກໍຕ່າງຈາກຄາເລັກເຕີ້ຕົວຈິງ ແຕ່ເຖິງຢ່າງໃດກໍຕາມນ້ອງກໍຈະຕັ້ງໃຈເຮັດໃຫ້ເຕັມທີ່ ໃຫ້ສົມກັບໂອກາດດີໆທີ່ໄດ້ຮັບຈາກຜູ້ໃຫຍ່ ຂໍໃຫ້ທຸກຄົນຊ່ວຍເປັນກຳລັງໃຈໃຫ້ກັບນ້ອງ ແລະທິມງານຮັກນີ້ສີບົວ ຊີຊັ້ນ 2 ທຸກໆຄົນ ເຊິ່ງຈະເລີ່ມເປີດກອງຖ່າຍ ໃນທ້າຍເດືອນກຸມພາ ຢ່າລືມລໍຖ້າຕິດຕາມຜົນງານຂອງພວກເຮົາເດີ!

 

CATEGORIESຂ່າວບັນເທີງ, ຂ່າວລາວ

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *