ວາເລນທາຍ ເຂົ້າວ່າເປັນມື້ເສຍຕົວ! ມາເບິ່ງ 7 ເຕັກນິກປ້ອງກັນຖືກຂົ່ມຂືນ ຄືນນີ້ ຖ້າວ່າບໍ່ແມ່ນຮັກແທ້…

ສັງຄົມທຸກວັນນີ້ຮູ້ໜ້າບໍ່ຮູ້ໃຈບໍ່ຈັກຄົນໃກ້ ຫຼື ໄກຕົວກໍ່ສ່ຽງຕໍ່ຊີວິດທັງນັ້ນ ໂດຍສະເພາະສາວໆ ທີ່ມັກຈະຖືກລ່ວງລະເມີດທາງເພດ ບັງຂັບຂົ່ມຂືນເອີ້ນໄດ້ວ່າອັນຕະລາຍຮອບດ້ານ ໂດຍສະເພາະຄືນນີ້ກັບວັນທີ 14 ກຸມພາ (ວັນວາເລັນທາຍ ຫຼື ວັນແຫ່ງຄວາມຮັກ) ເພາະບາງຄູ່ອາດຈະຄົບກັນບໍ່ດົນ, ແຕ່ຕ້ອງການໃນເວລາອັນສັ້ນໆ ແບບທີ່ບໍ່ໄດ້ສຶກສາກັນ ອາດເກີດການຂືນໃຈ. ດັ່ງນັ້ນ ຖ້າເກີດເຫດການຂຶ້ນຈິງ ສາວໆ ຈິ່ງຄວນຮຽນຮູ້ວິທີເອົາຕົວລອດເມື່ອບໍ່ມີໃຜຊ່ວຍ ແອັດມິນໂປ່ງ ເອົາມາຝາກເທື່ອນີ້ມີ 7 ເຕັກນິກແບບໃຜໆກໍ່ເຮັດໄດ້.


1. ຈຳຈຸດອ່ອນຂອງຄົນໃຫ້ໄດ້: ຈຸດອ່ອນເປັນບ່ອນທີ່ເຮົາສາມາດເອົາຊະນະໄດ້ ເຖິງຈະເປັນຄົນໂຕໃຫຍ່ສ່ຳໃດກໍ່ຕາມ ຈຸດອ່ອນນັ້ນກໍ່ຄືດວງຕາ, ດັງ, ກ້ານຄໍ, ຄໍຫອຍ, ຫົວເຂົ່າ ແລະຫວ່າງຂາທີ່ເປົ້ານັ້ນແລ ຈະໂຈມຕີຈຸດໃດກໍ່ໄດ້ແຕ່ຕ້ອງໃຫ້ໝັ້ນໃຈວ່າແຮງພໍທີ່ຈະເຮັດໃຫ້ເຂົາເຈັບເຕັມທີ່.


2.ການໂຈມຕີທີ່ເກີດປະສິດທະພາບຫຼາຍທີ່ສຸດ ຖ້າຄົນຮ້າຍພະຍາຍາມເອົາມືເຂົ້າມາຈັບເຮົາ ໃຫ້ໃຊ້ມືຂ້າງໜຶ່ງຈັບເອົານີ້ວຊີ້ ແລະນີ້ວກາງ, ສ່ວນອີກຂ້າງຈັບນີ້ວນາງກັບນີ້ວກ້ອຍແລ້ວບິດຂໍ້ມືເຂົ້າຫາຕົວຄົນຮ້າຍໃຫ້ໄດ້ຫຼາຍທີ່ສຸດ. ແຕ່ຖ້າບໍ່ສາມາດຄວ້າມືຄົນຮ້າຍໄດ້ ກໍ່ໃຊ້ກຳປັ້ນຟາດບໍລິເວນຫຼຸບເທິງບ່າໄຫລ່ ແລະມຸ້ງເປົ້າທີ່ຈຸດຄໍຫອຍກໍ່ເປັນວິທີທີ່ສາມາດຊ່ວຍໃຫ້ທ່ານເອົາຕົວລອດໄດ້ ສ່ວນທີ່ເໝາະສົມກວ່ານັ້ນຄົງຕ້ອງແມ່ນຫວ່າງຂາ ຂໍແນະນຳວ່າທຸກຄັ້ງທີ່ຢູ່ໃນສະຖານະການລຳບາກໃຫ້ມຸ້ງໃສ່ຈຸດອ່ອນບ່ອນຫວ່າງຂາ ຜູ້ຊາຍທຸກຄົນຖ້າຖືກຈຸດນີ້ເຂົ້າໄປເຕັມໆ ຮັບຮອງລຸກບໍ່ຂຶ້ນແນ່ນອນ ຈາກນັ້ນກໍ່ເປັນໂອກາດເອົາໂຕລອດຂອງເຮົາ.


3. ຖ້າຖືກຈູ່ໂຈມຈາກດ້ານໜ້າ ແນ່ນອນເຮົາບໍ່ສາມາດຍົກມືຂຶ້ນໄດ້ ສະນັ້ນໃຫ້ກຳມັດໄວ້ຈາກນັ້ນກໍ່ຊຸກຕົວຄົນຮ້າຍໃຫ້ຫ່າງອອກໄປເພື່ອໃຫ້ໂຕເຮົາເອງສາມາດເອົາໜ້າພາກຂອງໂຕເອງດັນເຂົ້າໃສ່ດັງຄົນຮ້າຍ ເວລານີ້ທ່ານສາມາດຕີເຂົ້າໄປໃນຫວ່າງຂາຂອງຄົນຮ້າຍໄດ້ຢ່າງສະບາຍ.ແຕ່ຖ້າທ່ານເຮັດແລ້ວຍັງບໍ່ໄດ້ຜົນໃຫ້ປ່ຽນມາປ້ອງກັນຕົວດ້ວຍການໃຊ້ຝາມື ໃຫ້ຢືດແຂນຊ້າຍທີ່ບໍ່ຖະໜັດອອກໄປໃຫ້ສຸດ ແລະໂຈມຕີເຂົ້າທີ່ຄາງ ຫຼື ດັງຂອງຄົນຮ້າຍໂດຍໃຊ້ມືຂວາ ເມື່ອຄຸມສະຖານະການຢູ່ແລ້ວຢ່າລືມຊ້ຳອີກບາດໜຶ່ງເຂົ້າຈຸດອ່ອນຢູ່ຂາໜີບ ຈາກນັ້ນຮີບໜີໃຫ້ໄວທີ່ສຸດ.


4.ວິທີປົດມືອອກ: ຄົນຮ້າຍບາງຄົນຈະພະຍາຍາມຈັບມືເຮົາໄວ້ເພື່ອບໍ່ໃຫ້ເຮົາຕໍ່ສູ້ຄືນ ແຕ່ເຮົາກໍ່ສາມາດຫຼົບໜີໄດ້ ຖ້າຫາກຮູ້ຈັກກົດຂອງນີ້ວໂປ້ ໂດຍການໝູນຂໍ້ມືຂອງເຮົາໄປດ້ວຍນີ້ວໂປ້ຂອງຄົນຮ້າຍ. ຖ້າຄົນຮ້າຍຮັດຕົວເຮົາແໜ້ນເກີນໄປໃຫ້ຫັກຂໍ້ມືຂອງຄົນຮ້າຍເຂົ້າຫາຕົວແລະໝູນຂໍ້ມືໄປທາງນີ້ວໂປ້ຈາກນັ້ນໃຫ້ດຶງແຂນໂຕເອງອອໃຫ້ສຸດແຮງ ຮັບຮອງຫຼຸດອອກມາແນ່ນອນ.


5. ຖ້າລະນີເຮົາຖືກຄວ້າຈາກດ້ານຫຼັງ: ວິທີເອົາຕົວລອດກໍ່ຄືຕ້ອງພະຍາຍາມໂຈມຕີຄົນຮ້າຍດ້ວຍຫົວໂຕເອງ ຊຶ່ງອາດຈະບໍ່ສຳເລັດແຕ່ຈະເຮັດໃຫ້ຄົນຮ້າຍປ່ຽນທ່າດ້ວຍການກ້າວຂາຂ້າງໜຶ່ງໄປທາງໜ້າ ໃນຈຸດນີ້ແລ ເຮົາຕ້ອງກົ້ມລົງຢ່າງວ່ອງໄວຄວ້າຂາຄົນຮ້າຍແລ້ວດຶງລົງໃຫ້ສຸດແຮງເຮັດໃຫ້ເສຍການຊົງຕົວ ເວລານີ້ເຮົາຈະສາມາດໂຈມຕີຄູ່ຕໍ່ສູ້ໄດ້ເພື່ອເອົາຕົວລອດ ບໍ່ວ່າໂຕເຂົາຈະໃຫຍ່ສ່ຳໃດກໍ່ຕາມ.


6. ກໍລະນີຖືກຈູ່ໂຈມຈາກດ້ານຂ້າງ ແນະນຳໃຫ້ສູ້ກັບໂດຍການຕີເຂົ້າກົກຫູ ຫຼື ດັງ ຫຼັງຈາກນັ້ນຄົນຮ້າຍຈະຖອຍໄປ 2-3 ກ້າວ ເຮົາກໍ່ອາໄສຊ່ອງວ່າງນີ້ຕີເຂົ້າໜ້າເອີກ ແລະສ່ວນທ້ອງດ້ວຍການໃຊ້ແຂນສອກຈຸດທີ່ແຂງທີ່ສຸດ ໜ້ອຍບໍ່ຫຼາຍຄູ່ຕໍ່ສູ້ຕ້ອງເຊໄປຫຼາຍເຕີບ ເຮັດໃຫ້ເຮົາມີໂອກາດເອົາຕົວຫຼົບໜີໄດ້.


7. ຖ້າຫາກເຮົາຖືກຄົນຮ້າຍຊຸກໃສ່ຈົນຈຳກຳແພງ ຫຼື ຝາເຮືອນ ແລະແຂນຂອງຄົນຮ້າຍຢູ່ສູງກວ່າໄຫຼ່ເຮົາ ຢ່າລືມກຳໝັດໃຫ້ແໜ້ນແລ້ວຕີເຂົ້າຂີ້ແຮ້ໃຫ້ສຸດແຮງ, ກໍລະນີແຂນຄົນຮ້າຍຢູ່ຕ່ຳກວ່າໄຫຼ່ເຮົາກໍ່ປ່ຽນຕີເຂົ້າທີ່ໜ້າເອີກ ກັບກ້ານຄໍ ແຕ່ວິທີທີ່ດີທີ່ສຸດຄືໂຢກຕົວລົງໃຊ້ຫົວເຮົາເອງໂຈມຕີດ້ວຍການໂດດຂຶ້ນ ຖ້າເຮົາຈັດການຖືກບ່ອນຄົນຮ້າຍໄດ້ເຫັນດາວແນ່ນອນ ເມື່ອນັ້ນເຮົາກໍ່ຮີບອອກຈາກສະຖານທີ່ເກີດເຫດທັນທີ.


Laos Update : ໃຫ້ທ່ານຫຼາຍກວ່າຂ່າວ

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *