ຖືກໂຈນໃຈບາບລັກ ພຣະພຸທທະຮູບທອງສຳຣິດທີ່ເກົ່າແກ່ 3 ອົງ ໃນຄືນ10/02/2018

ແຈ້ງຂ່າວເພື່ອເປັນຫູ ເປັນຕາ ຊ່ອຍກັນ ປົກປັກຮັກສາ ແລະລະວັງໄພຈາກການລັກພຣະພຸທທະຮູບ

ເມື່ອຄືນວັນເສົາ ທີ່ 10 ກຸມພາ 2018 ໄດ້ມີໂຈນໃຈມານຢຽບຊ້າ ຊົ່ວຊ້າສາມານ ເຂົ້າມາລັກເອົາພຣະພຸທທະຮູບ ຢູ່ວັດທາຕຸຫລວງ ເມືອງຫລວງພຣະບາງ
ໃນຕອນຄ່ຳຄືນ ໂດຍເຂົ້າມາຕັດກະແຈປະຕູທາງທິດຕາເວັນອອກ ຂອງສິມ ແລະລັກເອົາພຣະພຸທທະຮູບທອງສຳຣິດ ຈຳນວນ 3 ອົງ ເຊິ່ງເປັນພຣະພຸທທະຮູບປາງມານວິໄຊ ຂະໜາດຫນ້າຕັກ 50 ຊັງຕີແມັດ ເຊິ່ງເປັນພຣະພຸທທະຮູບທີ່ເກົ່າແກ່ທີ່ປະດິດສະຖານຢູ່ວັດທາຕຸຫລວງ ຫລວງພຣະບາງແຫ່ງນີ້

ເຊິ່ງມີຮູບພາບທີ່ຖືກຖ່າຍໄວ້ເມື່ອວັນທີ່ 14/01/2018 ແລະຮູບພາບທີ່ຖ່າຍຫລັງຈາກພຣະພຸທທະຮູບທີ່ຖືກໂຈນລັກໄປແລ້ວ ໃຫ້ສົມປຽບທຽບເບິ່ງ

ຖ້າວ່າທ່ານໃດ ພົບເຫັນ ຫລືມີຂໍ້ມູນກະລຸນາແຈ້ງຂ່າວ ໃຫ້ທາງເຈົ້າຫນ້າທີ່ບ້ານເມືອງ ຫລືທາງເພຈ Art and Culture of Laos ຂອງພວກເຮົາຊາບດ້ວຍ ເພື່ອປົກປ້ອງ ແລະຕາມຊອກຫາພຣະ ທັງ 3 ອົງດັ່ງກ່າວ ກັບຕ່ວງຄືນມາ ຂໍອະນິສົງຜົນບຸນ ແລະອະນຸພາບຂອງຄຸນພຣະພຸທ ພຣະທັມ ພຣະສົງ ຈົ່ງດົນບັນດານໃຫ້ບັນດາໂຈນ ທີ່ມີໃຈຢຽບຊ້າ ນັ້ນຈົ່ງປ່ອງໃຈໃຫ້ສົ່ງກັບຄືນມາໂດຍໄວເທິດ.

ຂໍຮຽກຮ້ອງໃຫ້ບັນດາວັດວາອາຮາມໃນຂອບເຂດທົ່ວປະເທດ ຈົ່ງຖ່າຍຮູບ ຂຶ້ນທະບຽນ ບັນດາພຣະພຸທທະຮູບທີ່ຢູ່ໃນວັດຂອງຕົນເອງໄວ້ເປັນຫລັກຖານ ຖ້າມີເຫດສຸກເສີນດັ່ງກ່າວ ຈຶ່ງຈະສາມາດເປັນຫລັກຖານຫນຶງ ທີ່ຈະຕິດຕາມຫາໄດ້ ແລະທີ່ສຳຄັນສຸດ ຕ້ອງເປັນເຈົ້າການໃນການຮັກສາ ຕິດກ້ອງວົງຈອນ ເຝົ້າຍາມ ຫລືເກັບມ້ຽນໄວ້ໃນສະຖານທີປອດໄພ ຄົງຈະເປັນມາດຕະການຫນຶ່ງທີ່ຈະຮັກສາຊັບສົມບັດເຫລົານີ້ໄດ້

ແລະຂໍໃຫ້ກົມມໍຣະດົກ ຈັດຕັ້ງສາຍດ່ວນ ຫລືຫນ່ວຍງານແຈ້ງຂ່າວ ກ່ຽວກັບຊັບສົມບັດທີ່ຖືກໂຈນລັກໄປ ນີ້ຂຶ້ນມາໂດຍໄວໆ ຈະເປັນຊ່ອງທາງໃຫ້ບັນດາຜູ້ຮັກຫອມສົມບັດຊາດ ເປັນຫູ ເປັນຕາ ແລະເປັນຊ່ອງທາງລາຍງານຂອງບັນດາຄົນບໍ່ດີທັງຫລາຍໄດ້ທັນການ ເນາະ ????

ທີ່ມາ: Art and culture

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *