ຜູ້ນຳເກົາຫລີເຫນືອຢ້ຽມຢາມໂຮງງານຜະລິດລົດເມໄຟຟ້າ

ວັນທີ່ 1 ກຸມພາ 218 ສຳນັກຂ່າວ Uriminzokkiri ຂອງລັດຖະບານເກົາຫຼີເໜືອເຜີຍແຜ່ຮູບປະທານາທິບໍດີຄິມ ຈອງ-ອຶນ ຜູ້ນຳຂອງເກົາຫຼີເໜືອແລະຄະນະເຈົ້າໜ້າທີ່ລະດັບສູງຈາກລັດຖະບານແລະພັຫຄອມມິວນິດເກົາຫຼີເໜືອເດີນທາງໄປກວດວຽກ ການພັດທະນາແລະສ້າງລົດເມໄຟຟ້າປະຈຳທາງ (Trolleybus) ສຳລັບໃຊ້ໃນປະເທດຕົນເອງ ພ້ອມກັບໃຫ້ຄຳແນະນຳການປະຕິບັດງານແລະຊ່ວຍແກ້ໄຂບັນຫາທີ່ເກີດຂື້ນໃນການດຳເນີນວຽກໃຫ້ກັບຄະນະຜູ້ບໍລິຫານ


ເກົາຫຼີເໜືອເລີ່ມໃຊ້ລົດບັດໄຟຟ້າປະເພດນີ້ເປັນລົດໂດຍສານປະຈຳທາງສຳລັບການຄົມມະນາຄົມໃນນະຄອນປຽງຢາງຕັ້ງແຕ່ປີ 1962 ໂດຍຊ່ວງແລກນຳເຂົ້າທັງລົດໂທລເລບັສ (Trolleybus) ແລະລົດບັສທຳມະດາທີ່ໃຊ້ເຄື່ອງຈັກດີເຊວ ຕໍ່ມາຖອດເຄື່ອງຈັກດີເຊວອອກ ໃສ່ມໍເຕີໄຟຟ້າເຂົ້າໄປແທນ ເພື່ອຫລຸດການເພິ່ງພານ້ຳມັນປີໂຕລຽມທີມີລາຄາແພງ ລົດບັສປະເພດນີ້ຄ້າຍກັບລົດລາງທີ່ໃຊ້ໄຟຟ້າພຽງແຕ່ບໍ່ໃຊ້ລະບົບລາງເທົ່ານັ້ນ

ເນື່ອງຈາກສະຫະລັດພະຍາຍາມເຮັດທຸກວິທີທາງໃນການຂັດຂວາງຄວາມຈະເລີນກ້າວໜ້າແລະການພັດທະນາຂອງປະເທດເກົາຫຼີເໜືອ ໂດຍການຫ້າມທຸກປະເທດທົ່ວໂລກຄ້າຂາຍກັບເກົາຫຼີເໜືອໃນບາງມິຕິ ເພື່ອກີດກັນການຄ້າຂາຍຂອງເກົາຫຼີເໜືອ ລົດໂທລເລບັສລຸ້ນທີ່ໃຊ້ງານຢູ່ໃນປະຈຸບັນກໍ່ເລີ່ມຈະເສື່ອມໂຊມຄຸນະພາບໄປຕາມການເວລາ ການນຳເຂົ້າຈາກຕ່າງປະເທດກໍ່ເປັນໄປດ້ວຍຄວາມຢາກລຳບາກ ເນື່ອງຈາກຖືກກີດກັນຈາກມະຫາອຳນາດຢ່າງສະຫະລັດແລະພັນທະມິດ ແລະຍັງຖືກຂວໍ້າບາດດ້ານນ້ຳເຊື້ອເພີງດ້ວຍ

ໜື່ງໃນການແກ້ໄຂບັນຫາກ່ຽວກັບການໃຫ້ບໍລິການດ້ານຄົມມະນາຄົມໃນເມືອງສຳຄັນຂອງເກົາຫຼີເໜືອກໍ່ຄື “ຜະລິດລົດເອງ” ເລີຍ ເອົາຂອງເກົ່າມາແກະແລະກ໋ອບເຮັດໃຫ້ດີກ່ອນແລະງາມກ່ອນເກົ່າອີກ ບໍ່ຂາຍໃຫ້ກໍ່ບໍ່ງໍ້ ຄົນເກົາຫຼີເໜືອບໍ່ຍອມງໍມືງໍຕີນອົດຕາຍຫຼືອອນວອນຂໍຄວາມເຫັນໃຈຈາກສະຫະລັດອີກ

ເກົາຫຼີເໜືອມີຖ່ານຫີນຫຼວງຫຼາຍ ສາມາດນຳໄປໃຊ້ເປັນເຊື້ອເພີງສຳລັບຜະລິດໄຟຟ້າໃຫ້ພຽງພໍຕໍ່ຄວາມຕ້ອງການໃຊ້ງານໃນປະເທດຂອງຕົນເອງ ປະຈຸບັນນີ້ມີຫຼາຍປະເທດທີ່ໃຊ້ລະບົບລົດປະຈຳທາງດ້ວຍລົດໂທລເລບັສນີ້ເຊັ່ນ ຣັດເຊຍ ຢູເຄຣນ ສະວິດເຊີແລນ ສາທາລະນະລັດເຊັກ ຮັງກາລີ ຢູໂລບຕາເວັນອອກ ສະເປນ

ດ້ານຄວາມໜັ້ນຄົງນັ້ນ ຂະນະນີ້ເກົາຫຼີເໜືອມີວຸດທິພິເສດສຳລັບຮັບມືກັບຜູ້ຮຸກຮານແລ້ວ ຄາດວ່າຈັ່ງໃດສະຫະລັດ ຍີ່ປຸ່ນ ຫຼືເກົາຫຼີໃຕ້ກໍ່ບໍ່ກ້າບຸກເກົາຫຼີເໜືອແນ່ນອນ ຖືວ່າມີສະຖຽນລະພາບລະດັບໜື່ງ ຂື້ນບຸມບ່າມມາ ມີໂອກາດໄດ້ຕາຍແທ້ ຕອນນີ້ກໍ່ເນັ້ນການພັດທະນາເສດຖະກິດແລະຄວາມເປັນຢູ່ຂອງປະຊາຊົນໃນປະເທດເປັນຫຼັກ

Be the first to comment

Leave a Reply

Your email address will not be published.


*