ເກົາຫລີເຫນືອຊີ້ວ່າ ສ. ອາເມລິກາ“ນັກລະເມີດສິດທິມະນຸດ”

ລັດຖະບານປຽງຍາງອອກປື້ມປົກຂາວກ່ຽວກັບສະຖານະການດ້ານສິດທິມະນຸດໃນອາເມລິກາ ວິຈານອີກຝ່າຍເປັນນັກລະເມີດຕົວຍົງ ໂດຍສະເພາະແນວຄິດຫຍຽດສີຜິສ ແລະ ເຊື້ອຊາດ ຕອບໂຕ້ການຖະແຫລງນະໂຍບາຍປະຈຳປີຂອງປະທານາທິບໍດີສະະລັດໃນປີນີ້ ທີ່ຍັງຄົງພາດພິງເກົາຫລີເຫນືອ


ສຳນັກຂ່າວຕ່າງປະເທດລາຍງານຈາກກຸງໂຊລ ປະເທດເກົາຫລີໃຕ້ເມື່ອວັນທີ 31ມັງກອນວ່າ: ສຳນັກຂ່າວກາງເກົາຫລີ (ເຄຊີເອັນເອ) ກະບອກສຽງຂອງລັດຖະບານປຽງຍາງເຜີຍແພ່ປຶ້ມປົກຂາວປະຈຳປີກ່ຽວກັບສະຖານະການການລະເມີດສິດທິມະນຸດໃນສະຫະລັດວ່າ: ປະເທດເຊິ່ງກຳນົດບົດບາດຂອງໂຕເອງໃນຖານະຜູ້ພິທັກປະຊາທິປະໄຕ ແລະ ນັກຕໍ່ສູ້ເພື່ອສິດທິມະນຸດຄອຍສອດສ່ອງ ແລະ ວິຈານສະຖານະການສິດທິມະນຸດຂອງປະເທດອື່ນ ແຕ່ໃນຄວາມເປັນຈິງກັບເປັນປະເທດທີ່ມີການລະເມີດສິດທິມະນຸດຫລາຍທີ່ສຸດ ໂດຍສະເພາະແນວຄິດການຫຍຽດເຊື້ອຊາດ ແລະ ສີຜິວທີ່ຖືເປັນຄວາມກຽດຊັງທີ່ມີຕໍ່ເພື່ອນມະນຸດນຳກັນ ເຊິ່ງເປັນບັນຫາເລື້ອລັງທີ່ເປັນພື້ນຖານຂອງລະບົບສັງຄົມໃນສະຫະລັດ ແລະ ສະຖານະການຍິ່ງຮ້າຍແຮງຫລາຍຂື້ນເມື່ອປະທານາທິບໍດີໂດນັລ ທຣຳ ເຂົ້າມາບໍລິຫານປະເທດ
ນອກຈາກນີ້ລາຍງານດັ່ງກ່າວຂອງເຄຊີເອັນເອລະບຸນຳວ່າ: ໃນຂະນະທີ່ເຈົ້າຫນ້າທີ່ລະດັບສູງໃນຄະນະລັດຖະບານທຣຳ ລ້ວນເປັນມະຫາເສດຖີ ແລະ ມາຈາກເຄືອຂ່າຍທາງທຸລະກິດ ໂດຍມີຊັບສິນລວມກັນຫລາຍເຖິງ 14,000ລ້ານໂດລາສະຫະລັດ ແຕ່ຊົນຊັ້ນກາງ ແລະ ກຸ່ມຜູ້ໃຊ້ແຮງງານໃນສັງຄົມອາເມລິກາຍັງຄົງຕ້ອງໃຊ້ຊີວິດທ່າມກາງຝັນຮ້າຍ ຈາກຄ່າຄອງຊີບໃນສະຫະລັດເພີ່ມສູງຂື້ນ

ແນວໃດກໍ່ຕາມລາຍງານຂອງສະຫະປະຊາຊາດ ແລະ ລາຍງານຂອງລັດຖະບານວໍຊິງຕັນເອງວິຈານສະຖານະການສິດທິມະນຸດໃນເກົາຫລີເຫນືອຍ່າງຫນັກຫນ່ວງມາຕະຫລອດວ່າ: ມີການລະເມີດຂັ້ນພື້ນຖານຍ່າງແພ່ຫລາຍ ແລະ ປະເມີນຈຳນວນນັກໂທດໃນຄ້າຍກັກກັນຂອງລັດຖະບານປຽງຍາງວ່າມີຫລາຍເຖິງ 120,000ຄົນ ແຕ່ນັ້ນການອອກລາຍງານສະບັບນີ້ຂອງເກົາຫລີເຫນືອເບິ່ງແລ້ວເປັນໄປເພື່ອການຕອບໂຕ້ການຖະແຫລງນະໂຍບາຍປະຈຳປີຂອງທຣຳຕໍ່ສະພາຄອງເກສ ເມື່ອຄືນວັນອັງຄານຕາມເວລາທ້ອງຖິ່ນທີ່ຜູ້ນຳສະຫະລັດກ່າວພາດພິງເຖິງເກົາຫລີເຫນືອເປັນປະເທດທີ່ຮ້າຍແຮງ ແລະ ລັດຖະບານວໍຊິງຕັນກຽມໃຊ້ມາດຕະການກົດດັນຂັ້ນສູງສຸດຕໍ່ອີກຝ່າຍທີ່ກຳລັງສ້າງໄພຄຸກຄາມດ້ານນິວເຄຍໃຫ້ວນຕົວສະຫະລັດຫລາຍຂື້ນທຸກຄະນະ ແຕ່ທຣຳບໍ່ໄດ້ກ່າວຍ່າງຊັດເຈນວ່າມາດຕະການທີ່ວ່ານັ້ນຈະເປັນແນວໃດ

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *