ເຂື່ອນໄຟຟ້ານ້ຳງື່ມ 4 ເລີ່ມຕົ້ນກໍ່ສ້າງແລ້ວ ແລະ ຈະໃຫ້ສຳເລັດພາຍໃນ 66 ເດືອນ

ເຂື່ອນ​ໄຟຟ້າ​ນ້ຳ​ງື່ມ 4 ມີ​ທີ່​ຕັ້ງ​ຢູ່​ເມືອງ​ພູ​ກູດ ແຂວງ​ຊຽງ​ຂວາງ ໄດ້​ເລີ່ມ​ຕົ້ນ​ລົງມື​ກໍ່ສ້າງ​ມາ​ແຕ່​ທ້າຍ​ປີ 2017 ຄາດ​ວ່າ​ຈະ​ໃຫ້​ສຳເລັດ​ພາຍ​ໃນ 66 ເດືອນ ມີ​ກຳລັງ​ຕິດ​ຕັ້ງ 240 ເມ​ກາ​ວັດ (MW) ມີ​ຫົວ​ຈັກ​ງານ 3 ເຄື່ອງ ມູນ​ຄ່າ​ການ​ລົງທຶນ 706 ລ້ານ​ໂດ​ລາ ຊຶ່ງ​ລັດ​ວິ​ສາ​ຫະ​ກິດ​ໄຟຟ້າ​ລາວ​ເປັນ​ເຈົ້າຂອງ​ໂຄງການ ຮັບ​ເໝົາ​ກໍ່ສ້າງ​ໂດຍ​ບໍລິສັດ ​ເຄື່ອງ​ກົນ​ຈັກ​ໜັກ​ແຫ່ງ​ຊາດ​ຈີນ​ ຈຳກັດ ໂຄງການ​ດັ່ງກ່າວແມ່ນ​ລັດຖະບານ​ລາວ​ກູ້​ເງິນ​ຜ່ອນ​ຈາກ​ລັດຖະບານ​ຈີນ ໂຄງການ​ດັ່ງກ່າວ​ເປັນ​ໂຄງການ​ທີ່​ສຳຄັນ ​ຕໍ່​ການປັບປຸງ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ​ໃນ ​ສປປ ລາວ ເມື່ອ​ໂຄງການ​ສຳເລັດ​ແລ້ວ ຈະ​ມີ​ບົດບາດ​ສຳຄັນ​ຫຼາຍ​ຕໍ່​ແຜນ​ແມ່​ບົດ​ພັດທະນາ​ພະລັງງານ​ໄຟຟ້າ​ໃນ ​ສປປ ລາວ ຍູ້​ດັນ​ໃຫ້​ເສດຖະກິດ-ສັງຄົມ ຊີວິດ​ການ​ເປັນ​ຢູ່​ຂອງ​ປະຊາຊົນ​ພາຍ​ໃນ​ທ້ອງຖິ່ນ​ໄດ້​ຮັບ​ການ​ພັດທະນາ ໄຟຟ້າ​ດັ່ງກ່າວ​ນີ້​ຈະ​ຮັບ​ໃຊ້​ບັນດາ​ແຂວງ​ພາກ​ເໜືອ​ຂອງ​ລາວ ເປັນຕົ້ນແມ່ນ​ແຂວງ​ຊຽງ​ຂວາງ

ມາ​ໃນ​ວັນ​ທີ 25 ມັງກອນ​ຜ່ານມາ​ນີ້ ຢູ່​ຈຸດ​ທີ່​ຈະ​ສ້າງ​ເຂື່ອນ​ໄຟຟ້າ​ນ້ຳ​ງື່ມ 4 ໄດ້​ມີ​ພິທີ​ວາງ​ສີ​ລາ​ລຶກ​ເປີດ​ການ​ກໍ່ສ້າງ​ໂຄງການ​ກໍ່ສ້າງເຂື່ອນ​ໄຟຟ້າ​ນ້ຳ​ງື່ມ 4 ຢ່າງ​ເປັນ​ທາງ​ການ ໂດຍ​ການ​ເຂົ້າ​ຮ່ວມ​ຂອງ​ທ່ານ ຄຳ​ມະນີ ອິນ​ທິ​ລາດ ລັດ​ຖະມົນຕີກະຊວງ​ພະລັງງານ ແລະ ບໍ່​ແຮ່ ທ່ານ ຫວ່າງ ເວີນ​ທຽນ (Wang Wentian) ເອກ​ອັກ​ຄະ​ລັດ​ຖະ​ທູດ ແຫ່ງ ​ສປ ຈີນ ປະຈຳ ​ສປປ ລາວ ທ່ານ ສົມ​ກົດ ມັງ​ໜໍ່​ເມກ ເຈົ້າແຂວງ​ຊຽງ​ຂວາງ ມີ​ຫົວໜ້າ​ພະແນກການ ກົມກອງ ນັກທຸລະກິດ ແລະ ພໍ່​ແມ່​ປະຊາຊົນ​ໃກ້​ຄຽງ​ເຂົ້າ​ຮ່ວມ. ຂ່າວ: ນສພ ວຽງຈັນໃຫ່ມ

ຮອງປະທານສະພາແຫ່ງຊາດ ພ້ອມຄະນະໄດ້ລົງເຄື່ອນໄຫວຢ້ຽມຢາມ ແລະ ໂອ້ລົມຄະນະພັກ-ຄະນະບັນຊາຂັ້ນຕ່າງໆ ແລະ ພະນັກ ງານ-ນັກຮົບຢູ່ກອງພົນທີ 1

ທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ ຮອງປະທານສະພາແຫ່ງຊາດ ພ້ອມຄະນະໄດ້ລົງເຄື່ອນໄຫວຢ້ຽມຢາມ ແລະ ໂອ້ລົມຄະນະພັກ-ຄະນະບັນຊາຂັ້ນຕ່າງໆ ແລະ ພະນັກ ງານ-ນັກຮົບຢູ່ກອງພົນທີ 1 ໃນວັນທີ 27 ມັງກອນ ຜ່ານມາ ທ່ານ ພົນໂທ ແສງນວນ ໄຊຍະລາດ ເລຂາທິການສູນກາງພັກ ຮອງປະທານສະພາແຫ່ງຊາດ ພ້ອມຄະນະໄດ້ລົງເຄື່ອນໄຫວຢ້ຽມຢາມ ແລະ ໂອ້ລົມຄະນະພັກ-ຄະນະບັນຊາຂັ້ນ ຕ່າງໆ ແລະ ພະນັກ ງານ-ນັກຮົບຢູ່ກອງພົນທີ 1 ໃນວັນທີ 27 ມັງກອນ ຜ່ານມາ ໂດຍມີ ພັນເອກ ແສງຍືນ ລັດສະໝີ ເລ ຂາຄະນະພັກ ຫົວໜ້າການເມືອງ ກອງພົນທີ 1 ແລະ ພັນເອກ ພັນ ສາຍ ຂັນທະໄຊ ຮອງເລຂາຄະ ນະພັກ ຫົວໜ້າການທະຫານ ກອງພົນທີ 1 ພ້ອມຄະນະໃຫ້ ກຽດຕ້ອນຮັບ.

ພັນເອກ ແສງຍືນ ລັດສະໝີ ໄດ້ລາຍງານໂດຍສັງເຂບກ່ຽວກັບປະຫວັດການກໍາເນີດ ແລະ ປັບປຸງກໍ່ສ້າງເຕີບໃຫຍ່ຂະ ຫຍາຍຕົວ ໜັກແໜ້ນເຂັ້ມແຂງ ຮອບດ້ານ ແລະ ການເຄື່ອນໄຫວ ເຮັດໜ້າທີ່ຂອງ ກອງພົນທີ 1 ໃນ ປັດຈຸບັນຕາມພະລະບົດບາດ ຂອບເຂດສິດໜ້າທີ່ທີ່ຮັບການ ມອບໝາຍຈາກພັກ-ລັດ, ປະ ເທດຊາດໄດ້ຮັບຊາບ. ໂອກາດ ທີ່ເຄື່ອນໄຫວຢ້ຽມຢາມກອງພົນ ທີ 1 ຂອງທ່ານ ພົນໂທ ແສງ ນວນ ໄຊຍະລາດ ໃນຄັ້ງນີ້ໃນ ນາມທ່ານເຄີຍເປັນອະດີດຜູ້ບັນ ຊາການກອງພົນທີ 1 ທ່ານກໍ ໄດ້ສະແດງຄວາມຍ້ອງຍໍຊົມເຊີຍ ຕີລາຄາສູງຕໍ່ຜົນງານ ແລະ ມູນ ເຊື້ອທີ່ກອງພົນທີ 1 ໄດ້ອອກ ແຮງເຄື່ອນ ໄຫວ ແລະ ຍາດໄດ້ ຜົນສໍາເລັດໃນຫຼາຍດ້ານໃນຜ່ານ ມາພ້ອມທັງໃຫ້ທິດຊີ້ນໍາຫຼາຍບັນ ຫາສຳຄັນຕໍ່ຄະນະພັກ-ຄະນະ ບັນຊາການກອງພົນທີ 1 ຈົ່ງ ອອກແຮງເສີມຂະຫຍາຍທາດ ແທ້ມູນເຊື້ອ ປະຕິວັດ ນໍ້າໃຈອົງ ອາດກ້າຫານ, ເດັດດ່ຽວ, ໜຽວ ແໜ້ນ, ໃຫ້ເລິກເຊິ່ງໃຫ້ແທດ ເໝາະກັບສະພາບການໃໝ່ສຳ ຄັນແມ່ນເອົາໃຈໃສ່ເຮັດວຽກ ງານສຶກສາອົບຮົມການເມືອງ ແນວຄິດຖັນແຖວສະມາຊິກພັກ ພະນັກງານ-ນັກຮົບໃຫ້ມີຄຸນ ທາດການເມືອງໜັກແໜ້ນ, ຍາມ ໃດກໍມີຄວາມຈົງຮັກ, ພັກດີ, ບໍ ລິສຸດຜຸດຜ່ອງຕໍ່ພັກ, ປະເທດ ຊາດ ແລະ ປະຊາຊົນ, ມີລະບຽບ ວິໄນເຂັ້ມງວດ. ເຊື່ອໝັ່ນຕໍ່ການ ນໍາພາຂອງພັກ, ມີຄວາມເດັດ ດ່ຽວໜຽວແໜ້ນ, ພິລາດອາດ ຫານ, ມີນໍ້າໃຈເສຍສະຫຼະອັນ ສູງສົ່ງເພື່ອຊາດ, ເພື່ອປະຊາ ຊົນ, ເພື່ອອຸດົມການສັງຄົມນິຍົມ, ບໍ່ຫວັ່ນໄຫວຄອນແຄນຕໍ່ອຸປະ ສັກ, ມີມານະຈິດອົດທົນຜ່ານຜ່າ ທຸກຄວາມຫຍຸ້ງຍາກນາໆປະ ການ ແລະ ຍອມເສຍສະຫຼະຊີ ວິດ, ເລືອດເນື້ອເພື່ອການປະຕິ ວັດ, ມີນໍ້າໃຈດຸໝັ່ນຂະຫຍັນພຽນ ໃນການອອກແຮງງານ, ເພີ່ມພູນ ຜະລິດຜົນ ແລະ ປະຢັດທັດທ່ຽງ, ຍາມໃດກໍ່ມີຄວາມສາມັກຄີ, ຊ່ວຍເຫຼືອປະຊາຊົນບັນດາເຜົ່າ ຢ່າງສຸດອົກສຸດໃຈ.
ໂອກາດດັ່ງກ່າວເພື່ອສະແດງ ເຖິງຄວາມເປັນຫ່ວງເປັນໃຍ ແລະ ເພື່ອຊຸກຍູ້ນໍ້າໃຈຟົດຟື້ນປະ ຕິວັດຂອງພະນັກງານ-ນັກຮົບ ກອງພົົນທີ 1 ທ່ານ ພົນໂທ ແສງ ນວນ ໄຊຍະລາດ ກໍໄດ້ນໍາເອົາ ວັດຖຸປັດໄຈ, ເຄື່ອງອຸປະໂພກ-ບໍລິໂພກ ແລະ ອຸປະກອນຫຼິ້ນ ກີລາທີ່ໄດ້ຮັບການສະໜັບສະ ໜູນຊຸກຍູ້ຊ່ວຍເຫຼືອຈາກອົງການ ຈັດຕັ້ງມະຫາຊົນພາຍໃນສະພາ ແຫ່ງຊາດ; ມູນນິທິຊ່ວຍເຫຼືອຄົນ ທຸກຍາກ; ຕົວແທນບໍລິສັດ ອີຊູຊຸ ລາວ, ອົງການຈັດຕັ້ງຕ່າງໆ ແລະ ບໍລິສັດຫ້າງຮ້ານຕ່າງໆ ລວມມູນຄ່າ 100 ກວ່າລ້ານກີບ ມອບໃຫ້ກອງພົນທີ 1 ເພື່ອແຈກ ຢາຍໃຫ້ພະນັກງານ-ນັກຮົບກົມ ກອງຮາກຖານຕ່າງໆທີ່ເຄື່ອນ ໄຫວເຮັດໜ້າທີ່ຢູ່ເຂດຫ່າງໄກ ສອກຫຼີກທຸລະກັນດານໄດ້ນໍາໃຊ້ ອີກດ້ວຍ.
ໂດຍ: ໂກຮັງ ພັນທະວົງ

ເຈົ້າຫນ້າທີ່ປກສ ແຂວງຫົວພັນ ກວດຄົ້ນເຮືອນພົບຂອງກາງເຮໂລອິນ 10 ແທ່ງ ພ້ອມອາວຸດ ແລະ ລູກປືນ.

28 ມັງກອນ 2018 ເຈົ້າຫນ້າທີ່ປກສ ແຂວງຫົວພັນ ກວດຄົ້ນເຮືອນພົບຂອງກາງເຮໂລອິນ 10 ແທ່ງ ພ້ອມອາວຸດ ແລະ ລູກປືນ.

28 ມັງກອນ 2018 ເຈົ້າຫນ້າທີ່ປກສ ແຂວງຫົວພັນ ກວດຄົ້ນເຮືອນພົບຂອງກາງເຮໂລອິນ 10 ແທ່ງ ພ້ອມອາວຸດ ແລະ ລູກປືນ.ຂໍຂອບໃຈວິດີໂອຈາກ ໂທລະພາບແຂວງຫົວພັນ

Posted by ຄລິບເດັ່ນ ຂ່າວດັງ.com on Monday, January 29, 2018

ຂໍຂອບໃຈວິດີໂອຈາກ ໂທລະພາບແຂວງຫົວພັນ

ເຈົ້າຫນ້າທີ່ຈັບຜູ້ຄ້າຢາເສບຕິດລາຍໃຫຍ່ມາດໍາເນີນຄະດີພ້ອມຂອງກາງຢາບ້າ 36 ພັນ​ເມັດ

​​ເຈົ້າໜ້າ​ທີ່​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດກະຊວງ​ປ້ອງ​ກັນ​ຄວາມ​ສະຫງົບໃຫ້ຮູ້ວ່າ: ເມື່ອທ້າຍອາທິດຜ່ານມານີ້, ກໍາລັງເຈົ້າໜ້າທີ່ຂອງຕົນສາມາດຈັບຜູ້ຄ້າຢາເສບຕິດລາຍໃຫຍ່ຢູ່​ເຂດ​ບ້ານ​ດົງ​ໂດກ​ເມືອງ​ໄຊ​ທານີນະຄອນຫລວງ​ວຽງ​ຈັນ ຄື: ​ທ້າວ ສົມ​ສັກ ອາຍຸ 43 ປີຢູ່​ບ້ານ​ພະ​ຂາວ, ທ້າວ ວິ​ໄລ​ສາ (ກົບ) ອາຍຸ 28 ປີຢູ່​ບ້ານ​ໂຊກ​ນ້ອຍເມືອງ​ໄຊ​ເສດ​ຖາ​ນະຄອນຫລວງ​ວຽງ​ຈັນ ​ແລະ ທ້າວອຳພອນ ອາຍຸ 52 ປີຢູ່​ບ້ານ​ນາມ​ອນ​ເມືອງ​ວັງ​ວຽງແຂວງ​ວຽງ​ຈັນ, ພ້ອມຂອງ​ກາງ​ຢາ​ເສບ​ຕິດປະ​ເພດ​ຢາ​ບ້າ 36 ພັນ​ເມັດ, ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່ພວກເຂົາໄດ້ຮັບສາລະພາບ​ວ່າ: ​ຢາເສບຕິດ​ດັ່ງກ່າວ​ເປັນ​ຂອງ​ພວກເຂົາ​ແທ້, ​ເຊິ່ງ​ຊື້ມາ​ຈາກຂະບວນການດຽວກັນ ​ເພື່ອ​ຈະໄປສົ່ງ​ໃຫ້​ລູກຄ້າສັ່ງຊື້ຢູ່ເຂດ​ບ້ານ​ດົງ​ໂດກ ແລະ ໃນຂະນະລໍຖ້າລູກຄ້າມາຮັບເອົາຢາກໍ​ຖຶກ​ເຈົ້າໜ້າ​ທີ່​ຈັບ​ຕົວໄດ້ກ່ອນ. ປັດຈຸບັນ, ເຈົ້າໜ້າທີ່ພວມເລັ່ງຂະຫຍາຍຜົນຫາຜູ້ຮ່ມຂະບວນການເພື່ອຈັບຕົວມາດໍາເນີນຄະດີຕາມລະບຽບກົດໝາຍໂດຍໄວ.

ຂ່າວ: ນສພ ຄວາມສະຫງົບ

ພິທີເປີດງານ​ບຸນ​ນະມັດສະການ​ຜາສາດ​ຫີນ​ວັດ​ພູ​ຈຳປາ​ສັກ ​ແລະ ປີທ່ອງທ່ຽວລາວ 2018

ໃນ​ວັນ​ທີ 29 ມັງກອນ 2018 ທີ່​​ເດີ່ນວັດພູ​ຈຳປາ​ສັກ ເມືອງ ​ແລະ ​ແຂວງ​ຈຳປາ​ສັກ ໄດ້ຈັດພິທີເປີດງານ​ບຸນ​ນະມັດສະການ​ຜາສາດ​ຫີນ​ວັດ​ພູ​ຈຳປາ​ສັກ ​ແລະ ປີທ່ອງທ່ຽວລາວ 2018 ຂອງແຂວງດັ່ງກ່າວຂຶ້ນ

ໂດຍການໃຫ້ກຽດລັ່ນຄ້ອງເປີດງານຂອງ ທ່ານ ສອນ​ໄຊ​ ສີ​ພັນ​ດອນ, ຮອງ​ນາຍົກລັດຖະມົນຕີ ທັງເປັນປະທານຊີ້ນໍາຈັດງານປີທ່ອງທ່ຽວລາວ 2018 ລະດັບຊາດ ​ເຊິ່ງມີ ທ່ານ ບຸນ​ຖອງ ດີ​ວິ​ໄຊ ​ເຈົ້າ​ແຂວງໆຈຳປາ​ສັກ, ມີ​ບັນດາ​ຄະນະ​ພັກ-ຄະນະ​ນຳ​ແຂວງ​, ພຣະ​ເຖຣະ-ນຸ​ເຖຣະ, ບັນດາຜູ້ຕາງໜ້າຈາກແຂວງຕ່າງໆ, ກະຊວງ-ກົມກອງທີ່ກ່ຽວຂ້ອງ, ​ແຂກ​ພາຍ​ໃນ ​ແລະ ຕ່າງປະ​ເທດ ພ້ອມ​ດ້ວຍ ພໍ່ແມ່ປະຊາຊົນຊາວ​ແຂວງຈຳປາ​ສັກ ເຂົ້າຮ່ວມຢ່າງເປັນຂະບວນຟົດຟື້ນ.


​ໃນ​ໂອກາດ​ນີ້, ທ່ານ ບົວ​ລິນ ວົງພະຈັນ ຮອງ​ເຈົ້າ​​ແຂວງໆຈຳປາ​ສັກ ໄດ້​ລາຍ​ງານ​ໃຫ້​ຊາບ ກ່ຽວກັບ​​ການກະກຽມຄວາມ​ພ້ອມຈັດງານ​ບຸນ​ນະມັດສະການ​ຜາສາດ​ຫີນ​ວັດ​ພູ​ຈຳປາ​ສັກ ​ແລະ ປີທ່ອງທ່ຽວລາວ 2018 ຂອງແຂວງຈຳປາ​ສັກ ​ເຊິ່ງມໍລະດົກໂລກວັດພູຈໍາປາສັກແຫ່ງນີ້ ໄດ້ສົ່ງ​ຜົນຕໍ່ການພັດທະນາເສດຖະກິດ-ສັງຄົມຂອງແຂວງ ກໍ່ຄືຂອງເມືອງຈໍາປາສັກ ເປັນຕົ້ນ ແມ່ນຂະແໜງການທ່ອງທ່ຽວ ໄດ້ດຶງດູດເອົານັກທ່ອງທ່ຽວ ເຂົ້າມາທ່ອງທ່ຽວຊົມ ແລະ ສຶກສາຄົ້ນຄວ້າເພີ່ມຂຶ້ນໃນແຕ່ລະປີ,

ຜູ້ປະກອບການທຸລະກິດທ່ອງທ່ຽວ ໄດ້ຮັບການຝຶກອົບຮົມ ແລະ ພັດທະນາທຸລະກິດຂອງຕົນ ເພື່ອຮອງຮັບນັກທ່ອງທ່ຽວ, ໂຮງແຮມ, ເຮືອນພັກ, ລີສອດ, ຮ້ານອາຫານ ຕະຫຼອດຮອດການບໍລິການນໍາທ່ຽວ ໄດ້ຮັບການປັບປຸງຍົກລະດັບໃຫ້ໃກ້ຄຽງ ກັບພາກພື້ນ ແລະ ສາກົນ ເທື່ອລະກ້າວ; ຂະບວນການຜະລິດເປັນສິນຄ້າ, ຂະບວນການນໍາທ່ຽວ ໄດ້ມີບັນຍາກາດຟົດຟື້ນ; ເວົ້າລວມແລ້ວ ຂະແໜງການທ່ອງທ່ຽວຂອງແຂວງຈໍາປາສັກ ໄດ້ຮັບການປັບປຸງ ແລະ ຂະຫຍາຍຕົວເປັນກ້າວໆມາ ແລະ ກາຍເປັນຂະແໜງເສດຖະກິດໜຶ່ງ ທີ່ສ້າງລາຍຮັບໃຫ້ແຂວງ ເປັນຈໍານວນບໍ່ໜ້ອຍ,

ບັນດານັກທ່ອງທ່ຽວທັງພາຍໃນ ແລະ ຕ່າງປະເທດ ໄດ້ເຂົ້າມາທ່ຽວຊົມແຂວງຈໍາປາສັກ ນັບມື້ນັບຫຼາຍຂຶ້ນ ເຊັ່ນ: ໃນປີ 2011 ມີນັກທ່ຽວເຂົ້າມາກວ່າ 333 ພັນຄົນ, ສ້າງລາຍຮັບ 30 ກວ່າ​ລ້ານໂດລາສະຫະລັດ, ມາຮອດປີ 2015 ນັກທ່ອງທ່ຽວເພີ່ມຂຶ້ນເປັນ 611 ກວ່າຄົນ, ສ້າງລາຍຮັບກວ່າ 67 ລ້ານໂດລາສະຫະລັດ ແລະ ໃນປີ 2017 ​ເພີ່ມ​ເປັນ 799 ພັນ​ກວ່າຄົນ, ສ້າງລາຍຮັບ 123 ກວ່າ​ລ້ານໂດລາສະຫະລັດ, ຄາດຄະເນຮອດປີ 2020 ຈະມີນັກ ທ່ອງທ່ຽວເຂົ້າມາເຖິງ 1,2 ລ້ານ​ກວ່າຄົນ, ຈະມີລາຍຮັບກວ່າ 228 ລ້ານໂດລາສະຫະລັດ ​ແລະ ສະເພາະປີທ່ອງທ່ຽວລາວ 2018 ນີ້

ຄາດວ່າຈະມີນັກທ່ອງທ່ຽວເຂົ້າມາບໍ່ຫຼຸດ 917 ພັນ​ກວ່າຄົນ, ສ້າງລາຍຮັບກວ່າ 140 ລ້ານໂດລາສະຫະລັດ; ແຂວງຈໍາປາສັກ ມີແຫຼ່ງທ່ອງທ່ຽວທັງໝົດ 216 ແຫ່ງ. ​ໃນ​ນັ້ນ, ​ເປັນ​ແຫຼ່ງທ່ອງ​ທ່ຽວທໍາມະຊາດ 116 ແຫ່ງ, ປະຫວັດສາດ 40 ແຫ່ງ ແລະ ວັດທະນະທໍາ 60 ແຫ່ງ. ສຳລັບງານບຸນນະມັດສະການຜາສາດຫີນວັດພູປີນີ້ ​ຈັດ​ຂຶ້ນ​ໃນ​ລະຫວ່າງ ວັນທີ 29 ຫາ 31 ມັງກອນ 2018 ພ້ອມໆກັບການເປີດປີທ່ອງທ່ຽວລາວ 2018 ຂອງແຂວງຈໍາປາສັກ ກໍ່ເພື່ອເປັນການໂຄສະນາ, ສົ່ງເສີມ ແລະ ດຶງດູດນັກທ່ອງທ່ຽວຈາກທຸກສາລະທິດ ເຂົ້າມາສໍາພັດ ​ແລະ ຮັບຮູ້ ແຂວງຈໍາປາສັກໃຫ້ຫຼາຍຂຶ້ນ ​ເຊິ່ງ​ໃນ​ພິທີ​ເປີດ ​ແມ່ນປະກອບມີ ກ້ອນກໍາລັງມວນຊົນ, ຂະບວນແຫ່ຂອງ 10 ເມືອງ, ມີຂະບວນຟ້ອນອັບສະລາ ຂອງນັກຮຽນເມືອງຈໍາປາສັກ, ສະແດງສີລະປະຕ້ອນຮັບປີທ່ອງທ່ຽວ ແລະ ງານນະມັດສະການຜາສາດຫີນວັດພູ. ນອກຈາກ​ນີ້, ​ໃນ​ງານ​ຍັງ​ມີຫຼາຍກິດຈະກໍາ ເປັນຕົ້ນ ຊົມການສະແດງສີລະປະ ແລະ ໝໍລໍາເລື່ອງ, ງານວາງສະແດງ ແລະ ຈໍາໜ່າຍສິນຄ້າ, ຊົມຄອນເສີດຂອງສີລິປິນທີ່ມີຊື່ສຽງຂອງລາວ ແລະ ຈາກ​ປະ​ເທດໄທ, ຊົມການແຂ່ງຂັນກີລາພື້ນບ້ານ ​ແລະ ມືສຸດທ້າຍ ມີພິທີຕັກບາດ, ຖວາຍສັງຂະທານ, ສ່ວນຕອນຄໍ່າ ມີພິທີວຽນທຽນ, ປ່ອຍໂຄມໄຟຂຶ້ນສູ່ທ້ອງຟ້າ​ເພື່ອບູຊາສິ່ງສັກສິດ.


​​ໃນ​ພິທີເປີດງານ, ທ່ານ ບຸນ​ຖອງ ດີ​ວິ​ໄຊ ກໍ່ໄດ້ກ່າວວ່າ: ເພື່ອເປັນການອະນຸລັກ ແລະ ສົ່ງເສີມຄຸນຄ່າວັດທະນະທໍາອັນຍອດຍິ່ງຂອງໂລກ ກໍ່ຄືຮີດຄອງປະເພນີອັນດີງາມ ທີ່ເຄີຍປະຕິບັດສືບທອດກັນມາແຕ່ບູຮານນະການ, ການຈັດງານບຸນນະມັດສະການຜາສາດຫີນວັດພູ ປີນີ້ ຈຶ່ງໄດ້ຈັດຂຶ້ນພ້ອມກັບການເປີດປີທ່ອງທ່ຽວລາວ 2018 ທີ່ແຂວງຈໍາປາສັກ ເພື່ອເຮັດໃຫ້ການທ່ອງທ່ຽວ ໄດ້ສໍາຜັດກັບບັນຍາກາດເທດສະການທາງຮີດຄອງປະເພນີ ແລະ ວັດທະນະທໍາອັນດີງາມ ຂອງແຂວງພວກເຮົາ ໃຫ້ບັນດາແຂກ ທັງພາຍໃນ ແລະ ຕ່າງປະເທດ ຮັບຮູ້ຢ່າງກວ້າງຂວາງ.

ໃນນາມອໍານາດການປົກຄອງແຂວງ, ຂ້າພະເຈົ້າ ມີຄວາມເຊື່ອໝັ້ນສູງວ່າ: ດ້ວຍຄວາມຮ່ວມມື, ຮ່ວມແຮງ-ຮ່ວມໃຈ, ການປະກອບສ່ວນຈາກພາກລັດ ແລະ ຫົວໜ່ວຍທຸລະກິດ-ຜູ້ປະກອບການ ຕະຫຼອດຮອດພໍ່ແມ່ປະຊາຊົນບັນດາເຜົ່າ ໃນທົ່ວແຂວງຈໍາປາສັກ ຈະພ້ອມກັນຮ່ວມເປັນເຈົ້າພາບທີ່ດີ, ມີບັນຍາກາດຈັບໃຈ ແກ່ບັນດາແຂກທີ່ເຂົ້າມາທ່ຽວ ນັບມື້ນັບຫຼາຍຂຶ້ນເລື້ອຍໆ ໃນແຕ່ລະປີ ແລະ ເຮັດໃຫ້ການຈັດງານເປີດປີທ່ອງທ່ຽວລາວ 2018 ທີ່ແຂວງຈໍາປາສັກ ມີບັນຍາກາດດີ ແລະ ບັນລຸຜົນສໍາເລັດຢ່າງທີ່ໜ້າເພິ່ງພໍໃຈ. ຮຽກຮ້ອງມາຍັງທຸກພາກສ່ວນ ໃຫ້ເຂົ້າໃຈວ່າ: ມໍລະດົກວັດພູຈໍາປາສັກ ພ້ອມພື້ນທີ່ອ້ອມຮອບທັງໝົດນີ້ ແມ່ນມໍລະດົກອັນລໍ້າຄ່າ ທີ່ບັນພະບູລຸດເຮົາສ້າງປະໄວ້, ກາຍເປັນມໍລະດົກລາວ-ມໍລະດົກໂລກ, ພວກເຮົາທຸກຄົນ ຈົ່ງພ້ອມກັນຮັກສາ, ຖະນຸຖະໜອມ, ຮັກ ແລະ ຫວງແຫນ ໃຫ້ຍືນຍົງຄົງຢູ່ຄູ່ຊາດລາວຕະຫຼອດໄປ.


ຜ່ານການຟັງລາຍງານ ຂອງຄະນະຮັບຜິດຊອບຈັດງານ ເຫັນວ່າການກະກຽມທຸກຢ່າງຄົບຖ້ວນໝົດແລ້ວ. ໃນນາມປະທານຈັດງານ, ຂ້າພະເຈົ້າ ຂໍຖືໂອກາດອັນມີຄວາມໝາຍນີ້ ສະແດງຄວາມຊົມເຊີຍ ແລະ ຍິນດີຕ້ອນຮັບບັນດາທ່ານ, ທຸກພາກສ່ວນ ສູ່ດິນແດນປູລິຍະສະຖານແຫ່ງອາຣິຍະທໍາ ຂອງສັດຕະວັດທີ VII “ ເອກະລັກວັດພູ, ກຸຫຼາບປາກເຊ, ກາເຟປາກຊ່ອງ, ນໍ້າຂອງໂຕນຄອນ, ສີພັນດອນລືນາມ ” ແຫ່ງນີ້.

ຂໍ້ມູນ: ສນຍ

ວາງສີລາລືກ ກໍ່ສ້າງຫ້ອງການດ່ານສາກົນສາມຫລ່ຽມຄຳ

ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ໄດ້ໃຫ້ກຽດເຂົ້າຮ່ວມການວາງສີລາລືກ ໂຄງການກໍ່ສ້າງທ່າເຮືອດ່ານສາກົນ ເຂດເສດຖະກິດພິເສດ ສາມຫລ່ຽມຄຳ ເມືອງຕົ້ນເຜິ້ງ ແຂວງບໍ່ແກ້ວ ໃນວັນທີ 27 ມັງກອນ 2018 ຂອງກຸ່ມບໍລິສັດ ດອກງິ້ວຄຳ ເພື່ອຕອບສະໜອງການເດີນເຮືອ ແລະ ການຂົນສົ່ງສິນຄ້າ ເຊິ່ງໃນເບື້ອງຕົ້ນ ໄດ້ອອກແບບກວມເອົາການຂົນສົ່ງຜູ້ໂດຍສານ, ເຮືອບັກຂົນສົ່ງສິນຄ້າ-ພາຫະນະ ແບບຄົບວົງຈອນ.
​ທ່ານ ເຢ້ຍ ຈ້ຽນຄຸນ ປະທານບໍລິຫານ ກຸ່ມບໍລິສັດດອກງິ້ວຄຳ ກ່າວວ່າ: ໃນເບື້ອງຕົ້ນທ່າເຮືອແຫ່ງນີ້ ຈະສາມາດຮອງຮັບການເຂົ້າ-ອອກ ຂອງຄົນໂດຍສານ ໄດ້ປະມານ 200.000 ເທື່ອຄົນ/ປີ ແລະ ຮອງຮັບການຂົນສົ່ງສິນຄ້າໄດ້ 100.000 ໂຕນ/ປີ. ສຳລັບແຜນການຂະຫຍາຍໃນອະນາຄົດ ແມ່ນສາມາດບໍລິການເຂົ້າ-ອອກ ຜູ້ໂດຍສານໄດ້ປະມານ 800.000 ເທື່ອຄົນ/ປີ ແລະ ຮອງຮັບການຂົນສົ່ງສິນຄ້າ ໄດ້ປະມານ 400.000 ໂຕນ/ປີ. ທ່າເຮືອສາກົນແຫ່ງນີ້ ມີເນື້ອທີ່ 11 ເຮັກຕາ, ປະກອບມີເດີ່ນ, ສາງເກັບສິນຄ້າ, ເສັ້ນທາງລົງທ່າເຮືອ, ຫ້ອງການແບບລວມສູນ, ຈຸດກວດກາພາສີ, ຫ້ອງການດ່ານ, ບ່ອນລໍຖ້າເຮືອ, ເດີ່ນຈອດຍົນເຮລີຄັອບເຕີ, ລະບົບລະບາຍນ້ຳເສຍ, ລະບົບໄຟເຍືອງ, ການຕົບແຕ່ງສີຂຽວ ແລະ ອື່ນໆ, ລວມມູນຄ່າ 18 ລ້ານກວ່າໂດລາສະຫະລັດ.


​ສຳລັບໄລຍະທີໜຶ່ງ ໄດ້ສຳເລັດການກໍ່ສ້າງບ່ອນຈອດທຽບທ່າເຮືອໂດຍສານ 1-3, ຫ້ອງການດ່ານ ຕຳຫລວດກວດຄົນເຂົ້າເມືອງ, ລານຈອດລົດ, ບ່ອນລໍຖ້າ, ຄູກັນເຈື່ອນ, ເສັ້ນທາງ, ລະບົບລະບາຍນ້ຳເສຍ ແລະ ພື້ນຖານອື່ນ. ສ່ວນໄລຍະທີສອງແມ່ນການກໍ່ສ້າງບ່ອນທຽບທ່າເຮືອບັກ, ເຮືອສິນຄ້າເບີ 1, ລວມທັງອົງປະກອບອື່ນ ແລະ ໄລຍະສາມ ແມ່ນການກໍ່ສ້າງບ່ອນທຽບເຮືອຂົນສົ່ງໂດຍສານ ເບີ 4-6 ແລະ ຈຸດທຽບເຮືອສິນຄ້າເບີ 2 ແລະ ເດີ່ນຈອດເຮລີຄັອບເຕີ. ທັງນີ້ແນໃສ່ບໍລິການຮັບໃຊ້ນັກທ່ອງທ່ຽວ, ນັກທຸລະກິດການຄ້າ, ຜູ້ປະກອບການທີ່ພັກອາໄສ ຢູ່ເຂດສາມຫລ່ຽມຄຳ.
​ທ່ານ ຄຳກິ່ງ ເອື່ອຍມະນີຮັກ ຮອງເຈົ້າແຂວງບໍ່ແກ້ວ ຊີ້ໃຫ້ເຫັນວ່າ: ການກໍ່ສ້າງທ່າເຮືອສາກົນແຫ່ງນີ້ ແມ່ນມີຄວາມສຳຄັນຍິ່ງ ເຊິ່ງຈະກາຍເປັນບ່ອນເຮັດວຽກຂອງເຈົ້າໜ້າທີ່ ທັງພາກລັດ ແລະ ເອກະຊົນ ໃນການອຳນວຍຄວາມສະດວກ ໃຫ້ແກ່ການນຳເຂົ້າ ແລະ ຂົນສົ່ງສິນຄ້າ ກໍຄືການນຳເຂົ້າ-ສົ່ງອອກສິນຄ້າໃຫ້ຖືກຕ້ອງ. ທັງເປັນເງື່ອນໄຂສະດວກແກ່ການບໍລິການ ແລະ ດຶງດູດນັກລົງທຶນ ທັງພາຍໃນ ແລະ ຕ່າງປະເທດ ເຂົ້າມາແຂວງບໍ່ແກ້ວ ກໍຄືສາມຫລ່ຽມຄຳໃຫ້ຫລາຍຂຶ້ນ ແລະ ກາຍເປັນໃຈກາງການຂົນສົ່ງທາງນ້ຳຢູ່ພາກເໜືອຂອງລາວໃນອະນາຄົດ.

ສະຫລຸບຄວາມເສຍຫາຍຈາກເຫດການໄຟໄໝ້ກຸດຕິວັດບ້ານຫາດສ້ຽວ, ເມືອງທຸລະຄົມແຂວງວຽງຈັນ

ຕາມການລາຍງານຂອງ ທ່ານ ເຢຍວື່ ຈົ່ງເນັ້ງ ກຳມະການພັກເມືອງ ຫົວໜ້າຫ້ອງການ ຖວທ ເມືອງທຸລະຄົມ ໄດ້ລາຍງານວ່າ: ໃນຄືນຂອງວັນທີ 24 ມັງກອນ 2018 ເວລາ 1:15 ນາທີ ໄດ້ເກີດເຫດການໄຟໄໝ້ກຸດຕິວັດ ລຽບສີລິນ ບ້ານ ຫາດສ້ຽວ ເມືອງທຸລະຄົມ ແຂວງວຽງຈັນ ຄຸ້ມວັດໃຕ້ ຈຳນວນ 1 ຫລັງ, ເຊິ່ງກຸດຕິດັ່ງກ່າວກໍ່ສ້າງດ້ວຍໄມ້, ມຸງດ້ວຍສັງກະສີ,

ຜ່ານການກວດກາ ແລະ ການລົງເກັບກຳຂໍ້ມູມຕົວຈິງຈາກອຳນາດການປົກຄອງບ້ານ ເບື້ອງຕົ້ນເຫັນວ່າ ມີການເສຍຫາຍຄື:

ພະທອງ 1 ອົງ, ພະແກ້ວ 5 ອົງ, ພະທອງນ້ອຍ 30 ອົງ, ພະຈູມນ້ອຍ 1 ອົງ, ຄ້ອງໃຫຍ່ 1 ໜ່ວຍ, ຄ້ອງນ້ອຍ 1 ໜ່ວຍ, ໂທລະພາບສີ 1 ໜ່ວຍ, ຕູ້ເຢັນ 1 ໜ່ວຍ, ໜັງສືໃບລານ 3 ຊຸດ, ຈັກຮ໋ອນດ້າ 13 ແຮງມ້າ 3ເຄື່ອງ, ໄມ້ພາຍເຮືອ 120 ໃບ, ໜັງສືຄັດທະນາມ 1 ຊຸດ, ໜັງສືລຳພື້ນເມືອງ 1 ຊຸດ, ພະທອງສຳລິດ 1 ອົງ, ຕຽງນອນ 3 ໜ່ວຍ, ຕຽງພັບ 1 ໜ່ວຍ, ໝໍຫຸງເຂົ້າ 2 ໜ່ວຍ, ໝໍນໍ້າຮ້ອນ 3 ໜ່ວຍ, ກະຕິກນໍ້າຮ້ອນ 3 ໜ່ວຍ, ໂທລະສັບ 5s ຈຳນວນ 4 ໜ່ວຍ, ພັດລົມໃຫຍ່ 2 ໜ່ວຍ, ພັດລົມຕັ້ງໂຕະ 4 ໜ່ວຍ, ຜ່າໄກ 20 ຊຸດ, ທຽນໃຫຍ່ 4 ກັບ, ເງີນສົດ 3,500,000 ກີບ, ບາດຄູບາ 10 ໜ່ວຍ, ຂັນເງີນ 1ກິໂລ 13 ໜ່ວຍ, ຕູ້ໃສ່ຂັນ 1 ໜ່ວຍ, ຕູ້ໃສພະ 6 ໜ່ວຍ ແລະ ກຸດຕິ 1 ຫລັງ ລວມມູມຄ່າທັງໝົດ 458,200,000 ກວ່າກີບ

ຂ່າວ: ແຂວງວຽງຈັນອອນລາຍ