ປະກາດແຕ່ງຕັ້ງ ຫົວໜ້າກົມກວດກາ ຫ້ອງວ່າການສຳນັກງານນາຍົກລັດຖະມົນຕີ ຄົນໃໝ່.

ຂປລ. ຫ້ອງວ່າການສຳນັກງານນາຍົກລັດຖະມົນຕີ (ຫສນຍ) ໄດ້ປະກາດແຕ່ງຕັ້ງທ່ານ ປະເສີດສັກ ອຸເທນທະປັນຍາ ຮອງຫົວໜ້າກົມກວດກາລັດທ້ອງຖິ່ນ ອົງການກວດກາລັດຖະບານ ມາເປັນຫົວໜ້າກົມກວດກາ ຫ້ອງວ່າການສຳນັກງານນາຍົກລັດຖະມົນຕີ ແລະ ແຕ່ງຕັ້ງ ທ່ານ ຫົງຄຳ ໄຊຍະວົງສາ ຫົວໜ້າກົມກວດກາ ຫ້ອງວ່າການສຳນັກງານນາຍົກລັດຖະມົນຕີ (ຜູ້ເກົ່າ) ໄປຮັບຜິດຊອບວຽກສະເພາະກິດຊ່ວຍ ທ່ານ ບຸນເກີດ ສັງສົມສັກ ລັດຖະມົນຕີປະຈຳສຳນັກງານນາຍົກລັດຖະມົນຕີ ເພື່ອຕິດຕາມກວດກາ ແລະ ຊຸກຍູ້ການຈັດຕັ້ງປະຕິບັດ ບັນດາມະຕິ, ດຳລັດ, ສຳສັ່ງ, ຂໍ້ຕົກລົງຂອງລັດຖະບານ ແລະ ຄຳເຫັນຊີ້ນຳ ຂອງນາຍົກລັດຖະມົນຕີ.

ພິທີດັ່ງກ່າວ ຈັດຂຶ້ນໃນວັນທີ 5 ທັນວາ 2017 ພາຍໃຕ້ການເປັນປະທານຂອງທ່ານ ເພັດ ພົມພິທັກ ລັດຖະມົນຕີ, ຫົວໜ້າຫ້ອງວ່າການສຳນັກງານນາຍົກລັດຖະມົນຕີ.

ຂ່າວ: ສິງຄຳ, ພາບ: ເກດສະໜາ

ດ່ວນ…ເຫດຄົນຖືກໄຟຟ້າຊ໋ອດ

ເຫດຄົນຖືກໄຟຟ້າຊ໋ອດ
———————————–

ໃນວັນທີ01/12/2017 ເວລາ08:10ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີເຫດຄົນຖືກໄຟຟ້າຊ໋ອດ ຢູ່ບ້ານໂພນໄຊ

ເມື່ອໜ່ວຍກູ້ໄພມູນນິທີໄປຮອດຈຸດເກີດເຫດພົບວ່າມີຄົນເຈັບ1ຄົນ ເພດຊາຍ ອາຍຸ40ປີ ອາຊີບກຳມະກອນ ບ້ານສະນະຄາມ ເມືອງສະນະຄາມ ແຂວງວຽງຈັນ

ອາການເບື້ອງຕົ້ນແມ່ນມີແຜທະຫຼອກຕາມຕົນໂຕ ແໜ້ນໜ້າເອິກ ມີສະຕິດີ
ດັ່ງນັ້ນໜ່ວຍກູ້ໄພມູນນິທິຈຶ່ງໄດ້ທຳການປະຖົມພາຍາບານຂັ້ນຕົ້ນແລ້ວນຳສົ່ງໂຮງໝໍມະໂຫສົດ
ຈຸດທາດຫຼວງ ———————————–
ເຈັບປ່ວຍສຸກເສີນໂທເບີ1623ຕະຫຼອດ24ຊົ່ວມງ
ຂໍຂອບໃຈພາບແລະຂ່າວ ຈາກ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ 1623

http://raosukunfung.com