ສອງໜຸ່ມຈາກ ສປປ ລາວ ເຂົ້າຮ່ວມສະແດງຮູບເງົາສະຫຍອງຂວັນກັບຝັ່ງປະເທດເພື່ອນບ້ານ

ສອງໜຸ່ມຈາກ ສປປ ລາວ ເຂົ້າຮ່ວມສະແດງຮູບເງົາສະຫຍອງຂວັນກັບຝັ່ງປະເທດເພື່ອນບ້ານເລື່ອງ ສາບ ເຊື່ອງ ສົບ ເຊິ່ງໄດ້ທຳພິທີບວງສວງເປີດກ້ອງຢ່າງເປັນທາງການໃນວັນອັງຄານທີ່ 19 ທັນວາ 2017 ທີ່ອຳເພີເມືອງ ນະຄອນລາດຊະສີມາ, ປະເທດໄທ.

ສອງໜຸ່ມລາວທີ່ຖືກຄັດເລືອກໄປຮ່ວມງານໃນຄັ້ງນີ້ຄື ໜຸ່ມຄຳກູ້ ແກ້ວມະນີ ແລະ ໜຸ່ມອ້າຍ ເສົາສະຫວັນ ສົງສະໄໝວົງ ນັກສະແດງໃນສັງກັດ ຕົ້ນຄຳໂມເດລລິ້ງ ຫຼື ໂມເດລລິ້ງຂອງ ສາວເຈນນີ້ ຕົ້ນຄຳ Miss world Laos ນັ້ນເອງ.
ໜຸ່ມຄຳກູ້ ໄດ້ໃຫ້ສຳພາດວ່າ ບົດບາດທີ່ໄດ້ຮັບໃນຮູບເງົາເລື່ອງນີ້ຄື ຕົນເອງ ແລະໜຸ່ມອ້າຍ ເປັນນັກທ່ອງທ່ຽວຄົນລາວ ທີ່ໄດ້ໄປພົບເຫດການຄາຕະກຳຂອງຄາຕະກອນໂລກຈິດຢູ່ທີ່ປະເທດໄທ ເຊິ່ງຖືວ່າເປັນບົດບາດທີ່ທ້າທາຍຫຼາຍ ແຕ່ກໍຈະພະຍາຍາມເຮັດໃຫ້ເຕັມທີ່ ໃຫ້ສົມກັບໂອກາດດີໆທີ່ໄດ້ຮັບຈາກຜູ້ໃຫຍ່ທຸກໆຝ່າຍ.


ປັດຈຸບັນນີ້ໜຸ່ມຄຳກູ້ຍັງຜົນງານພິທີກອນທີ່ໂທລະພາບເອັມວີລາວ ກ່ອນໜ້ານີ້ເຄີຍມີຜົນງານການສະແດງປະກອບສ່ວນໃນຊີລີ້ຮັກນີ້ສີບົວ ແນວໃດກໍຂໍເປັນກຳລັງໃຈໃຫ້ຜົນງານອອກມາດີເດີ ລໍຖ້າຕິດຕາມຢູ່!

ใส่ความเห็น

อีเมลของคุณจะไม่แสดงให้คนอื่นเห็น ช่องที่ต้องการถูกทำเครื่องหมาย *