ພິທີເປີດຊຸດຝຶກອົບຮົມການຄຸ້ມຄອງຮ.ຮເປັນຫຼັກສຳລັບຜູ້ບໍລິຫານຮ.ຮຄະນະພັດທະນາການສຶກສາຂັ້ນບ້ານຊັ້ນປະຖົມສຶກສາ ແລະ ການສຶກສາກ່ອນໄວຮຽນທົ່ວເມືອງໂພນທອງ

ພິທີເປິດຝືກອົບຮົມການຄຸ້ມຄອງຮ.ຮເປັນຫຼັກສຳລັບຜູ້ບໍລິຫານຮ.ຮຄະນະພັດທະນາການສຶກສາຂັ້ນບ້ານຊັ້ນປະຖົມສຶກສາແລະການສຶກສາກ່ອນໄວຮຽນທົ່ວເມືອງໂພນທອງໃຫ້ຄະນະພັດທະນາການສຶກສາຂັ້ນບ້ານ,ຊັ້ນປະຖົມສຶກສາທົ່ວເມືອງໂພນທອງໄດ້ຈັດຂຶ້ນໃນຕອນເຊົ້າຂອງວັນທີ່ 01 ພະຈິກ 2017 ຢູ່ຫ້ອງປະຊຸມຫ້ອງການຍຸຕິທຳເມືອງ ໂດຍພາຍໃຕ້ການເປັນປະທານ ຂອງ ທ່ານ ນາງ ວັນເພັງ ພະຫົງຈັນ ຮອງເຈົ້້າເມືອງໂພນທອງ , ທ່ານ ອໍາຄາ ແກ້ວອໍາພອນ ຮອງຫົວໜ້າຫ້ອງການສຶກສາທິການແລະກິລາເມືອງ,ທ່ານ ອ.ຈ ບຸນທະວີ ວົງປະເສີດ ຮອງຫົວໜ້າຂະແໜງຈັດຕັ້ງພະແນກສຶກສາທິການແລະກິລາແຂວງແລະມີບັນດາຄູເຝີກຈໍານວນ2ທ່ານ,ຄະນະພັດທະນາຄູຫ້ອງການສຶກສາທິການແລະກິລາເມືອງ,ພ້ອມດ້ວຍນັກສໍາມະນາກອນ41ທ່ານມາຈາກແຕ່ໝວດໂຮງຮຽນທົ່ວເມືອງເຂົ້າຮ່ວມ.


ພິທີ ທ່ານ ນາງ ວັນເພັງ ພະຫົງຈັນ ຮອງເຈົ້້າເມືອງໂພນທອງ ກໍ່ໄດ້ຂຶ້ນມີຄໍາໂອລົມຊີ້ແຈ້ງກ່າວເປີດຊຸດເຝີກອົບຮົມຄັ້ງນີ້ຢ່າງເປັນທາງການ, ຈາກນັ້ນ ທ່ານ ອ.ຈ ບຸນທະວີ ວົງປະເສີດ, ທ່ານ ອ.ຈ ບຸນເມກ ຜົນທະຈິດ ຄູເຝິກມາຈາກພະແນກ ສຶກສາທິການແລະກິລາແຂວງຫຼວງພະບາງກໍ່ໄດ້ພັດປ່ຽນກັນຂຶ້ນອະທິບາຍເອກະສານທີ່ໄດ້ນໍາມາເປີດຊຸດເຝິກອົບຮົມຄັ້ງນີ້ປະກອບມີ:ເອກະສານການຄຸ້ມຄອງທີ່ເນັ້ນໂຮຽຮຽນເປັນຫຼັກ,ການນະໂຍບາຍແລະຍຸດທະສາດການສຶກສາກ່ອນໄວຮຽນແລະປະຖົມສຶກສາ,ການບໍລິຫານສະຖິຕິການສຶກສາ,ພາລະບົດບາດ ແລະ ໝ້າທີຄວາມຮັບຜິດຊອບຂອງຄະນະພັດທະນາການສຶກສາຂັ້ນບ້ານ,ແຜນທີການສຶກສາຂັ້ນບ້ານ,ການປຸກລະດົມຊຸມຊົນ,ການຄຸ້ມຄອງເງິນບໍລິຫານໂຮງຮຽນແລະເງິນກອງທຶນການສຶກສາຂອງບ້ານ,ການປົກປັກຮັກສາໂຮງຮຽນ,ຄຸນນະພາບແລະການການປັບປຸງການສຶກສາ,ການປະເມີນໂຮງຮຽນ,ເອກະສານການສະເໜີການຄຸ້ມຄອງແລະນໍາໃຊ້ເງີນບໍລິຫານໂຮງຮຽນ,ພາລະບົດບາດຂອງພະແນກສຶກສາທິການແລະກິລາແຂວງແລະເມືອງ,ແຜນພັດທະນາໂຮງຮຽນທີ່ດີ,ແນະນໍາວິທີຂຽນແຜນ,ການວິເຄາະບັນຫາສາຍເຫດ,ວິທີແກ້ໄຂຈຸດປະສົງ,ເຝືກການຂຽນແຜນ,ການເຜີຍແຜ່ແຜນການ,ການເປີດຊຸດເຝິກອົບຮົມຄັ້ງນີ້ແມ່ນຈະໃຊ້ເວລາລະຫວ່າງວັນທີ່1-5ພະຈິກ 2017ຈິງຈະສຳເລັດ.

ຂ່າວ: ທ້າວ ທະນູສິນ ອິດທິພົນ ນັກຂ່າວ ຈາກຫ້ອງການ ຖວທ ເມືອງໂພນທອງ ແຂວງຫຼວງພະບາງ.

ຈະເລີ່ມກໍ່ສ້າງໂຄງການປ້ອງກັນຕະຝັ່ງເຈື່ອນ ແລະ ຂຸດລອກຄອງນ້ຳເດີມດອນສັງຄີ

ນະຄອນຫຼວງ​ວຽງ​ຈັນ (ນວ) ອະນຸມັດ​ໃຫ້​ບໍລິສັດ ແກ້ວ​ຈະເລີນ ກໍ່ສ້າງ-ສ້ອມແປງ​ຊົນລະປະທານ ຂົວ​ທາງ ແລະ ເຄຫາ​ສະຖານ ຈຳກັດ ເປັນ​ຜູ້​ຮັບ​ເໝົາ​ກໍ່ສ້າງ​ໂຄງການ​ປ້ອງ​ກັນ​ຕະ​ຝັ່ງ​ເຈື່ອນ ແລະ ຂຸດ​ລອກ​ຄອງ​ນ້ຳ​ເດີມ ດອນ​ສັງ​ຄີ ເມືອງ​ປາກ​ງື່ມ ນວ ສ້າງ​ຄູ​ປ້ອງກັນ​ຕະ​ຝັ່ງ​ເຈື່ອນ​ຍາວ 4 ກິ​ໂລແມັດ ແລະ ຂຸດ​ລອກ​ຄອງ​ນ້ຳເດີມ​ຍາວ 4 ກິໂລແມັດ ເພື່ອ​ແນໃສ່​ປົກ​ປັກ​ຮັກສາ​ດິນແດນ​ບໍ່​ໃຫ້ສູນ ທັງ​ເປັນ​ການ​ປົກ​ປັກ​ຮັກສາແຫຼ່ງ​ຜະລິດພືດ​ກະສິກຳ​ທີ່​ສຳຄັນຂອງ ນວ. ພິທີ​ລົງ​ນາມ​ສັນຍາ​ດັ່ງກ່າວ ໄດ້ຈັດ​ຂຶ້ນ​ວັນ​ທີ 27 ຕຸລາ 2017 ຢູ່ພະ​ແນກ​ໂຍທາ​ທິ​ການ ແລະ ຂົນສົ່ງ ນວ (​ຍທຂ.ນວ) ລະຫວ່າງທ່ານ ເດດ​ສົງຄາມ ທຳ​ມະ​ວົງ ຫົວໜ້າ​ພະ​ແນກ ຍທຂ.ນວ ແລະ ທ່ານ ຄຳ​ເກິ່ງ ວົງສາ ຜູ້​ອຳນວຍການ​ບໍລິສັດ ແກ້ວ​ຈະເລີນ​ກໍ່ສ້າງ-ສ້ອມແປງ​ຊົນລະປະທານ ຂົວທາງ ແລະ ເຄຫາ​ສະຖານ ຈຳກັດ ໂດຍ​ມີ​ທ່ານ ແກ້ວ​ພິລາ​ວັນ ອາ​ໄພ​ລາດ ຮອງ​ເຈົ້າ​ຄອງ ນວ ທ່ານ ວົງ​ເດືອນ ບຸນ​ຍະ​ແສງ ເຈົ້າເມືອງ​ປາກ​ງື່ມ ບັນດາ​ພະ​ແນກການ ແລະ ພາກສ່ວນ​ກ່ຽວຂ້ອງ ເຂົ້າ​ຮ່ວມ. ທ່ານ ບຸນ​ຈັນ ແກ້ວ​ສີ​ທຳ​ມະ ຮອງ​ຫົວໜ້າ​ພະ​ແນກ ​ຍທຂ.ນວ ກ່າວ​ວ່າ: ດອນ​ສັງ​ຄີ ມີ​ຄອງ​ນ້ຳຕິດ​ເບື້ອງ​ຝັ່ງ​ປະເທດ​ໄທ​ແຄບ​ກວ່າເບື້ອງ​ຝັ່ງ​ລາວ ດັ່ງນັ້ນ ລັດ​ຖະບານ​ຈຶ່ງ​ໃຫ້​ຄວາມ​ສຳຄັນ ແລະ ໄດ້​ລົງທຶນ​ໃນ​ການ​ກໍ່ສ້າງ​ໂຄງການ​ປ້ອງ​ກັນ​ຕະ​ຝັ່ງ​ເຈື່ອນ ແລະ ຂຸດ​ລອກ​ຄອງ​ນ້ຳ​ເດີມ ເພື່ອ​ແນໃສ່​ປົກ​ປັກ​ຮັກສາ​ດິນ​ດອນ​ຕອນຫຍ້າ ແລະ ເຂດ​ນ້ຳ​ແດນ​ດິນດອນ​ດັ່ງກ່າວ​ໃຫ້​ມີ​ຄວາມ​ຍືນ​ຍົງ ສືບຕໍ່​ເປັນ​ແຫຼ່ງ​ຜະລິດ​ພືດ​ຜັກຕ່າງໆ​ຂອງ​ເມືອງ​ປາກ​ງື່ມ ສະໜອງ​ໃຫ້ ນວ ສຳລັບ​ການຈັດຕັ້ງປະຕິບັດ​ແມ່ນ​ຈະ​ເລີ່ມ​ແຕ່​ທ້າຍ​ປີ 2017 ແລະ ໃຫ້​ສຳເລັດ​ໃນ​ທ້າຍປີ 2021 ລວມ​ມູນ​ຄ່າ​ການ​ກໍ່ສ້າງ 106,5 ຕື້​ກີບ ສຳລັບ​ການ​ຊຳລະສະ​ສາງ​ແມ່ນ​ນຳ​ໃຊ້​ງົບປະມານການ​ລົງທຶນ​ຂອງ​ລັດ ກົມ​ທາງນ້ຳ ກະຊວງ ​ຍທຂ ກົມ​ຊາຍ​ແດນ ກະຊວງ​ການ​ຕ່າງປະເທດ ຄະນະ​ຮັກສາ​ຄວາມ​ສະຫງົບ ເປັນ​ລະບຽບຮຽບ​ຮ້ອຍ​ຕາມ​ຊາຍ​ແດນ ກະຊວງ​ປ້ອງ​ກັນ​ປະເທດ ແຕ່​ປີ 2017-2024. ຂ່າວ: ນສພ ວຽງຈັນໃຫ່ມ

ໂກຕ້າລັດຖະກອນໃໝ່ປີໜ້າ 3 ພັນຄົນ ເຊິ່ງຂະແໜງສຶກສາ-ສາທາກວມສ່ວນໃຫຍ່, ສ່ວນຂະແໜງອື່ນຕ້ອງອົດໃຈລໍຖ້າປີຕໍ່ໄປ.

ພະນັກງານທີ່ເປັນສັນຍາຈ້າງ, ອາສາສະໝັກ ຫຼື ຜູ້ມີຄວາມຫວັງຈາກຈະເຂົ້າເປັນພະນັກງານສັງກັດລັດ ນອກຈາກຂະ ແໜງສຶກສາ ແລະ ສາທາ ກໍ່ຕ້ອງໄດ້ທຳໃຈໄປອີກປີ, ເນື່ອງຈາກລັດຖະບານເຫັນດີໃນກອງປະຊຸມປະຈຳເດືອນຕຸລາ 2017 ຜ່ານມາວ່າ: ຈະຮັບລັດຖະກອນໃໝ່ໃນປີ 2018 ນີ້ ພຽງແຕ່ 3 ພັນຄົນເທົ່ານັ້ນ, ເຊິ່ງຈະຈັດສັນໄປຕາມບູລິມະສິດທີ່ລັດກຳນົດ ໂດຍສຸມໃສ່ຂະແໜງສຶກສາ ແລະ ສາທາລະນະສຸກ ແລະ ບັນດາເມືອງທຸກຍາກເປັນອັນດັບຕົ້ນໆ.

ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເນັ້ນຕໍ່ທີ່ປະຊຸມລັດຖະບານສະໄໝສາມັນປະຈຳເດືອນຕຸລາ 2017 ວ່າ: ການຈັດສັນໂຄຕາລັດຖະກອນໃນປີ 2018 ທີ່ສະພາຮັບຮອງໃນຈຳນວນ 3,000 ຕໍາແໜ່ງ ໃຫ້ໄປຕາມບຸລິມະສິດທີ່ລັດຖະບານກໍານົດໂດຍໃຫ້ບຸລິມະສິດແກ່ຂະແໜງການສຶກສາ, ສາທາລະນະສຸກ ແລະ ກະສິກຳຢູ່ບັນດາເມືອງທຸກຍາກ ແລະ ຂະແໜງການຢູ່ສູນກາງ ແລະ ທ້ອງຖິ່ນທີ່ຈຳເປັນແທ້ມີຕໍາແໜ່ງງານທີ່ຊັນເຈນ. ພ້ອມກັນນີ້ ກໍໃຫ້ຄັດເລືອກເອົາພະນັກງານທີ່ມີຄຸນນະພາບ, ມີຄວາມຮູ້, ຄວາມສາມາດ ແລະ ໄດ້ຕາມມາດຕະຖານ ຕາມເງື່ອນໄຂທີ່ຕໍາແໜ່ງງານກໍານົດດ້ວຍຄວາມໂປ່ງໃສ.

ຖ້າເບິ່ງຢ້ອນຫຼັງໃນປີ 2017 ລັດຖະບານ ໄດ້ອະນຸມັດແບ່ງຈຳ ນວນຕົວເລກລັດຖະກອນໃໝ່ໃຫ້ບັນດາກະຊວງ, ອົງການລັດທຽບເທົ່າກະຊວງ ແລະ ອົງການປົກຄອງທ້ອງຖິ່ນ ຈຳນວນ 5,000 ຄົນ ກະຊວງທີ່ໄດ້ຫຼາຍກວ່າໝູ່ແມ່ນ ກະຊວງສຶກສາ ທິການ ແລະ ກີລາ (ລັດຖະກອນບໍລິຫານ ແລະ ລັດຖະກອນຄູ) ຈຳນວນ 1.900 ຄົນ, ຮອງມາແມ່ນກະຊວງສາທາລະນະສຸກ 550 ຄົນ, ກະຊວງກະສິກຳ ແລະ ປ່າໄມ້ 175 ຄົນ.

ອີງຕາມການລາຍຂອງຂະແໜງການກ່ຽວຂ້ອງໃນກອງປະຊຸມລັດຖະບານປະຈຳເດືອນ ສິງຫາ 2017 ຜ່ານມາ ລະບຸວ່າ: ໃນປີ 2017 ທົ່ວປະເທດມີພະນັກງານ-ລັດຖະກອນ ທັງໝົດ 183.680 ຄົນ, ຍິງ 84.268 ຄົນ (ຂັ້ນສູນກາງ ມີຈໍານວນ 26.727 ຄົນ, ຍິງ 11.546 ຄົນ, ຂັ້ນແຂວງ ມີຈໍານວນ 36.170 ຄົນ, ຍິງ 15.109 ຄົນ ແລະ ຂັ້ນເມືອງ ມີຈໍານວນ 120.783 ຄົນ, ຍິງ 57.613 ຄົນ) ເຊິ່ງຕົວເລກພະນັກງານ-ລັດຖະກອນທັງໝົດ ເມື່ອທຽບໃສ່ພົນລະເມືອງແລ້ວ ເທົ່າກັບ 2.8% ທຽບໃສ່ບັນດາໃນປະເທດອາຊຽນ ແມ່ນຢູ່ອັນດັບທີ 3.

ທີ່ມາ: ລາວອັບເດດ

ເກີດເຫດຜູ້ກໍ່ການຮ້າຍຂັບລົດບັນທຸກພຸ່ງຕຳຊາວນິວຢອກສຍຊີວິດ 8 ລາຍ

31 ຕຸລາ 2017 ເກີດເຫດລົດທຸກສີຂາວຄັນໜຶ່ງ ແລ່ນມາດ້ວຍຄວາມໄວສູງ ພຸ່ງເຂົ້າຕຳຜູ້ ຄົນທີ່ກຳລັງຍ່າງ ແລະຂີ່ລົດຖີບຢູ່ເລນລົດຖີບ ທາງຕອນລຸ່ມຂອງເກາະແມນຫັດຕັນ ໃນນະຄອນນິວຢອກ ເຮັດໃຫ້ມີຜູ້ເສຍຊີວິດ 8 ລາຍ ບາດເຈັບອີກ 15 ຄົນ ຫລັງຈາກ ນັ້ນລົດບັນທຸກຄັນດັ່ງກ່າວຍັງ ໄດ້ແລ່ນເຂົ້າໄປຕຳລົດໂຮງຮຽນທີ່ຢູ່ໃກ້ໆ ກ່ອນທີ່ຄົນຂັບລົດ ຊຶ່ງຜູ້ເຫັນເຫດການເລົ່າວ່າເປັນ ຊາຍຊາວມຸດສະລິມ ຈະລົງມາຈາກລົດ ແລ້ວຮ້ອງສັນເສີນ ພະເຈົ້າ ພ້ອມຖືປືນສອງກະບອກ ໃນມື ແລະແລ່ນໜີອອກຈາກທີ່ເກີດເຫດ

ຕໍ່ມາຜູ້ກໍ່ການຮ້າຍຖືກຕຳຫລວດໄລ່ຕາມ ແລະຍິງຖືກຂາ ກ່ອນຖືກຈັບກຸມໂຕ ເຮັດໃຫ້ຕຳ ຫລວດຮູ້ວ່າປືນທີ່ເຂົາຖືທັງສອງກະບອກເປັນປືນປອມ ຊຶ່ງຂະນະນີ້ສຳນັກງານຕຳຫລວດ ນິວຢອກລາຍງານວ່າແຮງຈູງໃຈຂອງການກໍ່ເຫດຍັງບໍ່ເປັນທີ່ຊັດເຈນ ແລະເຊື່ອວ່າຜູ້ກໍ່ເຫດ ຫນ້າຈະລົງມືຄົນດຽວ ແຕ່ຕຳຫລວດຈະສອບສວນຂະດີນີ້ໃນຖານະຄະດີກໍ່ການຮ້າຍ ໂດຍມີ ຫນ່ວຍສອບສວນກາງຂອງອາເມລິກາ ຫລື FBI ເປັນຜູ້ນຳການສອບສວນ

ຜູ້ວ່າການລັດແລະນາຍົກເທດສະມົນຕີນະຄອນນິວຢອກໄດ້ລົງໄປກວດພື້ນທີ່ເກີດເຫດ ດ້ວຍຕົວເອງ ແລະໄດ້ກ່າວປະນາມຜູ້ກໍ່ເຫດ ວ່າເປັນຄົນຂີ້ຂາດຕາຂາວ ທີ່ທຳຮ້າຍປະຊາຊົນ ຜູ້ຊຶ່ງໃຊ້ຊີວິດປົກກະຕິ ຂະນະທີ່ຕຳຫລວດຍັງກັນປະຊາຊົນບໍ່ໃຫ້ເຂົ້າມາໃນພື້ນທີ່ເພື່ອເກັບ ຫລັກຖານ ພະຍານໃນທີ່ເກີດເຫດຫລາຍຄົນເລົ່າວ່າ ຕອນທຳອິດນຶກວ່າເລື່ອງທີ່ເກີດຂື້ນ ເປັນການສະແດງໃນເທດສະການວັນ ຮາໂຣບີນ ກ່ອນທີ່ຈະໄດ້ຍິນສຽງປືນຫລາຍນັດທີ່ຕຳ ຫລວດຍິງໃສ່ຜູ້ກໍ່ເຫດຈຶ່ງຮູ້ວ່າເປັນເລື່ອງຈິງ

ພາບ: AP

ປະມວນພາບ ຊົງຈຸງກິ ແລະ ຊົງເຮຄຽວ ເຂົ້າພິທີແຕ່ງງານໃນວັນທີ 31/10/2017

ຂ່າວບັນເທິງທີ່ເປັນກະແສຕອນນີ້ ໜີບໍ່ພົ້ນກ່າວ ຊົງຈຸງກິ ແລະ ຊົງເຮຄຽວ ທີ່ພາກັນຈູງມືເຂົ້າວິວາຢ່າງເປັນທາງການແລ້ວໃນມຶ້ນີ້ 31/10/2017 ເຊິ່ງຂໍ້ມູນວົງໃນບອກວ່າແຂກທີ່ຖືກເຊື້ອເຊີນນັ້ນມີພຽງ 250 ຄົນ ໂດຍແຂກຝ່າຍເຈົ້າບ່າວ 130 ຄົນ ແລະ ຝ່າຍເຈົ້າສາວ120 ຄົນ ໂດຍພາຍໃນງານມີ ພັກໂບກອມ (Park Bo Gum) ມາບັນເລັງເປຍໂນແທນຄໍາອວຍພອນ, ວາງຊູ ແລະ ຍູອາອິນ (Yoo Ah In) ເພື່ອນສະນິດອ່ານຈົດໜາຍ ແລະ ອົກຈູຢອນ (Ock Joo Hyun ) ເພື່ອນສະນິດຂອງ ຊົງເຮຄຽວມາຮ້ອງເພງໃຫ້ຟັງ ພິເສດ ແມ່ນແຂກຮັບເຊີນ ເຊີນ (Chen EXO) ທີ່ໃຊ້ເພງ Every time ມາບັນເລັງສຽງເບົາໃຫ້ໄດ້ລົມບັນຍາກາດຄວາມຮັກທີ່ແສນຈະ Romantic ໃນແບບສະບັບເກົາຫຼີ.

ສໍາລັບສະຖານທີ່ແຕ່ງງານຂອງ ຊົງຈຸງກິ ແລະ ຊົງເຮຄຽວ ແມ່ນຈັດຂື້ນທີ່ໂຮງແຮມ Shilla Hotel ທີ່ເນັ້ນຄວາມລຽບງ່າຍ, ອົບອຸ່ນ ແລະ ຫຼູຫຼາໃນແບບຄົນດັງແຕ່ງງານ.