ເກີດເຫດຜູ້ກໍ່ການຮ້າຍຂັບລົດບັນທຸກພຸ່ງຕຳຊາວນິວຢອກສຍຊີວິດ 8 ລາຍ

31 ຕຸລາ 2017 ເກີດເຫດລົດທຸກສີຂາວຄັນໜຶ່ງ ແລ່ນມາດ້ວຍຄວາມໄວສູງ ພຸ່ງເຂົ້າຕຳຜູ້ ຄົນທີ່ກຳລັງຍ່າງ ແລະຂີ່ລົດຖີບຢູ່ເລນລົດຖີບ ທາງຕອນລຸ່ມຂອງເກາະແມນຫັດຕັນ ໃນນະຄອນນິວຢອກ ເຮັດໃຫ້ມີຜູ້ເສຍຊີວິດ 8 ລາຍ ບາດເຈັບອີກ 15 ຄົນ ຫລັງຈາກ ນັ້ນລົດບັນທຸກຄັນດັ່ງກ່າວຍັງ ໄດ້ແລ່ນເຂົ້າໄປຕຳລົດໂຮງຮຽນທີ່ຢູ່ໃກ້ໆ ກ່ອນທີ່ຄົນຂັບລົດ ຊຶ່ງຜູ້ເຫັນເຫດການເລົ່າວ່າເປັນ ຊາຍຊາວມຸດສະລິມ ຈະລົງມາຈາກລົດ ແລ້ວຮ້ອງສັນເສີນ ພະເຈົ້າ ພ້ອມຖືປືນສອງກະບອກ ໃນມື ແລະແລ່ນໜີອອກຈາກທີ່ເກີດເຫດ

ຕໍ່ມາຜູ້ກໍ່ການຮ້າຍຖືກຕຳຫລວດໄລ່ຕາມ ແລະຍິງຖືກຂາ ກ່ອນຖືກຈັບກຸມໂຕ ເຮັດໃຫ້ຕຳ ຫລວດຮູ້ວ່າປືນທີ່ເຂົາຖືທັງສອງກະບອກເປັນປືນປອມ ຊຶ່ງຂະນະນີ້ສຳນັກງານຕຳຫລວດ ນິວຢອກລາຍງານວ່າແຮງຈູງໃຈຂອງການກໍ່ເຫດຍັງບໍ່ເປັນທີ່ຊັດເຈນ ແລະເຊື່ອວ່າຜູ້ກໍ່ເຫດ ຫນ້າຈະລົງມືຄົນດຽວ ແຕ່ຕຳຫລວດຈະສອບສວນຂະດີນີ້ໃນຖານະຄະດີກໍ່ການຮ້າຍ ໂດຍມີ ຫນ່ວຍສອບສວນກາງຂອງອາເມລິກາ ຫລື FBI ເປັນຜູ້ນຳການສອບສວນ

ຜູ້ວ່າການລັດແລະນາຍົກເທດສະມົນຕີນະຄອນນິວຢອກໄດ້ລົງໄປກວດພື້ນທີ່ເກີດເຫດ ດ້ວຍຕົວເອງ ແລະໄດ້ກ່າວປະນາມຜູ້ກໍ່ເຫດ ວ່າເປັນຄົນຂີ້ຂາດຕາຂາວ ທີ່ທຳຮ້າຍປະຊາຊົນ ຜູ້ຊຶ່ງໃຊ້ຊີວິດປົກກະຕິ ຂະນະທີ່ຕຳຫລວດຍັງກັນປະຊາຊົນບໍ່ໃຫ້ເຂົ້າມາໃນພື້ນທີ່ເພື່ອເກັບ ຫລັກຖານ ພະຍານໃນທີ່ເກີດເຫດຫລາຍຄົນເລົ່າວ່າ ຕອນທຳອິດນຶກວ່າເລື່ອງທີ່ເກີດຂື້ນ ເປັນການສະແດງໃນເທດສະການວັນ ຮາໂຣບີນ ກ່ອນທີ່ຈະໄດ້ຍິນສຽງປືນຫລາຍນັດທີ່ຕຳ ຫລວດຍິງໃສ່ຜູ້ກໍ່ເຫດຈຶ່ງຮູ້ວ່າເປັນເລື່ອງຈິງ

ພາບ: AP

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *