ລະວັງ… ມິດສາຊີບ ລັກລົດຈັກຕາມງານບຸນ

ລະວັງ… ມິດສາຊີບ ລັກລົດຈັກຕາມງານບຸນ
……

ການຈັດງານບຸນ, ງານລ້ຽງ ແລະ ງານບຸນປະເພນີຕ່າງໆຂອງຊາວລາວຂອງແຕ່ລະທ້ອງຖິ່ນ ໃນຂອບເຂດທົ່ວປະ ເທດ ນອກຈາກຈະເປັນການສືບສານວັດທະນະທໍາອັນດີງາມ ແລະ ໃຫ້ຄວາມເບີກບານມ່ວນຊື່ນແກ່ຜູ້ມາທ່ຽວຊົມ ແລ້ວຍັງມີບາງປະກົດການຫຍໍ້ເກີດຂຶ້ນພາຍໃນງານໃນໄລຍະຜ່ານມາ ໂດຍສະເພາະມິດສາຊີບລັກລົດຈັກ ເຊິ່ງພວກ ເຂົາອາໄສຊ່ອງວ່າງໃນງານບຸນດັ່ງກ່າວ ໄປລັກເອົາລົດຈັກບັນດາປະຊາຊົນທີ່ໄປທ່ຽວງານບຸນ.

ດັ່ງຄືຄະດີໃນເດືອນຕຸລາ 2017 ທ້າວ ສາຍຄຳ ອາຍຸ 17 ປີ ຢູ່ບ້ານເໝືອງ ເມືອງຍົມມະລາດ ແຂວງຄຳມ່ວນ ເປັນອີກຄົນໜຶ່ງທີ່ອາໄສຊ່ອງວ່າງໃນງານບຸນຊ່ວງເຮືອທີ່ຕະເວນເຄື່ອນໄຫວລັກລົດຈັກຂອງປະຊາຊົນໄປທ່ຽວງານບຸນໄດ້ຫຼາຍຄັນ ແຕ່ກໍຖືກເຈົ້າໜ້າທີ່ຕໍາຫຼວດສືບສວນ-ສອບສວນ ປກສ ແຂວງຄໍາມ່ວນ ຕິດຕາມຈັບຕົວໄດ້ຕາມການແຈ້ງຄວາມຂອງຜູ້ເສຍຫາຍ.

ຮອ ວັນຄຳ ເດດຂຸນຟອງ ຮອງຫົວໜ້າພະແນກຕໍາຫຼວດສືບສວນ-ສອບສວນ ປກສ ແຂວງຄຳມ່ວນ ໄດ້ຖະແຫຼງ ຂ່າວວ່າ: ເບື້ອງຕົ້ນ ໃນຕົ້ນເດືອນຕຸລາ 2017 ຜູ້ເສຍຫາຍຊື່ນາງ ແສງອາລຸນ ຢູ່ເມືອງເຊບັ້ງໄຟ ແລະ ທ້າວ ເພັດສາຄອນ ຢູ່ເມືອງຍົມມະລາດ ເຂົ້າແຈ້ງຄວາມວ່າ: ມີຄົນຮ້າຍລັກລົດຈັກລຸ້ນ MSX ໜີໄປໃນມື້ງານບຸນຊ່ວງເຮືອປະຈໍາປີ. ຈາກນັ້ນ, ໄດ້ຈັດກໍາລັງສືບສວນ-ສອບສວນອອກຕິດຕາມກວດກາຢູ່ຈຸດຫຼໍ່ແຫຼມຕາມທາງ ແລະ ງານບຸນປະເພດນີຕ່າງໆ ຮອດວັນທີ 6 ຕຸລາ ໄດ້ພົບເຫັນລົດຄັນດັ່ງກ່າວຢູ່ຮ້ານເກມແຫ່ງໜຶ່ງຢູ່ເມືອງທ່າແຂກ ຈຶ່ງໄດ້ກັກຕົວຜູ້ຄອບຄອງລົດນັ້ນມາສອບສວນ.

ຜ່ານການສອບສວນ ທ້າວ ສາຍຄຳ ສາລະພາບວ່າ: ລົດຄັນດັ່ງກ່າວແມ່ນໄດ້ລັກມາແທ້ ເຊິ່ງໄປລັກເອົາຢູ່ງານບຸນຊ່ວງເຮືອ ເມືອງເຊບັ້ງໄຟ 1 ຄັນ ແລະ ງານບຸນຊ່ວງເຮືອ ເມືອງຍົມມະລາດ 1 ຄັນ ແລ້ວເອົາມາດັດແປງສະພາບກ່ອນຈຶ່ງເອົາໄປຂາຍ. ນອກຈາກຄັ້ງນີ້, ຜ່ານມາໄດ້ເຄື່ອນໄຫວຊອກຫາລົດຈັກຢູ່ຕາມງານບຸນປະເພນີຕ່າງໆ ໂດຍຮ່ວມກັບພັກພວກອີກຈຳນວນໜຶ່ງລັກມາຫຼາຍຄັ້ງ. ກ່ອນຖືກຈັບວັນທີ 2 ກັນຍາ 2017 ຜູ້ກ່ຽວພ້ອມກັບພັກພວກ ເຄື່ອນໄຫວຊອກລັກລົດຈັກທີ່ງານບຸນຊ່ວງເຮືອຢູ່ບ້ານຂົວເຊ ເມືອງເຊບັ້ງໄຟ ແຂວງຄຳມ່ວນ ເຫັນລົດຈັກຮອນດາ MSX ສີຂາວ, ບໍ່ມີປ້າຍທະບຽນ ເຊິ່ງເປັນລົດຂອງນາງ ແສງອາລຸນ ຈອດໄວ້ຢູ່ຕໍ່ໜ້າເຮືອນ ແລ້ວຂັບຂີ່ລົດມຸ່ງໜ້າຂຶ້ນມາເມືອງທ່າແຂກ, ເພື່ອນຳເອົາລົດດັ່ງກ່າວມາຊຸກເຊື່ອງໄວ້, ຕໍ່ມາວັນທີ 3 ຕຸລາ 2017 ພ້ອມພັກພວກອີກ 2 ຄົນ ໄດ້ພາກັນຂັບຂີ່ລົດຈັກຊ້ອນກັນໄປຫຼິ້ນບຸນອອກພັນສາຢູ່ບ້ານຍົມມະລາດເໜືອ ເມືອງຍົມມະລາດ ແຂວງຄຳມ່ວນ ເມື່ອໄປຮອດງານບຸນ ເຫັນລົດຈັກຍີ່ຫໍ້ຮອນດາ MSX ສີດຳ ບໍ່ມີປ້າຍທະບຽນ ເຊິ່ງເປັນລົດຂອງທ້າວ ເພັດສາຄອນ ຈອດໄວ້ຢູ່ຕໍ່ໜ້າເຮືອນຫຼັງໜຶ່ງ ຈຶ່ງໄດ້ພາກັນລັກເອົາ ແລ້ວຂັບຂີ່ລົດມຸ່ງໜ້າຂຶ້ນມາ ທີ່ຕົວເມືອງທ່າແຂກ ຊຸກເຊື່ອງລົດໄວ້ ຮອດວັນທີ 6 ຕຸລາ 2017 ຈຶ່ງຖືກເຈົ້າໜ້າທີ່ຕໍາຫຼວດສືບສວນ-ສອບສວນ ປກສ ແຂວງຄໍາມ່ວນ ຈັບຕົວໄດ້ຢູ່ຮ້ານເກມແຫ່ງໜຶ່ງຢູ່ເມືອງທ່າແຂກ ພ້ອມທັງເກັບກູ້ຂອງກາງເປັນລົດຍີ່ຫໍ້ຮອນດາ HONDA, ຮຸ້ນ MSX ສີຂາວ ຈຳນວນ 2 ຄັນ ມາມອບຄືນໃຫ້ເຈົ້າຂອງເດີມໃນວັນທີ 21 ພະຈິກນີ້, ກ່າວມອບຂອງ ຮອ ວັນຄຳເດດ ຂຸນຟອງ ຮອງຫົວໜ້າພະແນກຕໍາຫຼວດສືບສວນ-ສອບສວນ ປກສ ແຂວງຄຳມ່ວນ ແລະ ກ່າວຮັບໂດຍເຈົ້າຂອງລົດຈັກທັງສອງຄັນ.
ປັດຈຸບັນ, ເຈົ້າໜ້າທີ່ກໍາລັງເລັ່ງຕິດຕາມຈັບຕົວຜູ້ຮ່ວມຂະບວນການນໍາກັນ ລັກຊັບພົນລະເມືອງກັບທ້າວ ສາຍຄໍາ ມາດໍາເນີນຄະດີຕາມລະບຽບກົດໝາຍ. ໂດຍ: ປກສ

ນາຍພົນໂຄຣເອເຊຍ ດື່ມຢາພິດຂ້າຕົວຕາຍ ໃນຂະນະທີ່ສານກໍາລັງຕັດສິນຄະດີ ຜ່ານການຖ່າຍທອດສົດ(ມີຄລິບ)

ສໂລໂບດານ ປຣາຢຽດ ອະດີດຜູ້ນໍາພັກການເມືອງແລະກອງທັບໂຄຣເອເຊຍ 1 ໃນ 6 ຈໍາເລີຍຂໍ້ຫາອາດຊະຍາກໍອນສົງຄາມໂຄຣເອເຊຍ-ບໍສເນຍ ດື່ມຢາພິດຂ້າຕົວຕາໃນສານ ກຸງເຮກ ຫຼັງຖືກຕັດສິນໃຫ້ຈໍາຄຸກ 20 ປີ

ໃນວັນທີ່ 30 ພະຈິກ 2017 ສໍານັກຂ່າວຕ່າງປະເທດລາຍງານວ່າ ນາຍພົນ ສໂລໂບດານ ປຣາຢຽດ ອາດີດຜູ້ນໍາພັກການເມືອງແລະກອງທັບໂຄຣເອເຊຍ 1 ໃນ 6 ຈໍາເລີຍຂໍ້ຫາອາດຊະຍາກອນສົງຄາມຈາກສົງຄາມໂຄຣເອເຊຍ-ບໍສເນຍ ໄດ້ດື່ມຢາພິດລະຫວ່າງຮັບຟັງຄໍາຕັດສິນຂອງຜູ້ພິພາກສາຊັ້ນອຸທອນຂອງສານອາຍາປະເທດສໍາລັບອາດີດ  ຢູໂກສລາເວຍ ຫຼື ICTY 

ຂະນະດຽວກັນຊາວໂຄຣເອເຊຍແລະບໍສເນຍໃນເມືອງມໍສຕ້າ ທາງພາກໃຕ້ຂອງບໍສເນຍແລະເຮີເຊໂກວິນາ ທີ່ຮັບຮູ້ຂ່າວກໍພາກັນໃຕ້ທຽນໄວ້ອາໄລໃນຖານະທີ່ເປັນວິລະບູຫຼຸດຂອງຊາວບໍສເນຍ-ໂຄຣແອດຫຼັງຈາກຄະນະຕຸລາການອາຍາລະຫວ່າງປະເທດສໍາລັບອາດີດຢູໂກສລາເວຍພິພາກສາຢືນໃຫ້ຈໍາຄຸກ 20 ປີ ໂດຍຄະດີນີ້ໄດ້ຖືກຕັດສິນໄປໃນປີ 2013 ແຕ່ ປຣາຢຽດໄດ້ຢື່ນອຸທອນ

ຂະນະດຽວກັນຊາວໂຄຣເອເຊຍແລະບໍສເນຍໃນເມືອງມໍສຕ້າ ທາງພາກໃຕ້ຂອງບໍສເນຍແລະເຮີເຊໂກວິນາ ທີ່ຮັບຮູ້ຂ່າວກໍພາກັນໃຕ້ທຽນໄວ້ອາໄລໃນຖານະທີ່ເປັນວິລະບູຫຼຸດຂອງຊາວບໍສເນຍ-ໂຄຣແອດ

ຈັບໂຕຝຣັ່ງ 2 ຄົນທີ່ໂອດເກັ່ງກາງວັດອາລຸນ ຕຳຫຼວດຈັບໄດ້ຄາສະໜາມບິນ

ຈັບໄດ້ແລ້ວ 2 ໜຸ່ມຝຣັ່ງ ໂຊກ້າມກົ້ນທີ່ວັດອາລຸນ ປະເທດໄທ ຕມ. ລວບໂຕໄດ້ຄາສະໜາມບິນດອນເມືອງ ຝາກເຕືອນນັກທ່ອງທ່ຽວຄວນໃຫ້ຄວາມເຄົາລົບຕໍ່ສະຖານທີ່ສຳຄັນຂອງໄທ

ວັນທີ່ 28 ພະຈິກ 2017 ມີການເປິດເຜີຍວ່າ ຈາກກໍລະນີທີ່ປະກົດເປັນຂ່າວໃນສື່ Social ເມື່ອວັນທີ່ 24 ພະຈິກທີ່ຜ່ານມາ ກັບຮູບພາບຊາວຕ່າງຊາດ ເພດຊາຍ 2 ຄົນກຳລັງຖອດໂສ້ງໂຊກົ້ນໃນສະຖານທີ່ຕ່າງໆ ໂດຍສະເພາະແມ່ນຮູບພາບທີ່ຖ່າຍກັບພະປາງທີ່ວັດອາລຸນ ເຊິ່ງເປັນສະຖານທີ່ສຳຄັນຂອງຊາດ ແລະເປັນສະຖານທີ່ເຄົາລົບສະກະລະຂອງຄົນໄທນັ້ນ

ເມື່ອເວລາ 20:00 ເຈົ້າໜ້າທີ່ກວດຄົນເຂົ້າເມືອງທີ່ ເດີ່ນບິນດອນເມືອງ ໄດ້ກວດພົບຝຣັ່ງທັງສອງຄົນດັ່ງກ່າງ ໃນລະບົບແຈ້ງເຕືອນ watch list ຂອງລະບົບສາລະສົນເທດ ສຕມ. ເຊິ່ງມີການບັນທຶກຈາກຖານຂໍ້ມູນບຸກຄົນທີ່ເປັນທີ່ຕ້ອງການຂອງຕຳຫຼວດ ເຂດບາງກອກໃຫຍ່ ໂດຍພົບວ່າເປັນຜູ້ຊາຍ ອາເມຣິກາ 2 ຄົນ ຊື່ວ່າ Mr. Joseph (ນາມສົມມຸດ) ແລະ Mr. Travis (ນາມສົມມຸດ) ອາຍຸປະມານ 38ປີ
ເຊິ່ງທັງສອງຍອມຮັບວ່າເປັນບຸກຄົນຕາມຮູບພາບດັ່ງກ່າວແທ້ ແລະເນື່ອງຈາກວ່າຊາວຕ່າງຊາດທັງສອງໄດ້ກະທຳສິ່ງທີ່ບໍ່ສົມມາພາຄວນຕໍ່ສະຖານທີ່ສຳຄັນທີ່ເປັນສິ່ງທີ່ຍຶດໜ່ຽວຈິດໃຈຂອງຄົນໄທ ເຈົ້າໜ້າທີ່ກວດຄົນເຂົ້າເມືອງເດີ່ນບິນດອນເມືອງ ຈຶ່ງໄດ້ມີການດຳເນີນການຈັບໂຕ ແລະປະສານຕຳຫຼວດ ເຂດບາງກອກໃຫຍ່ເພື່ອນຳໂຕໄປດຳເນີນຄະດີຕໍ່ໄປ

ນອກຈາກນີ້ເພິ່ນຍັງແຈ້ງເຕືອນມາເຖິງບັນດານັກທ່ອງທ່ຽວຊາວຕ່າງຊາດວ່າ ຄວນໃຫ້ຄວາມເຄົາລົບຕໍ່ສະຖານທີ່ທີ່ສຳຄັນທາງວັດທະນາທຳ ປະວັດສາດ ແລະທາງສາດສະໜາ ຂອງປະເທດໄທ ເຊິ່ງເປັນມາລະຍາດອັນດີໃນການເດີນທາງທ່ອງທ່ຽວກັບສະຖານທີ່ທ່ອງທ່ຽວຕ່າງໆ ເຊິ່ງປະເທດໄທ ເປັນປະເທດທີ່ມີອະລິຍາທຳສະເພາະ ແລະລັດຖະບານໄດ້ມີນະໂຍບາຍສົ່ງເສີມໃຫ້ ຕມ. ເຮັດໜ້າທີ່ປະຕູດ່ານທຳອິດ ແລະດ່ານສຸດທ້າຍໃນການເບິ່ງແຍງນັກທ່ອງທ່ຽວທີ່ດີຈາກທຸກມູມໂລກ
ທີ່ມາ: hilight.kapook.com

ເຫດລົດໃຫຍ່ຕຳເຮືອນປະຊາຊົນ

ໃນວັນທີ24/11/2017 ເວລາ20:35ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວໄດ້ຮັບແຈ້ງເຫດຈາກປະຊາຊົນວ່າມີ ລົດໃຫຍ່ຕຳເຮືອນປະຊາຊົນ ເຂດບ້ານຊຽງດາ ເມືອງ ໄຊເສດຖາ ແຂວງ ນະຄອນຫຼວງວຽງຈັນ
ຄົນເຈັບເປັນເພດຊາຍ ອາຍຸ49ປີ ອາຊີບ ພະນັກງານ ບ້ານ ໂພນທອງ ເມືອງໄຊເສດຖາ ແຂວງນະຄອນຫຼວງວຽງຈັນ
ອາການເບື້ອງຕົ້ນແມ່ນ ແໜ້ນໜ້າເອິກ(ມີອາການເມົາ)
ດັ່ງນັ້ນໜ່ວຍກູ້ໄພມູນນິທິຈຶ່ງໄດ້ທຳການປະຖົມພາຍາບານຂັ້ນຕົ້ນແລ້ວນຳສົ່ງຄົນເຈັບໄປທີ່ໂຮງໝໍ ເສດຖາທິລາດ(ດອນກອຍ)
ຈຸດໜອງໄຮ
———————————–
ເຈັບປ່ວຍສຸກເສີນໂທເບີ1623ຕະຫຼອດ24ຊົ່ວມງ

ທີ່ມາ ໜ່ວຍກູ້ໄພມູນນິທິຊ່ວຍເຫຼືອຄົນທຸກຍາກແຫ່ງ ສປປ ລາວ

ເມົາແລ້ວຂັບ ຈົນຕຳເອົາເສົາຫຼັກຮົ້ວ ເຫດທີ່ບ້ານສົມສະຫງ່າ

ເມົາແລ້ວຂັບ ຈົນຕຳເອົາເສົາຫຼັກຮົ້ວ ເຫດທີ່ບ້ານສົມສະຫງ່າ


ເວລາ ປະມານ 21:00 ນາທີຂອງວັນທີ 28/11/2017 ແຫຼ່ງຂ່າວຈາກ ໄດ້ຮັບແຈ້ງເຫດເຂົ້າເບີສຸກເສີນ 1624 ວ່າມີລົດຈັກຕຳຫົ້ວ ບ້ານ ສົມສະຫງ່າ ເມືອງ ໄຊເສດຖາ ນະຄອນຫຼວງວຽງຈັນ.


ດັ່ງນັ້ນໜ່ວຍກູ້ຊີບ-ກູ້ໄພ ນະຄອນຫຼວງຈຶ່ງອອກກວດສອບເຫດ ພົບເຫັນຜູ້ບາດເຈັບ 1 ຄົນ ເປັນເພດຊາຍ ເຊິ່ງມີອາການແຜທະລອກຕາມຕົ້ນຕົວແລະ ຂາຈີກເບື້ອງຊ້າຍ


ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງປະຖົມພະຍາບານເບື້ອງຕົ້ນນຳສົງໂຮງໝໍມິດຕະພາບ 150 ຕຽງ.
ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານສາມາດບໍລິຈາກເຂົ້າບັນຊີ

ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ ມະຫາຊົນ ບັນຊີ; THE ASSOCIATION OF VOLUNTARY RESCUE VIENTIANE ເລກບັນຊີ: LAK0101200າ00993902001 ເບີໂທຕິດຕໍ່ 020 2244 1624
———————————
www.skapbpb.com

ເຫດລົດໃຫຍ່ຕຳລົດຈັກແລ້ວແລ່ນເຂົ້າບ້ານປະຊາຊົນ

ໃນວັນທີ 29/11/2017 ເວລາ ປະມານ 00:50 ນາທີ ໄດ້ຮັບແຈ້ງເຫດເຂົ້າເບີສຸກເສີນ 1624 ວ່າມີລົດໃຫຍ່ຕຳລົດຈັກແລ້ວເຂົ້າບ້ານປະຊາຊົນ ບ້ານ ວຽງຈະເລີນ ເມືອງ ໄຊເສດຖາ ນະຄອນຫຼວງວຽງຈັນ. ດັ່ງນັ້ນໜ່ວຍກູ້ຊີບ-ກູ້ໄພ ນະຄອນຫຼວງຈຶ່ງອອກກວດສອບເຫດ ພົບເຫັນຜູ້ບາດເຈັບ 1 ຄົນ ເປັນເພດ

ຍິງ ເຊິ່ງມີອາການແຜທະລອກຕາມຕົ້ນຕົວແລະ ມີແຜຈິກຢູ່ແຂນເບື້ອງຊ້າຍ
ດັ່ງນັ້ນ ໜ່ວຍກູ້ໄພນະຄອນຫຼວງຈຶ່ງປະຖົມພະຍາບານເບື້ອງຕົ້ນນຳສົງໂຮງໝໍມິດຕະພາບ 150 ຕຽງ. ພົບເຫດສຸກເສີນແຈ້ງ 1624 ເບີດຽວໃນນະຄອນຫຼວງວຽງຈັນ. ທ່ານສາມາດບໍລິຈາກເຂົ້າບັນຊີ ສະມາຄົມອາສາກູ້ໄພນະຄອນຫຼວງວຽງຈັນ ໂດຍລະບຸການບໍລິຈາກ ທະນາຄານ ການຄ້າຕ່າງປະເທດລາວ

ຈະໃຊ້ເງິນ57ລ້ານໂດລາ ພັດທະນາ ແຄມຂອງໄລຍະ 2 (ໂຄງການປ້ອງກັນຕະຝັ່ງເຈື່ອນແມ່ນໍ້າຂອງຢູ່ນະຄອນຫຼວງວຽງຈັນ)

ໃນວັນທີ 28 ພະຈິກ 2017, ທີ່ກະຊວງການເງິນນະຄອນຫຼວງວຽງຈັນ ໄດ້ມີພິທີສັນຍາເງິນກູ້ ມູນຄ່າທັງໝົດ 122.605.000 ໂດລາສະຫະລັດ ເພື່ອຈັດຕັ້ງປະຕິບັດ 2 ໂຄງການຄື: ໂຄງການກໍ່ສ້າງໂຮງໝໍທັນສະໄໝ (5 ເມສາ) ແລະ ໂຄງການປ້ອງກັນຕະຝັ່ງເຈື່ອນແມ່ນໍ້າຂອງຢູ່ນະຄອນຫຼວງວຽງຈັນ ໄລຍະ 2

ຕາງໜ້າໃຫ້ລັດຖະບານ ແຫ່ງ ສປປ ລາວ ເຊັນໂດຍທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ ກະຊວງການເງິນ ແລະ ຕາງໜ້າຝ່າຍ ສ.ເກົາຫຼີ ແມ່ນທ່ານ ຣີເທຢອງຫົວໜ້າຫ້ອງການຜູ່ຕາງໜ້າທະນາຄານສົ່ງອອກ-ນຳເຂົ້າ ສ.ເກົາຫຼີ ປະຈຳຢາງກຸງ,ປະເທດມຽນມາ.

ສັນຍາເງິນກູ້ ມູນຄ່າທັງໝົດ 122.605.000 ແໃ່ນເພື່ອຈັດຕັ້ງປະຕິບັດ 2 ໂຄງການຄື: ໂຄງການກໍ່ສ້າງໂຮງໝໍທັນສະໄໝ (5 ເມສາ) ມູນຄ່າ 65ລ້ານໂດລາສະຫະລັດແລະ ໂຄງການປ້ອງກັນຕະຝັ່ງເຈື່ອນແມ່ນໍ້າຂອງຢູ່ນະຄອນຫຼວງວຽງຈັນ ໄລຍະ 2 ມູນຄ່າ 57,6ລ້ານກວ່າໂດລາສະຫະລັດ.

ການຮ່ວມມືລະຫວ່າງ ສປປ ລາວ ກັບ EDCF ໄລຍະ 2016-2019 ຂອງ ສ.ເກົາຫຼີ ຈະສະໜອງເງິນກູ້ດອກເບັ້ຍຕໍ່າຈາກກອງທຶນ EDCF ໃຫ້ ສປປ ລາວ ມູນຄ່າ 300 ລ້ານ ໂດລາ ສະຫະລັດ ເພື່ອຈັດຕັ້ງປະຕິບັດບັນດາໂຄງການທີ່ມີຜົນຕອບແທນດ້ານເສດຖະກິດ ແລະ ປະກອບສ່ວນໃຫ້ການພັດທະນາເສດຖະກິດສັງຄົມ, ຫຼຸດຜ່ອນຄວາມທຸກຍາກຂອງປະຊາຊົນ. ໂຄງການກໍ່ສ້າງໂຮງໝໍທັນສະໄໝແລະ ໂຄງການປ້ອງກັນຕະຝັ່ງເຈື່ອນແມ່ນໍ້າຂອງຢູ່ນະຄອນຫຼວງວຽງຈັນໄລຍະ 2 ເປັນສອງໂຄງການທຳອິດທີ່ໄດຮັບການສະໜັບສະໜູນທຶນໃນໄລຍະການຮ່ວມມືດັ່ງກ່າວ ແລະ ສອດຄ່ອງກັບແຜນພັດທະນາເສດຖະກິດ-ສັງຄົມ 5 ປີຄັ້ງທີ 8 (2016-2020) ຂອງ ສປປ ລາວ.

ສຳລັບໂຄງການປ້ອງກັນຕະຝັ່ງເຈື່ອນແມ່ນໍ້າຂອງຢູ່ນະຄອນຫຼວງວຽງຈັນໄລຍະ 2 ເປັນໂຄງການສືບຕໍ່ຂອງໂຄງການໄລຍະ 1 ທີ່ ສ.ເກົາຫຼີ ໄດ້ໃຫ້ການສະໜັບສະໜູນທຶນໃນການຈັດຕັ້ງແຕ່ປີ 2008 ເປັນຕົ້ນມາ ແລະ ເຫັນໄດ້ຜົນສຳເລັດ, ເຊິ່ງໂຄງການດັ່ງກ່າວ ສາມາດຊ່ວຍປ້ອງກັນນ້ຳຖ້ວມເຂດແຄມແມ່ນ້ຳຂອງ ແລະ ຍັງປະກອບສ່ວນໃນການພັດທະນາເສດຖະກິດ ປັບປຸງຊີວິດການເປັນຢູ່ຂອງປະຊາຊົນຢູ່ນະຄອນຫຼວງວຽງຈັນໃຫ້ດີຂຶ້ນ, ສາມາດດຶງດູດນັກທ່ອງທ່ຽວ ແລະ ນັກລົງທຶນໃຫ້ເພີ່ມຂຶ້ນ ແລະ ສວນເຈົ້າອານຸວົງ ກໍກາຍເປັນສະຖານທີ່ພັກຜ່ອນ ແລະ ອອກກຳລັງກາຍຂອງປະຊາຊົນ.

ສຳລັບຈຸດປະສົງຂອງໂຄງການ ໄລຍະ 2 ແມ່ນເພື່ອສືບຕໍ່ປ້ອງກັນນ້ຳຖ້ວມ, ດິນເຊາະເຈື່ອນ ແລະ ພັດທະນາພື້ນຖານໂຄງລ່າງບໍລິເວນລຽບແຄມແມ່ນໍ້າຂອງ, ໂດຍຈະກໍ່ສ້າງຄູປ້ອງກັນນ້ຳຖ້ວມ ແລະ ຕາຝັ່ງເຈື່ອນ ຄວາມຍາວ 8,36 ກມ ແຕ່ເຂດຫຼັກ 4 ໄປເຖິງຫາດດອກແກ້ວ, ຈະກໍ່ສ້າງສວນສາທາລະນະເນື້ອທີ 4 ເຮັກຕາ ເພື່ອເປັນສະຖານທີ່ທ່ອງທ່ຽວ ແລະ ຈະກໍ່ສ້າງເສັ້ນທາງລຽບແຄມແມ່ນ້ຳຂອງຄວາມຍາວ 4,4 ກມ (ແຕ່ເຂດເກົ້າລ້ຽງໄປເຖິງບ້ານຂຸນຕາທ່າ)ເພື່ອລະບາຍການສັນຈອນຂອງລົດເຂດດັ່ງກ່າວທີ່ນັບມື້ນັບແອອັດ.

ສ່ວນໂຄງການກໍ່ສ້າງໂຮງໝໍທັນສະໄໝແມ່ນເພື່ອສ້າງ ແລະ ຂະຫຍາຍໂຮງໝໍ 5 ເມສາທີ່ມີຢູ່ໃນປັດຈຸບັນໃຫ້ເປັນໂຮງໝໍທີ່ສາມາດຮອງຮັບຄົນເຈັບໄດ້ 300 ຕຽງ, ມີລະບົບການຄຸ້ມຄອງດ້ານຂໍ້ມູນທີ່ທັນສະໄໝເພື່ອຮັບປະກັນຍົກລະດັບການໃຫ້ບໍລິການທີ່ວ່ອງໄວດີຂຶ້ນ, ມີລະບົບເຄື່ອງມືການແພດທີ່ທັນສະໄໝຮັບປະກັນຮັບໃຊ້ການກວດສຸຂະພາບ ແລະ ປິ່ນປົວພະນັກງານ, ທະຫານ, ຕຳຫຼວດ ແລະ ປະຊາຊົນທົ່ວໄປ. ພ້ອມນັ້ນ, ໂຄງການຍັງຈະສ້າງໂອກາດໃນການຍົກລະດັບການປິ່ນປົວໃຫ້ແພດໝໍ ແລະ ພະນັກງານບໍລິຫານຂອງໂຮງໝໍ ເພື່ອຮັບປະກັນການໃຫ້ບໍລິການສາທາລະນະສຸກທີ່ດີຂຶ້ນ.

ຂ່າວ: ຂປລ

ຫນ້າສົງສານ…? ເດັກປະຖົມ 2 ຄົນ ລີ້ເຂົ້າໄຕ້ກ້ອງລົດເມ ເພື່ອ ຕາມຫາພໍ່ແມ່ທີ່ໄປເຮັດວຽກຢູ່ຕ່າງເມືອງ

ຫນ້າສົງສານ…? ເດັກປະຖົມ 2 ຄົນ ຫລັກເຂົ້າໄຕ້ກ້ອງລົດເມ ເພື່ອ ຕາມຫາພໍ່ແມ່ທີ່ໄປເຮັດວຽກຢູ່ຕ່າງເມືອງ

ສຳນັກຂ່າວ Xinhua News ເຜີຍແພ່ຂ່າວສຸດສະລົດແລະຫນ້າເຫັນໃຈ ຫລັງເດັກປະຖົມສອງຄົນພາກັນແອບຫລັກນັ່ງລົດຢູ່ກ້ອງລົດເມໂດຍສານ ໄປຍັງອີກເມືອງຫນື່ງດ້ວຍລະຍະທາງ 80 ກິໂລ ກວ່າໆ ເພື່ອຕາມຫາພໍ່ທີ່ໄປທຳງານ ຫລື ໄປເຮັດວຽກ ຢູ່ຕ່າງເມືອງຕ່າງແຂວ

ລາຍງານລະບຸວ່າ ເຫດເກີດຂື້ນເມື່ອວັນທີ່ 23 พ.ย. ທີ່ຜ່ານມາ ທີ່ເມືອງ ໄປ່ເຊີ່ (มณฑลกว่างซี ) ປະເທດຈີນ ພົບເດັກຊັ້ນປະຖົມສອງຄົນ ໂຕນຮຽນທີ່ເມືອງ ຊີຫລີນ ເພື່ອໄປຕາມຫາພໍ່ ແມ່ທີ່ໄປເຮັດວຽກ ຕ່າງເມືອງ ໂດຍໄຊ້ວິທີຊ່ອນຕົວ ຫລື ລີ້ນັ່ງຕາມກ້ອງລົດເມ ຫລື ລົດໂດຍສານ ປະຈຳທາງ. ໄລຍະໄກ ປະມານ 80 ກິໂລເມັດ ຈົນກວ່າມາຮອດ

ເມືອງໄປເຊີ່ ໂດຍເຫດເກີດຂື້ນເພາະ ຍາດຕິພີ່ນ້ເອງເດັກນ້ອຍນີ້ມີເຈຕະນາດີ ບໍ່ຢາກໃຫ້ຮູ້ວ່າພໍ່ແມ່ເດັກແທ້ຈິງນີ້ ໄປເຮັດວຽກຢູ່ໄກ ຍາດຕິພີ່ນ້ອງກະເລີຍໄດ້ແຕ່ຕົວະວ່າພໍ່ແມ່ໃດ້ໄປເຮັດວຽກຢູ່ເມືອງໄປເຊີ່ ຕໍ່ມາພາຍຫລັງທາງຄອບຄົວກະໄດ້ມາຮັບເດັກນ້ອຍທັງສອງ ກັບບ້ານແລ້ວ

ຊາຍຊູ້ໂມໂຫ ຂ້າຜົວກິກເສຍຊີວິດ

ມີເຫດຂ້າກັນທີ່ແຂວງບໍ່ແກ້ວໃນວັນທີ 26 ພະຈິກ 2017 ຜ່ານມາ, ຊຶ່ງມີສອງຜົວເມຍໄປຮັບຈ້າງເຝົ້າ

ສວນກ້ວຍຄົນຈີນທີ່ແຂວງບໍ່ແກ້ວ ຕໍ່ມາຜູ້ເປັນເມຍໄດ້ນອກໃຈຜົວຫລີ້ນກັບຊາຍຊູ້ທີ່ເປັນເຜົ່າມົ້ງຢູ່ປະເທດຈິນ ຫລັງຈາກທີ່ຜົວຮູ້ເລື່ອງຈິ່ງໄດ້ເວົ້າຄວາມກັນ ແລະ ໄດ້ປັບໄຫມຕາມລະບຽບກົດຫມາຍ, ຈາກນັ້ນ ຊາຍຊູ້ເກີດຄວາມໂມໂຫເລີຍຂ້າຜົວເສຍຊີວິດ
ທີ່ມາ ຟັງຂ່າວ99 Fangkhao99

ໃຊ້ “ນົມກາໝີ” ແທນ “ໂທນເນີ” ຫຼຸດສິວໄດ້ຜົນເກີນຮ້ອຍ!!

ນົມເປນຜະລິດຕະພັນທີ່ມີປະໂຫຍດຕໍ່ຮ່າງກາຍ ມີສານອາຫານສຳຄັນທີ່ຊ່ວຍໃນການຈະເລີນເຕີບໃຫຍ່ຕໍ່ຮ່າງກາຍ ມີສານອາຫານສຳຄັນທີ່ຊ່ວຍໃນການຈະເລີນເຕີບໃຫຍ່ ຊ່ວຍບຳລຸງສ່ວນທີ່ເສຍ ເຮັດໃຫ້ຮ່າງກາຍແຂງແຮງ ອີກທັ້ງແຄວຊຽມ ແລະ ຟອດຟໍລັດທີ່ຢູ່ໃນນົມ ຍັງຊ່ວຍເສີມສ້າງກະດູກ ແລະ ແຂ້ວ ມີຄວາມສຳຄັນຕໍ່ການພັດທະນາສະໝອງ ແລະ ຮ່າງກາຍຂອງເດັກ ນອກຈາກໃນນົມສົດຈະມີສານ

ອາຫານທີ່ດີຕໍ່ຮ່າງກາຍແລ້ວນົມສົດຍັງມີວິຕາມິນທີ່ບຳລຸງຜິວໃຫ້ນຸ່ມນຽນ ສົດໃສ ຫຼາຍຄົນນິຍົມນອນແຊ່ນ້ຳອ່າງນ້ຳນົມ ເພາະເຊື່ອວ່າຈະເຮັດຜິວໃສຂຶ້ນ ຜິວນຽນຂຶ້ນ ໃຊ້ນົມສົດເປັນໂທນເນີບຳລຸງຜິວ ຖ້າ

ເຈົ້າບໍ່ມັກຄວາມຄິດໃນການນຳນົມສົດມາທາໜ້າຈົນປຽກຊຸ່ມແລ້ວຖີ້ມໄວ້ຂ້າມຄືນ ເຈົ້າສາມາດໃຊ້ນົມສົດເປັນໂທນເນີແທນ ໂດຍນຳສຳລີຈຸ່ມນົມ ແລ້ວທາໜ້າ ຈາກນັ້ນໃຫ້ຖີ້ມໄວ້ 15 ນາທີ ແລ້ວລ້າງອອກ ຖ້າເຮັດແບບຕໍ່ເນື່ອງຈະຊ່ວຍໃຫ້ຜິວຂອງເຈົ້າໃສຂຶ້ນເປັນທຳມະຊາດ ມີຄົນກ່າວວ່ານ້ຳນົມຊ່ວຍໃຫ້ຜິວຂອງເຮົາຂາວໃສຂຶ້ນ ແຕ່່ຖ້າເຈົ້າເລືອກທີ່ຈະໃຊ້ນົມໃນການປັບສະພາບຜິວຈື່ເອົາໄວ້ ຄວາມເຊື່ອນີ້ອາດຈະແທ້ຫຼືບໍ່ແທ້ ເພາະສະນັ້ນ ການໃຊ້ຫຼາຍເກີນໄປອາດຈະບໍ່ໃຫ້ຜົນລັບທີ່ເຈົ້າຕ້ອງການ

ຂໍຂອບໃຈທີ່ມາ

www.laoslike.com