ຖຶເອົາວຽກງານເຮັດໃຫ້ສະພາບມີຄວາມສະຫງົບ ແລະ ອົບຮົມຫັດແອບປັບປຸງກໍ່ສ້າງກຳລັງເປັນບູລິມະສິດແຖວໜ້າ

ນັບແຕ່ກອງພົນທີ 1 ພວກ ເຮົາໄດ້ຮັບການສ້າງຕັ້ງຂຶ້ນມາ ໄດ້ 30 ກວ່າປີນັ້ນ. ໜຶ່ງໃນວຽກ ງານທີ່ເປັນບູລິມະສິດສຳຄັນ ແຖວໜ້າທີ່ພັກ-ລັດ ແລະ ກະ ຊວງປ້ອງກັນປະເທດມອບ ໝາຍໃຫ້ກອງພົນພວກເຮົາປະ ຕິບັດດ້ວຍຄວາມເປັນເຈົ້າການ ແລະ ເຮັດໃຫ້ປະເທດມີຄວາມສະຫງົບ, ນອກນັ້ນຍັງໄດ້ເອົາໃຈໃສ່ ຕໍ່ການອົບຮົມຫັດແອບ, ປັບປຸງກໍ່ສ້າງກຳລັງ, ປັບປຸງລະບຽບແບບ ແຜນສ້າງໃຫ້ແຕ່ລະຫົວໜ່ວຍການຈັດຕັ້ງ, ກອງຮາກຖານທີ່ຂຶ້ນກັບ ມີຄວາມໜັກແໜ້ນເຂັ້ມແຂງໃນທຸກດ້ານ, ກ້າວຂຶ້ນຕາມທິດສ້າງ ກອງທັບປະຕິວັດມີແບບແຜນທັນສະໄໝເປັນກ້າວໆ, ປະກອບສ່ວນ ເຂົ້າໃນການຮັກສາສະຖຽນລະພາບທາງດ້ານການເມືອງ, ປົກປັກ ຮັກສາເອກະລາດ, ອຳນາດອະທິປະໄຕອັນຄົບຖ້ວນຂອງຊາດໄວ້ ໃຫ້ໝັ້ນຄົງ.

 

ດ້ວຍການເຊື່ອມຊຶມກຳໄດ້ ແໜ້ນ 2 ໜ້າທີ່ຍຸດທະສາດຂອງ ພັກ, ທິດຊີ້ນຳຂອງພັກ-ລັດ ແລະ ຄະນະນຳກະຊວງປ້ອງກັນປະ ເທດ ແລະ ຜ່ານພຶດຕິກຳການ ເຄື່ອນໄຫວຕົວຈິງຕະຫຼອດໄລ ຍະຜ່ານມານັ້ນ ເຖິງແມ່ນກອງ ພົນພວກຂ້າພະເຈົ້າຈະໄດ້ຜະ ເຊີນໜ້າກັບຂໍ້ຫຍຸ້ງຍາກ ແລະ ສິ່ງທ້າທາຍທົດສອບຫຼາຍປະ ການ ທັງໃນຕົວ ແລະ ນອກຕົວ ເຊິ່ງເປັນຕົ້ນກໍແມ່ນການປະກອບ ຈຳນວນພົນ, ພາຫະນະເຕັກນິກ ຮັບໃຊ້ການທະຫານ, ງົບປະ ມານມີຈຳກັດ, ກອງພົນມີການ ຍົກຍ້າຍທີ່ຕັ້ງຫຼາຍຫຼົບຫຼາຍຕ່າວ ບັນດາກົມກອງຮາກຖານຂຶ້ນກັບ ຕັ້ງທັບ ແລະ ເຄື່ອນໄຫວຢູ່ກະ ແຈກກະຈາຍ, ຢູ່ເຂດທຸລະກັນ ດານຫ່າງໄກສອກຫຼີກຕາມການ ມອບໝາຍຂອງຂັ້ນເທິງ, ສຶກສາ ອົບຮົມໃຫ້ນາຍ ແລະ ພົນທະຫານ ມີສະຕິລະວັງຕົວກຽມພ້ອມຕອບ ຕ້ານກັບກົນອຸບາຍລ່ຽມລາຍ ຂອງພວກບໍ່ຫວັງດີ, ທີ່ຫວັງມ້າງ ເພທຳລາຍລະບອບໃໝ່ຂອງ ພວກເຮົາ, ເຮັດໃຫ້ປະຊາຊົນບັນ ດາເຜົ່າມີຄວາມອຸ່ນອຽນທຸ່ນ ທ່ຽງໃນການດຳລົງຊີວິດທຳມາ ຫາກິນ ແລະ ພັດທະນາບ້ານ ເມືອງໃຫ້ບັນລຸໄດ້ຕາມເປົ້າ ໝາຍທີ່ພັກເຮົາວາງອອກ ຄະນະພັກ-ຄະນະບັນຊາແຕ່ລະ ຮຸ່ນຂອງກອງພົນພວກເຮົາກໍ ໄດ້ຕັ້ງໜ້າເປັນເຈົ້າການເຮັດ ວຽກງານສຶກສາອົບຮົມການ ເມືອງນຳພາແນວຄິດຖັນແຖວ ສະມາຊິກພັກ, ພະນັກງານ-ນັກ ຮົບຢູ່ແຕ່ລະອົງການຊ່ວຍວຽກ ແລະ ບັນດາກອງຮາກຖານໃຫ້ ມີຄຸນທາດການເມືອງໜັກແໜ້ນ, ເຊື່ອມຊຶມກຳໄດ້ແໜ້ນມະຕິ, ແນວທາງນະໂຍບາຍຂອງພັກ- ລັດ, ທິດນຳຂອງຄະນະນຳກະ ຊວງປ້ອງກັນປະເທດແຕ່ລະໄລ ຍະ, ເຫັນແຈ້ງທາດແທ້ກົນອຸ ບາຍຫັນປ່ຽນໂດຍສັນຕິຂອງ ອິດທິກຳລັງປໍລະປັກຕ່າງໆ, ພ້ອມກັນສ້າງຄວາມຕັດສິນ ໃຈຜ່ານຜ່າທຸກອຸປະສັກຂໍ້ຫຍຸ້ງ ຍາກ, ເດັດດ່ຽວປະຕິບັດຄຳສັ່ງ- ໜ້າທີ່ການເມືອງທີ່ຂັ້ນເທິງມອບ ໝາຍໃຫ້, ຍາກປານໃດກໍບຸກ ທຸກປານໃດກໍພ້ອມຜ່ານຜ່າເຮັດ ດ້ວຍຫຼາຍຮູບການ, ວິທີການ, ມາດຕາການ ໃນນີ້ຕົ້ນຕໍແມ່ນ ຖືເອົາການຫັນລົງກໍ່ສ້າງຮາກ ຖານການເມືອງພັດທະນາຊົນ ນະບົດຮອບດ້ານຕາມ 4 ເນື້ອໃນ 4 ຄາດໝາຍເປັນພື້ນຖານ ເຮັດທັງທາງກວ້າງ ແລະ ທາງ ເລິກຕາມມູນເຊື້ອຂອງກອງທັບ ໂດຍສະເພາະແມ່ນຢູ່ທ້ອງຖິ່ນ ຮາກຖານ, ເຂດໃຈກາງ, ຢູ່ ເຂດພິເສດໄຊສົມບູນໃນເມື່ອ ກ່ອນ, (ແຂວງໄຊສົມບູນໃນປັດ ຈຸບັນ), ເຂດຊາຍແດນລະຫວ່າງ ແຂວງຕໍ່ແຂວງ (ແຂວງວຽງ ຈັນ, ໄຊສົມບູນ, ຊຽງຂວາງ,ຫຼວງພະບາງ ແລະ ແຂວງບໍລິ ຄຳໄຊ) ໃນນີ້, ບັ້ນເຄື່ອນໄຫວທີ່ ມີລັກສະນະຍຸດທະສາດສຳຄັນ ແມ່ນການເຂົ້າຮ່ວມບັ້ນຮົບປົກ ປັກຮັກສາ 3 ໝູ່ບ້ານຂອງເມືອງ ປາກລາຍ ແຂວງໄຊຍະບູລີ ໃນປີ 1984 ແລະ ບັ້ນຮົບປົກປັກຮັກ ສາຕາແສງນາບໍ່ນ້ອຍ ເມືອງບໍ່ ແຕນ ແຂວງໄຊຍະບູລີໃນທ້າຍ ປີ 1987 ຕໍ່ໃສ່ຕົ້ນປີ 1988 ຍາດໄດ້ຜົນໄຊຊະນະອັນໃຫຍ່ຫຼວງ,ສາມາດຕີຜາບແພ້ກົນອຸບາຍ ມ້າງເພທຳລາຍຂອງພວກເຂົາ ໃຫ້ປະລາໄຊຢ່າງເຈັບແສບສ້າງ ໄດ້ມູນເຊື້ອອັນສະຫງ່າລາສີ ຫຼາຍປະການ, ໄດ້ຮັບການຍ້ອງ ຍໍຊົມເຊີຍຕີລາຄາສູງ ແລະ ໄດ້ ຮັບຄວາມໄວ້ເນື້ອເຊື່ອໝັ້ນຈາກ ພັກ-ລັດ ຂັ້ນເທິງອົງການປົກ ຄອງ ແລະ ພໍ່ແມ່ປະຊາຊົນບັນ ດາເຜົ່າຢູ່ແຕ່ລະທ້ອງຖິ່ນເປັນ ຢ່າງດີ.

 

ປັດຈຸບັນເຖິງແມ່ນສະພາບຢູ່ ຫຼາຍທ້ອງຖິ່ນທີ່ນອນຢູ່ໃນຂອບ ເຂດຄວາມຮັບຜິດຊອບຂອງ ກອງພົນທີ 1 ພວກຂ້າພະເຈົ້າ ໄດ້ມີສະຖຽນລະພາບ, ມີຄວາມ ສະຫງົບດີໂດຍພື້ນຖານ ແລະ ມີການພັດທະນາທີ່ຕັ້ງໜ້າຫຼາຍ ດ້ານກ້າວຂຶ້ນຕາມທິດໂຮມ ບ້ານນ້ອຍໃຫ້ກາຍເປັນບ້ານ ໃຫຍ່ ແລະ ກາຍເປັນຕົວເມືອງ ນ້ອຍໃນຊົນນະບົດ, ມີຫຼາຍຮາກ ຖານບ້ານໄດ້ຖືກຳນົດເປັນບ້ານ ທົດລອງ 3 ສ້າງ, ຄອບຄົວ ແລະ ບ້ານປ້ອງກັນຊາດເຂັ້ມແຂງໄດ້ ຮັບການຢັ້ງຢືນເພີ່ມຂຶ້ນໃນແຕ່ ລະປີກໍຕາມ, ແຕ່ພວກອິດທິກຳ ລັງປໍລະປັກຕ່າງໆ ແລະ ພວກ ກຸ່ມຄົນບໍ່ຫວັງດີ ກໍຍັງບໍ່ປະລະ ແລະ ສືບຕໍ່ປະຕິບັດເຈດຈຳນົງ ກົນອຸບາຍຍຸດທະສາດຫັນປ່ຽນ ໂດຍສັນຕິຕໍ່ລະບອບໃໝ່ຂອງ ພວກເຮົາຢ່າງເລິກແລບແນບ ນຽນກວ່າເກົ່າ, ປະຕິບັດຕາມມະ ຕິກອງປະຊຸມໃຫຍ່ ຄັ້ງທີ X ຂອງພັກ, ມະຕິກອງປະຊຸມໃຫຍ່ ຂອງຄະນະພັກກະຊວງປ້ອງກັນ ປະເທດ ວ່າດ້ວຍການສືບຕໍ່ເຮັດ ໃຫ້ສະພາບມີຄວາມສະຫງົບ ຢ່າງໜັກແໜ້ນນັ້ນ, ມີຫຼາຍກອງ ຮາກຖານທີ່ຂຶ້ນກັບກອງພົນ ພວກຂ້າພະເຈົ້າ ຍັງສືບຕໍ່ຫັນລົງ ກໍ່ສ້າງຮາກຖານການເມືອງພັດ ທະນາຊົນນະບົດຮອບດ້ານ ເດັດຂາດບໍ່ໃຫ້ມີສະພາບຄວາມ ບໍ່ສະຫງົບເກີດຂຶ້ນ,​ ພ້ອມນີ້ ຄະ ນະພັກ-ຄະນະບັນຊາກອງພົນ ພວກຂ້າພະເຈົ້າ ກໍໄດ້ຕັ້ງໜ້າເອົາ ໃຈໃສ່ຜັນຂະຫຍາຍແຜນງານ ປັບປຸງກໍ່ສ້າງກຳລັງທີ່ຄະນະພັກ ກະຊວງປ້ອງກັນປະເທດວາງ ອອກ, ຫັນເອົາຄຳສັ່ງແນະນຳ ຂອງກົມໃຫຍ່ເສນາທິການກອງ ທັບກ່ຽວກັບການອົບຮົມ-ຫັດ ແອບ, ປັບປຸງລະບຽບແບບແຜນ ແລະ ເຝິກຝົນກຳລັງແຮງກາຍ ມາເປັນແຜນການ, ແຜນງານອັນ ລະອຽດແທດເໝາະກັບຈຸດພິ ເສດໜ້າທີ່ການເມືອງຂອງບັນ ດາອົງການຊ່ວຍວຽກ, ບັນດາ ກອງຮາກຖານເຫຼົ່າຮົບວິຊາສະ ເພາະຕ່າງໆທີ່ຂຶ້ນກັບເຮັດດ້ວຍ ຫຼາຍເນື້ອໃນຫຼາຍຮູບການຕາມ ເນື້ອໃນທີ່ກົມອົບຮົມ, ກົມໂຮງຮຽນກົມໃຫຍ່ເສນາທິການ ແລະ ກົມວິຊາສະເພາະວາງ ອອກ, ບົນຈິດໃຈບຸກທະລຸໃຫ້ບັນ ລຸຄາດໝາຍ ແລະ ຄຸນະພາບສູງ, ເຮັດໃຫ້ແຕ່ລະຄົນແຕ່ລະເປົ້າ ໝາຍມີຄຸນທາດການເມືອງໜັກ ແໜ້ນ, ມີລະບຽບແບບແຜນ, ມີລະບຽບວິໄນເຂັ້ມງວດ, ມີພະ ລານາໄມສົມບູນເຂັ້ມແຂງ, ມີ ຄວາມທົນທານເຄື່ອນໄຫວເຮັດ ໜ້າທີ່ກຽມພ້ອມສູ້ຮົບ ແລະ ສູ້ ຮົບຕົວຈິງໃນທຸກສະພາບແວດ ລ້ອມໄດ້ດົນນານ: ມີລະດັບສິ ລະປະຍຸດ-ຍຸດທະວິທີເຕັກນິກ ວິຊາສະເພາະຊຳນິຊຳນານແນ່ ນອນ ເຊິ່ງສັງຮວມແລ້ວປັດຈຸ ບັນຖ້າທຽບໃສ່ເມື່ອກ່ອນຖືວ່າ ຈຳນວນພົນປະກອບ ແລະ ແຕ່ ລະຫົວໜ່ວຍວຽກງານຈັດຕັ້ງ ໃນທົ່ວກອງພົນທີ 1 ພວກຂ້າ ພະເຈົ້າ ແມ່ນໄດ້ຮັບການປັບປຸງ ກໍ່ສ້າງໃຫ້ເຕີບໃຫຍ່, ໜັກແໜ້ນ ເຂັ້ມແຂງໃນລະດັບທີ່ແນ່ນອນ, ມີຄວາມກຽມພ້ອມປະຕິບັດຄຳ ສັ່ງຂອງຂັ້ນເທິງໃນທຸຸກສະພາ ວະການ ໃນເມື່ອມີສະພາບເກີດ ຂຶ້ນ, ໃນນີ້ອັນພົ້ນເດັ່ນແມ່ນຜ່ານ ການເປີດບັ້ນແຂ່ງຂັນສ້າງຜົນ ງານໄວ້ຂໍ່ານັບຮັບຕ້ອນວັນສ້າງ ຕັ້ງກອງທັບ ຄົບຮອບ 70 ປີ ທີ່ ຈະມາເຖິງນີ້, ຂະບວນການ ເຄື່ອນໄຫວເຮັດໃຫ້ສະພາບມີ ຄວາມສະຫງົບ, ຂະບວນການ ອົບຮົມ-ຫັດແອບ, ປັບປຸງລະ ບຽບແບບແຜນ, ເຝິກຝົນກຳລັງ ແຮງກາຍ ແລະ ການປະຕິບັດລະ ບອບປະຈຳການ ແຕ່ລະຂັ້ນຢູ່ບັນ ດາອົງການຊ່ວຍວຽກ ແລະ ກອງ ຮາກຖານ ທີ່ຂຶ້ນກັບກອງພົນທີ 1 ຂອງພວກເຮົາຍິ່ງໄດ້ຫັນເຂົ້າສູ່ ລະບົບທີ່ຮັດກຸມເປັນຂະບວນຟົດ ຟື້ນກວ້າງຂວາງ ແລະ ກາຍເປັນ ຄວາມຮັບຜິດຊອບໜ້າທີ່ການ ເມືອງຮ່ວມກັນຂອງຄະນະພັກ- ຄະນະບັນຊາແຕ່ລະຂັ້ນຂອງສະ ມາຊິກພັກ, ພະນັກງານ-ນັກຮົບ ທຸກຄົນ ໂດຍຕິດພັນກັບຂະບວນ ການພັດທະນາດ້ານຕ່າງໆຂອງ ກົມກອງ.

ພາບ-ຂ່າວ: ພັນໂທ ບຸນປອນ ຊອງສະໝຸດ

ນສພ ກອງທັບ

ແຂວງຜົ້ງສາລີ ດິນແດນແຫ່ງທະເລໝອກ ເໜືອສຸດປະເທດລາວ

ແຂວງຜົ້ງສາລີ ດິນແດນທະເລໝອກ ເໜືອສຸດປະເທດລາວ
แขวงพงสาลี ดินแดนทะเลหมอก เหนือสุดของประเทศลาว
Phongsaly Province, Northernmost Laos.

Photo: Philipp C. Dukatz
#VisitLaos2018

ພິທີທຳລາຍເນື້ອສັດທີ່ນຳເຂົ້າບໍ່ຖືກຕ້ອງ ທີ່ເມືອງປາກລາຍ ໄຊຍະບູລີ

ວັນທີ 31.10.2017. ພີທີທຳລາຍ ເນື້ອສັດ ( ປະເພດຫວງຫ້າມ ) ນຳເຂົ້າບໍ່ຖືກຕ້ອງ ມາຈາກປະເທດເພື່ອນບ້ານ
ທ່ານ ຄຳຝັ້ນ ວົງສະຫວັນ ຫົວໜ້າຫ້ອງການກະສິກຳແລະປ່າໄມ້ ພ້ອມດ້ວຍ ພະນັກງານວິຊາການ ເປັນເຈົ້າການ
ແລະ ມີການນຳຂອງເມືອງເຂົ້າຮ່ວມ ເປັນສັກຂີພີຍານ

1.ຫ້ອງການອຸດສາຫະກຳການຄ້າ 2.ຫ້ອງການການເງີນ
3.ຫ້ອງວ່າການປົກຄອງເມືອງ 4.ຫ້ອງການກວດກາລັດ

 

ຂ່າວ: ອສຄ ປາກລາຍ

10 ວິທີເບິ່ງແຍງສະໝອງ

1.ກິນເພື່ອໃຫ້ສະໝອງດີ:

ຫຼາຍຄົນຄົງຈະເຄີຍໄດ້ຍິນຄຳວ່າ: “ກິນແນວໃດກໍເປັນແນວນັ້ນ” ທັງໆທີ່ຮູ້ ແຕ່ຄົນສ່ວນຫຼາຍມັກຈະບໍ່ສົນໃຈອາຫານເຊົ້າ ເພາະຄວາມຟ້າວທີ່ເກີດຂຶ້ນໃນຊີວິດປະຈຳວັນ, ການກິນອາຫານເຊົ້າ ເຮັດຮ່າງກາຍເຜົາຜານພະລັງງານຫຼາຍຂຶ້ນ ອີກທັງຍັງຊ່ວຍໃຫ້ພາວະນໍ້າຕານໃນເລືອດຕໍ່າ ເນື່ອງຈາກເຮົາອົດອາຫານມາໝົດຄືນ, ຫາກໃຜທີ່ກິນອາຫານເຊົ້າເປັນປະຈຳ ກໍຈະເຮັດໃຫ້ຄວາມຈຳດີ, ແນວໃດກໍຕາມຄວນເລືອກກິນອາຫານດີ ແລະບໍ່ຄວນກິນອາຫານທີ່ບໍ່ເປັນປະໂຫຍດ.

2. ຄິດແຕ່ເລື່ອງດີໆ:

ລອງສັງເກດວ່າມື້ໃດທີ່ເຮົາຕື່ນຂຶ້ນຕອນເຊົ້າ ແລ້ວຮູ້ສຶກວ່າອາລົມດີ, ມື້ນັ້ນເຮົາຈະຮູ້ສຶກດີຕະຫຼອດມື້, ແຕ່ຖ້າມື້ໃດເຮົາຮູ້ສຶກເບື່ອໆ ຫຼືພົບເລື່ອງບໍ່ດີແຕ່ເຊົ້າ ກໍຈະເຮັດໃຫ້ເຮົາຮູ້ສຶກບໍ່ດີໝົດມື້, ດັ່ງນັ້ນ ຫາກຢາກໃຫ້ມີແຕ່ເລື່ອງດີໆເກີດຂຶ້ນ ແລະເຮັດໃຫ້ສະໝອງຮູ້ສຶກປອດໂປ່ງຄິດຫຍັງກໍອອກ ກໍຕ້ອງຄິດເຫັນແຕ່ເລື່ອງດີໆ ສຳເລື່ອງໃດບໍ່ດີກໍບໍ່ຕ້ອງຄິດຫາມັນ.

3. ຮຽນຮູ້ສິ່ງໃໝ່ໆ:

ການພັດທະນາສະໝອງໃຫ້ໄດ້ຜົນດີອີກຢ່າງໜຶ່ງກໍຄື ພະຍາຍາມຮຽນຮູ້ສິ່ງໃໝ່ໆ ຢູ່ຕະຫຼອດເວລາ ຈະໄດ້ພັດທະນາສະໝອງເຊັ່ນ: ເຕັກໂນໂລຢີໃໝ່ໆ ຫຼືເມນູອາຫານໃໝ່ໆທີ່ແຊບ ທີ່ເຈົ້າບໍ່ເຄີຍເຮັດ ກໍຖືວ່າການເຮັດໃຫ້ສະໝອງໄດ້ພັດທະນາເຊັ່ນດຽວກັນ.

4. ຂຽນໜັງສືດ້ວຍມືເບື້ອງທີ່ບໍ່ຖະນັດ:

ການຂຽນຖືເປັນການພັດທະນາສະໝອງໄດ້ຄືກັນ ເພາະສະໝອງເບື້ອງຊ້າຍ ຂອງເຮົານັ້ນເປັນສ່ວນບັງຄັບການຂຽນ ຫາກໃຜທີ່ເຄີຍຂຽນເບື້ອງໃດ ກໍໃຫ້ລອງໃຊ້ມືເບື້ອງທີ່ຕົນບໍ່ຖະນັດລອງຂຽນໜັງສື ຫຼືແຕ້ມຮູບ ເພື່ອໃຫ້ສະໝອງໄດ້ຮຽນຮູ້ສິ່ງໃໝ່ໆ ແລະຍັງມີສ່ວນຊ່ວຍໃຫ້ມີຄວາມຄິດສ້າງສັນ.

5.ພັກຜ່ອນໃນທີ່ອາກາດບໍລິສຸດ:

ການຜັກບ່ອນຫຼັງທີ່ເຮັດວຽກໜັກ ຖືເປັນເລື່ອງສຳຄັນຫຼາຍ ເພາະສະໝອງຈະໄດ້ພັກຜ່ອນ ຈາກເລື່ອງສຳຄັນຫຼາຍໆ ແລະເລື່ອງຄວາມເຄັ່ງຄຽດຕ່າງໆ ທີ່ຕ້ອງພົບເປັນປະຈຳ ໃນໜຶ່ງປີອາດຈະມີ 2-3 ວັນທີ່ເດີນທາງໄປຕ່າງແຂວງເພື່ອພັກຜ່ອນແບບສະບາຍໆ ງຽບສະຫງົບ ໃຫ້ສະໝອງໄດ້ພັກຜ່ອນ.

6. ຍິ້ມໄວ້ໂລກຈະແຕກກໍຕ້ອງຍິ້ມ:

ເວລາທີ່ເຮົາເຮັດຫຍັງກໍຕາມ ຫາກເຮົາຍິ້ມຄົນອ້ອມຂ້າງກໍຈະໄດ້ຮັບຄວາມຮູ້ສຶກດີໆຂອງເຮົາ ແຕ່ຄວນຈະຍິ້ມຈາກພາຍໃນ ບໍ່ຕ້ອງຝືນເພາະຮອຍຕາຂອງຮອຍຍິ້ມນັ້ນຫຼອກກັນບໍ່ໄດ້, ຫາກເຮົາຮູ້ຈັກທີ່ຈະຍິ້ມກໍຈະເຮັດໃຫ້ສະໝອງມີແຕ່ເລື່ອງດີໆ ມີຄວາມສຸກ.

7. ຫາຍໃຈເຂົ້າຊ່ວຍໃຫ້ສະໝອງໃສ:

ການຫາຍໃຈຢ່າງຖືກວິທີ ມີສ່ວນຊ່ວຍພັດທະນາສະໝອງ ເພາະສະໝອງຂອງເຮົານັ້ນ ໃຊ້ອົກຊີຫຼາຍກວ່າ 20-25% ຂອງທັງໝົດທີ່ເຂົ້າສູ່ຮ່າງກາຍ. ດັ່ງນັ້ນ ຖ້າເຮົາຮູ້ຈັກຫາຍໃຈເຂົ້າອອກ ຊ້າໆ ເລິກໆ ພຽງມື້ລະ 15 ນາທີກໍຈະເຮັດໃຫ້ສະໝອງໄດ້ຮັບພະລັງງານ.

8. ເຂົ້ານອນຫົວຄໍ່າ:

ພາຍໃນຮ່າງກາຍຂອງຄົນເຮົາ ມີໂມງຊີວະພາບຢູ່, ດັ່ງນັ້ນ ຫາກເຮົາເຂົ້ານອນໃນເວລາຮ່່າງກາຍປ່ອຍສານເມລາໂທນິນ ກໍຈະເຮັດໃຫ້ຮ່າງກາຍ ແລະສະໝອງໄດ້ຮັບການພັກຜ່ອນເຕັມທີ່.

9. ນັ່ງສະມາທິ:

ຈະສົ່ງຜົນໃຫ້ສະໝອງຜ່ອນຄາຍສຸດໆ ແລະເກີດພາບຈິນຕະນາການທີ່ສະໝອງສ້າງຂຶ້ນ, ສົ່ງຜົນເຮັດໃຫ້ສະໝອງເກີດຄວາມຄິດສ້າງສັນ ແລະຈິນຕະນາການທີ່ດີອອກມາ.

10. ກິນວິຕາມິນ ແລະໄຂມັນ:

ກິນໄຂມັນດີ ຫຼືເຮົາເອີ້ນ ໂອເມກ້າ 3 ເພື່ອເຂົ້າໄປທົດແທນສ່ວນຂອງສະໝອງ, ນອນຈາກນັ້ນຍັງມີວິຕາມິນບຳລຸງສະໝອງເຊັ່ນ: ວິຕາມິນບີ1, ບີ6, ບີ12 ທີ່ຊ່ວຍໃຫ້ເຊວຊຸ່ມນໍ້າ ແລະວິຕາມິນຊີຫຼາຍຂຶ້ນ.

ທີ່ມາ: meawza

ມອບຜູ້ຖືກຫາຄະດີຢາເສບຕິດ ໃຫ້ເຈົ້າໜ້າທີ່ຕໍາຫຼວດໄທ

ເຈົ້າໜ້າທີ່ກອງບັນຊາການ ປກສ ແຂວງບໍ່ແກ້ວ ສປປ ລາວ ໄດ້ມອບຕົວ ທ້າວ ໂກວິດ ແຊຊົງ ອາຍຸ 28 ປີ ເຊື້ອຊາດໄທ ສັນຊາດໄທ ຢູ່ບ້ານສາມ ເມືອງເທີງ ແຂວງຊຽງຮາຍ ປະເທດໄທ ຜູ້ຖືກຫາຄະດີຄ້າຂາຍຢາເສບຕິດ ໃຫ້ເຈົ້າໜ້າທີ່ຕໍາຫຼວດໄທ ພາຍຫຼັງເຈົ້າໜ້າທີ່ຕໍາຫຼວດລາວຊ່ວຍຈັບ ໃນຂະນະທີ່ເອົາຕົວລີ້ຊ້ອນຢູ່ແຂວງບໍ່ແກ້ວ ເພື່ອໄປດໍາເນີນຄະດີຕາມກົດໝາຍ.

 

ພັຕ ສົມປອງ ແກ້ວປັນຍາ ຫົວໜ້າພະແນກຕໍາຫຼວດກວດຄົນເຂົ້າ-ອອກເມືອງ ຫົວໜ້າດ່ານ ຕມ ຂົວມິດຕະພາບ 4 ປກສ ແຂວງບໍ່ແກ້ວ ໃຫ້ຮູ້ວ່າ: ຜູ້ຖືກຫາລາຍນີ້ ແມ່ນພົວພັນກັບຄະດີ ມີຢາເສບຕິດໄວ້ໃນຄອບຄອງຢູ່ປະເທດໄທ ແລ້ວໄດ້ເອົາຕົວຫຼົບໜີມາຢູ່ແຂວງບໍ່ແກ້ວ ໃນວັນທີ 1 ກັນຍາ 2017, ມາຮອດວັນທີ 6 ກັນຍາ 2017 ຈຶ່ງໄດ້ຖືກເຈົ້າໜ້າທີ່ ປກສ ແຂວງບໍ່ແກ້ວ ກັກຕົວໃນຂໍ້ຫາລັກລອບເຂົ້າ-ອອກເມືອງຜິດກົດໝາຍ ແລ້ວປະສານຫາເຈົ້າໜ້າທີ່ຕຳຫຼວດໄທ ເພື່ອສົ່ງຕົວໄປດໍາເນີນຄະດີຕາມກົດໝາຍ.

 

ພິທີມອບຕົວຜູ້ຖືກຫາດັ່ງກ່າວ ໄດ້ຈັດຂຶ້ນໃນທ້າຍອາທິດຜ່ານມາ ຢູ່ ຕມ ສາກົນ ຂົວມິດຕະພາບ 4 ເມືອງຫ້ວຍຊາຍ ແຂວງບໍ່ແກ້ວ ໂດຍການຕາງໜ້າມອບຂອງ ພັຕ ສົມປອງ ແກ້ວປັນຍາ ຫົວໜ້າພະແນກຕໍາຫຼວດກວດຄົນເຂົ້າ-ອອກເມືອງ ຂົວມິດຕະພາບ 4, ຝ່າຍໄທ ກ່າວຮັບໂດຍ ພັທ ຍິງ ຫະໄທລັດ ຈຸນລະສາດ ຫົວໜ້າດ່ານ ຕມ ຂົວມິດຕະພາບ 4 ຊຽງຂອງ ແຂວງຊຽງຮາຍ ປະເທດໄທ.

© LSecurityNews

ທ່ານ​ສີ​ຈິ້ນ​ຜິງ​ຕ້ອນ​ຮັບ​ການ​ເຂົ້າ​ຢ້ຽມຄຳ​ນັບ​ຂອງ​ທູດ​ພິ​ເສດ​ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ

ຕາມຂ່າວສານ cri ວັນ​ທີ 30 ຕຸ​ລາ​ 2017 ນີ້ຢູ່​ຫໍ​ສະ​ພາ​ປະ​ຊາ​ຊົນ​ແຫ່ງ​ຊາດ​ນະ​ຄອນຫຼວງ​ປັກ​ກິ່ງ, ທ່ານ​ສີ​ຈິ້ນ​ຜິງ ເລ​ຂາ​ທິ​ການ​ໃຫຍ່​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ​ຈີນ​ໄດ້​ຕ້ອນ​ຮັບ​ການ​ເຂົ້າ​ຢ້ຽມ​ຄຳ​ນັ​ບ​ຂອງ​ທ່ານ​ນາງ​ສູນ​ທອນ ໄຊ​ຍະ​ຈັກ ຫົວ​ໜ້າ​ຄະ​ນະ​ພົວ​ພັນ​ຕ່າງ​ປະ​ເທດ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ,ທູດ​ພິ​ເສດ​ຂອງ​ທ່ານ​ບຸນ​ຍັງ​ວໍ​ລະ​ຈິດ ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ປະ​ຊາ​ຊົນ​ປ​ະ​ຕິ​ວັດ​ລາວ.

ໃນ​ໂອ​ກາດ​ດັ່ງ​ກ່າວ,ທ່ານ​ສີ​ຈິ້ນ​ຜິງ​ກ່າວ​ວ່າ:ໄລ​ຍະ​ຜ່ານມາ​, ປະ​ເທດ​ສັງ​ຄົມ​ນິ​ຍົມ​ເຊິ່ງ​ລວມ​ທັງ​ຈີນ​ແລະ​ລາວ​ຕ່າງ​ກໍ​ໄດ້​​ພະ​ຍາຍາມ​ຢ່າງ​ບໍ່​ລົດ​ລະ​ເພື່ອຄົ້ນ​ຄວ້າ​ເສັ້ນ​ທາງ​ພັດ​ທະ​ນາ​​ເພື່ອ​ໃຫ້ສອດ​ຄ່ອງ​ກັບ​ສະ​ພາບ​ຕົວ​ຈິງ​ຂອງ​ປະ​ເທດ​ຕົນ​ແລະເປັນ​ເອ​ກະ​ລາດ,ເປັນ​ເຈົ້າ​ຕົນ​ເອງມາ​ໂດຕະຫຼອດ ທັງ​ໄດ້​ຮັບ​ຜົນ​ສຳ​ເລັດ​ຢ່າງ​ພົ້ນ​ເດັ່ນ.ສອງ​ພັກ​ຈີນ-ລາວ​ຄວນ​ກຳ​ແໜ້ນ​ແລະ​ຕີ​ລາ​ຄາ​ຄວາມ​ໝາຍ​ຍຸດ​ທະ​ສາດ​ພິ​ເສດ​ຂອງ​ສາຍ​ພົວ​ພັນ​ຈີນ-ລາວ​​ໃຫ້ສູງ​ແລະ​ເລິກ​ເຊິ່ງກວ່າ​ເກົ່າ ເພື່ອ​ພະ​ຍາ​ຍາມ​ສູ້​ຊົນ​ແລະ​ປະ​ກອບ​ສ່ວນ​ໃໝ່​ເຂົ້າ​ໃນ​ການ​ສ້າງ​ສາ​ປະ​ເທດ​​​ຕົນແລະ​ພັດ​ທະ​ນາ​ສັງ​ຄົມ​ນິ​ຍົມ​ຂອງ​ໂລກ​ໃຫ້​ຖືກ​ຕ້ອງ​ຕາມ​ຄວາມ​ຮຽກ​ຮ້ອງ​ຕ້ອງ​ການ​ຂອງ​ຍຸກ​ສະ​ໄໝ.
ຄະ​ນະ​ນຳ​ຊຸດ​ໃໝ່​ຂອງ​ສູນ​ກາງ​ພັກ​ກອມ​ມູ​ນິດ​ຈີນ​ຈະ​ສືບ​ຕໍ່​ຮ່ວມ​ກັບ​ຄະ​ນະ​ນຳ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ທີ່​ນຳ​ໂດຍ​ທ່ານ​ເລ​ຂາ​ທິ​ການ​ໃຫຍ່​ບຸນ​ຍັງ​ວໍ​ລະ​ຈິດ​ໃນ​ການ​ເພີ່ມ​ທະ​ວີ​ການ​ນຳ​ພາ​ທາງ​ການ​ເມືອງ​​ຕໍ່​ການ​ພົວ​ພັນ​ລະ​ຫວ່າງ​ສອງ​ຝ່າຍ,ຊຸກ​ຍູ້​ສາຍ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ຈີນ-ລາວ​ໃຫ້​ຂະ​ຫຍາຍ​ຕົວ​ກ້າວ​ໄປ​ໜ້າ​ຢ່າງ​ບໍ່​ຢຸດ​ຢັ້ງ.

 

ທ່ານ​​ນາງ​ສູນ​ທອນ​ໄດ້​ຕາງ​ໜ້າ​ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ແລະ​ທ່ານ​ບຸນ​ຍັງ​ວໍ​ລະ​ຈິດ​ຢືນ​ຢັນ​ວ່າກອງ​ປະ​ຊຸມ​ໃຫຍ່​ຄັ້ງ​ທີ 19 ຂອງ​ພັກ​ກອມ​ມູ​ນິດ​ຈີນ​ໄດ້​ມີ​ຂໍ້​ສະຫຼຸບການ​ເມືອງ​ທີ່​ສຳ​ຄັນ​ກ່ຽວ​ກັບ​ສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ​ໄດ້​ກ້າວ​ເຂົ້າ​ສູ່ຍຸກ​ໃໝ່ແລະ​ໄດ້​ກຳ​ນົດ​ແນວ​ຄິດ​ສີ​ຈິ​ນ​ຜິງ​​ກ່ຽວ​ກັບສັງ​ຄົມ​ນິ​ຍົມ​ທີ່​ມີ​ສີ​ສັນ​ພິ​ເສດ​ຂອງ​ຈີນ​ໃນ​ຍຸກ​ໃໝ່​ໃຫ້​ເປັນ​ແນວ​ຄິດ​ຊີ້​ນຳ​ຂອງ​ພັກ,ເຊິ່ງລາວ​ຕີ​ລາ​ຄາ​ສູງ​ຕໍ່​ເລື່ອງ​ນີ້ທັງ​ໄດ້​ຮັບ​ກຳ​ລັງ​ໃຈ​ຢ່າງ​ເລິກ​ເຊິ່ງ​ແລະ​ຫວັງ​ຈະ​ຮໍ່າຮຽນ​ແລະ​ຖອດ​ຖອນ​ບົດ​ຮຽນນຳ​ຈີນ.ສູນ​ກາງ​ພັກ​ປະ​ຊາ​ຊົນ​ປະ​ຕິ​ວັດ​ລາວ​ຫວັງ​ຈະ​ຮ່ວມ​ມື​ຢ່າງ​ໃກ້​ຊິດ​ກັບ​ຄະ​ນະ​ນຳ​ສູນ​ກາ​ງ​ພັກ​ກອມ​ມູ​ນິດ​ຈີນ​ຊຸດ​ໃໝ່​ທີ່​ມີ​ທ່ານ​ເລ​ຂາ​ທິ​ການ​ໃຫຍ່​ສີ​ຈິ້ນ​ຜິງ​ເປັນ​ແກນ​ນຳ ເພື່ອ​ຮ່ວມ​ກັນ​ຊຸກ​ຍູ້​ສາຍ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ​ລາວ-ຈີນ​ໃນ​ຍຸກ​ໃໝ່​ໃຫ້​ຂະ​ຫຍາຍ​ຕົວ​ກ້າວ​ຂຶ້ນ​ສູ່​ລະ​ດັບ​ໃໝ່.

ເຫດທະຫານຕົກລົດໂດຍສານຫົວຟາດພື້ນທີ່ເຂດເມືອງພີນ ເສຍຊີວິດຄາທີ່

ວັນທີ 31/10/2017 ເວລາ 12:10 ນາທີ… ສາເຫດຈາກການບອກເລົ່າຜູ້ເຫັນເຫດການແມ່ນມາ
ຈາກ ລົດແລ່ນໄວ ແລະ ບວກກັບລາວອາດຂາດສະຕິຈາກ
ການໂດດລົງລົດໂດຍສານ ຂະນະຍັງແລ່ນແລະ ຍັງບໍ່ທັນຈອດຄັກ ຈຶ່ງເຮັດໃຫ້ລົ້ມລົງ ຫົວຟາດພື້ນຢ່າງແຮງ ເສຍຊີວິດຄາທີ່ ເພາະຜູ້ໂດຍສານ ແລະ ທະຫານ ນາຍນີ້ຖືກມອບຫມາຍໃຫ້ມາເກັບກູ້ເອົາເຄື່ອງທີ່ງານບຸນຊ່ວງເຮືອທີ່ເຊທ່າມວກ ທີ່ຫາກໍ່ສຳເລັດໄປ

+ ສຳລັບນາຍແລະພົນທະຫານນາຍນີ້ ແມ່ນ ທະຫານ ທະຫານ ອາກາດ ແຂວງ ສະຫວັນນະເຂດ ກອງ 618 .

ພາບຂໍ້ມູນ: ແປັກກີ້ສິດສຸຫວັດ

ເຫດລົດຕູ້ປີ້ນ ເຈັບ5ຄົນ


ໃນວັນທີ31/10/2017ເວລາປະມານ12ໂມງໄດ້ຮັບແຈ້ງເຫດເຂົ້າໝາຍເລກສຸກເສີນ1624ວ່າມີລົດໃຫ່ຍປິ້ນຢູ່ເຂດບ້ານ ໄຮ ເມືອງປາກງື່ມ ນະຄອນຫຼວງວຽງຈັນ
ດັ່ງນັ້ນໜ່ວຍກູ້ໄພນະຄອນຫຼວງຈຶ່ງອອກກວດສອບພົບຜູ້ບາດເຈັບ5ຄົນ


-ຜູ້ທີ1-2ມີອາການກະທົບແຂນແລະບາດແຜຖະຫຼອກຕາມຮ່າງກາຍ
-ຜູ້ທີ3-4-5ມີອາການບາດແຜຖະຫຼອກຕາມຮ່າງກາຍ
ດັ່ງນັ້ນຈຶ່ງໄດ້ປະຖົມພະຍາບານເບື້ອງຕົ້ນແລ້ວນຳສົ່ງໂຮງໝໍ

ລາຍງານໂດຍ: 1624

ເຈົ້າໜ້າທີ່ເມືອງນານທໍາລາຍຢາຂ້າຫຍ້າ 274 ລີດ

ໃນຕອນເຊົ້າຂອງວັນທີ່ 27 ຕຸລາ 2017 ນີ້ ຫ້ອງການກະສິກຳ ແລະ ປ່າໄມ້ເມືອງນານ ສົມທົບກັພາກສວນທີ່ກ່ຽວຂ້ອງ ຈັດພິທີທຳລາຍຢາຂ້າຫຍ້າ ທີ່ນຳເຂົ້າບໍ່ຖືກຕ້ອງຢູ່ທີ່ຫຼັງຫ້ອງການກະສິກຳ ແລະ ປ່າໄມ້ເມືອງ ໂດຍການເຂົ້າຮ່ວມ ຂອງທ່ານ ໄມ່ສີງພອນ ແສງເພັດ ກຳມະການປະຈຳພັກເມືອງ ຫົວໜ້າກອງບັນຊາການ ປ້ອງກັນຄວາມສະຫງົບເມືອງ, ທ່ານ ບຸນທັນ ສີສົມບັດ ກຳມະການພັກເມືອງ,ຫົວໜ້າຫ້ອງການກະສິກຳ ແລະ ປ່າໄມ້ເມືອງນານ, ມີຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ ພ້ອມດ້ວຍພະນັກງານ ແລະ ວິຊາການເຂົ້າຮ່ວມ.

ພິທີທ່ານ ບຸນທັນ ສີສົມບັດ ຫົວໜ້າຫ້ອງການກະສິກຳ ແລະ ປ່າໄມ້ຜ່ານຂໍ້ຕົກລົງຂອງທ່ານເຈົ້າເມືຶອງ ວ່າດ້ວຍການອານຸມັດໃຫ້ຫ້ອງການ ກະສິກຳ ແລະ ປ່າໄມ້ເມືອງ ຈັດພິທີທຳລາຍຢາຂ້າຫຍ້າ,ຈາກນັ້ນທ່ານ ສົມສັກ ດວງເດືອນ ຫົວໜ້າໜ່ວຍງານບໍລິຫານຫ້ອງການກະສິກໍາ ແລະ ປ່າໄມ້ເມືອງ ກໍ່ໄດ້ລາຍງານໃຫ້ຮູ້ວ່າ: ຫ້ອງການກະສິກຳ ແລະ ປ່າໄມ້ເມືອງນານ ໄດ້ສົມທົບກັບພາກສ່ວນຫ້ອງການທີ່ກ່ຽວຂ້ອງ ລົງເກັບກຳ ແລະ ກວດກາຢູ່ບັນດາບໍລິສັດ ສວນກ້ວຍຂອງຈີນ ແລະ ຫ້າງຮ້ານຕ່າງໆ ພາຍໃນເມືອງນານ ແລະ ວັນທີ່ 23/12/2016 ໄດ້ຢາຂ້າຫຍ້າຈາກຊາວຫວຽດນາມ ຢູ່ບ້ານປ່າໄຜ່ຈຳນວນ 60 ລິດ, ວັນທີ່ 3/05/2017 ໄດ້ຢາຂ້າຫຍ້າສູດຂອງຫວຽດ ມາຈາກ ບໍລິສັດ ຢາວເຈີນຖັງ ຈຳນວນ 18 ລິດ, ວັນທີ່ 4/05/2017 ໄດ້ຢາຂ້າຫຍ້າສູດຂອງໄທ ມາຈາກບໍລິສັດ ຫຼົງຊ່ຽນ ຈຳນວນ 36 ລິດ, ວັນທີ່ 15/06/2017 ໄດ້ຢ່າຂ້າຫຍ້າຈາກຊາວຫວຽດນາມ ຢູ່ບ້ານໂພນຫີນ ຈຳນວນ 40 ລີດ, ວັນທີ່ 16/06/2017 ໄດ້ຢາຂ້າຫຍ້າມາຊາວຫວຽດນາມທີ່ຝາກຢູ່ເຮືອນຂອງທ້າວ ຢືນ ບ້ານຫ້ວຍສາລາ ຈຳນວນ 120 ລີດ, ລວມທັງໝົດ 274 ລີດ ແລະ ທາງເຈົ້າໜ້າທີ່ຕິດຕາມ ກວດກາຄຸ້ມຄອງສີ່ງແວດລ້ອມຢູ່ພາຍໃນເມືອງນານໄດ້ເອີ້ນເອົາຜູ້ກ່ຽວມາສືກສາໂອຮົມ, ຕັກເຕືອນ ເພື່ອປົກປ້ອງຜູ້ຊົມໃຊ້ໃນການຮັກສາຊີວິດ, ສຸຂະພາບ ຜົນປະໂຫຍດອັນຊອບທຳຂອງຜູ້ຊົມໃຊ້ຢາ, ຢາຂ້າຫຍ້າເຊີ່ງມີຫຼາຍປະເພດ, ຫຼາຍສະນິດທີ່ນຳເຂົ້າມາບໍ່ຖືກຕ້ອງຢູ່ພາຍໃນເມືອງນານ ໂດຍສະເພາະ ປະເພດທີ່ເປັນສານເຄມີ ບໍ່ວ່າຈະເປັນປະເພດດູດຊືມ ຫຼື ເຜົາໄໝ້ຖ້າຫາກຖືກນຳໃຊ້ແລ້ວກໍ່ລ້ວນແຕ່ມີຜົນກະທົບຕໍ່ລະບົບນິເວດ,ສິງແວດລ້ອມອ້ອມຂ້າງໂດຍສະເພາະເປັນອັນຕະລາຍຕໍ່ສຸຂະພາບຂອງຄົນທີ່ຢູ່ໃກ້ຄຽງ, ຜູ້ນຳໃຊ້ໂດຍກົງ ແລະ ເຖີງຂັ້ນເສຍຊີວິດຖ້າຫາກບໍ່ມີວິທີປ້ອງກັນຫຼືປະຫມາດຕໍ່ກັບບັນຫາດັ່ງກ່າວ, ພວກເຮົາໃນນາມເຈົ້າໜ້າທີ່ກ່ຽວຂ້ອງຈື່ງປະຕິບັດຕາມທິດຊີ້ນຳຂອງຂັ້ນເທີງວາງອອກ ແລະ ມອບໝາຍໃຫ້ຫ້ອງການກະສິກຳ ແລະ ປ່າໄມ້ເມືອງ ລົງສົມທົບກັບຫ້ອງການທີ່ກ່ຽວຂ້ອງ ລົງເຄື່ອນໄຫວ, ກວດກາ ແລະ ສະກັດກັ້ນ ຈື່ງພົບເຫັນຢາປະເພດ ສານເຄມີຈຳນວນໜື່ງ, ເພື່ອຢືດເອົາໄປທຳລາຍຖິ້ມ.

ຈາກນັ້ນ ພາກສ່ວນຕ່າງໆ ນໍາໂດຍ ທ່ານ ໄມ່ສີງພອນ ແສງເພັດ ກຳມະການປະຈຳພັກເມືອງ ຫົວໜ້າກອງບັນຊາການ ປ້ອງກັນຄວາມສະຫງົບເມືອງນານ ກໍ່ໄດ້ພາກັນລົງມືທຳລາຍໂດຍການເທນ້ຳຢາລົງຂຸມຂຸມມີຂະໜາດ 1×2 ແມັດ ແລະ ເລິກ 1,5 ແມັດ,ແລ້ວເອົາດີນຖົມ, ສ່ວນກະຕຸກກະບ່ອງໃສ່ຢາແມ່ນ ໄດ້ເຜົາທຳລາຍ.

ຂ່າວສານເມືອງນານ