ງົບປະມານຂອງສຶກສາ ແລະ ສາທາ ຖືກແບ່ງໄປໃສ່ຂະແໜງອຶ່ນ (ທ່ານຄິດວ່າຄວນແກ້ແນວໃດ?)

ຂະແໜງການສຶກສາ, ສາທາລະນະສຸກ ຍັງມີຄວາມກ່ຽວເນື່ອງກັບການລຶບລ້າງຄວາມທຸກຍາກຂອງປະຊາຊົນທີ່ຢູ່ເຂດຫ່າງໄກສອກຫຼິີກ ເຊິ່ງນັບຈາກປີ 2017 ລັດຖະບານຈະຕ້ອງໄດ້ພິຈາລະນາພໍສົມຄວນໃນເລື່ອງການທຸ້ມງົບປະມານໃສ່ໃນຂະແໜງດັ່ງກ່າວທີ່ມີຄວາມສຳຄັນບໍ່ແພ້ຂະແໜງອື່ນ.

ທ່ານ ອາລຸນໄຊ ສູນນາລາດ ສສຊ ເຂດ 8 ແຂວງຫົວພັນ ສະເໜີຕໍ່ກອງປະຊຸມສະພາແຫ່ງຊາດໃນວັນທີ 19 ຕຸລາຜ່ານມາວ່າ: ງົບປະມານການລົງທຶນໃສ່ຂະແໜງສຶກສາ ແລະ ສາທາລະນະສຸກຍັງບໍ່ເປັນໄປຕາມທີ່ສະພາແຫ່ງຊາດອະນຸມັດຢ່າງແທ້ຈິງ ເນື່ອງຈາກງົບປະມານທີ່ອະນຸມັດໃນແຕ່ລະປີຍັງຖືກບິແບ່ງໄປລົງທຶນໃສ່ໃນຂະແໜງອື່ນ ຈິ່ງເຮັດໃຫ້ຍັງມີຫຼາຍບ້ານເຂດຊົນນະບົດຂອງແຂວງຫົວພັນຍັງບໍ່ມີສາທາລະນະສຸກ, ໂຮງຮຽນປະຖົມບາງແຫ່ງຍັງມີຄູບໍ່ພຽງພໍຈິ່ງສະເໜີລັດຖະບານມີການກວດສອບຢ່າງຈິງຈັງ.

ແຂວງຫົວພັນ ຍັງຖືວ່າພົບກັບບັນຫາດ້ານການລົງທຶນໃສ່ພື້ນຖານໂຄງລ່າງຫຼາຍສົມຄວນປີ 2017 ເຫັນວ່າຕົວເລກການລົງທຶນທັງພາກລັດ ແລະ ເອກະຊົນຫຼຸດລົງຈາກປີກ່ອນເກືອບທົບເຄີ່ງ ສສຊ ຫຼາຍທ່ານຮຽກຮ້ອງໃຫ້ລັດຖະບານປັບຂອດບໍລິການການລົງທຶນໃຫ້ມີຄວາມວ່ອງໄວຂຶ້ນທັງການລົງທຶນສາທາລະນຸປະໂພກ, ຂະແໜງບໍລິການ ແລະ ອຸດສາຫະກຳຕ່າງໆ ແຂວງທີ່ມີການລົງທຶນໜ້ອຍຄວນມີນະໂຍບາຍສົ່ງເສີມເພື່ອດຶງດູູດການລົງທຶນ.

ທ່ານ ບຸນສົມ ຄຸນມະນີ ສສຊ ເຂດ 6 ແຂວງຫຼວງພະບາງ ກ່າວວ່າ: ການວ່າງງານຂອງໄວໜຸ່ມທີ່ຢູ່ເຂດຊົນນະບົດຍັງມີຈຳນວນຫຼາຍ ເນື່ອງຈາກລະດັບການສຶກສາບໍ່ຕໍ່ເນື່ອງ ແຮງງານທີ່ວ່າງງານສ່ວນໃຫຍ່ແມ່ນແຮງງານດິບຂ້າມໄປຊອກວຽກເຮັດງານທຳກັບປະເທດທີ່ມີຊາຍແດນຕິດຈອດຫາກເປັນ ໄປໄດ້ລັດຖະບານຄວນມີໂຮງຮຽນວິຊາຊີບທີ່ລົງເລິກນາຍຊ່າງຮຽນລ້າ ບໍ່ມີການເສຍຄ່າຈະເປັນອີກຊ່ອງທ່າງໜຶ່ງໃນການສ້າງວຽກເຮັດງານທຳໃຫ້ກັບປະຊາຊົນເຂດຊົນນະບົດຫັນເຂົ້າມາເປັນແຮງງານໃນລະບົບ ໂດຍບໍ່ຈຳເປັນຕ້ອງໄປເພີ່ງພາປະເທດໃກ້ຄຽງອີກຕໍ່ໄປ.

ຂ່າວ: ຫນັງສືພິມເສດຖະກິດ-ການຄ້າ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *