ຄົງເຊໂດນແຂວງສາລະວັນ ຍືດ-ທຳລາຍສິນຄ້າໝົດອາຍຸ 61 ລາຍການ ມູນຄ່າ 10 ລ້ານກ່ວາກີບ

ຫ້ອງການອຸດສາຫະກຳ ແລະ ການຄ້າເມືອງຄົງເຊໂດນ ແຂວງສາລະວັນ ໄດ້ທຳລາຍສິນຄ້າໝົດອາຍຸ ແລະເຊື່ອມຄຸນນະພາບ ເຊີ່ງໄດ້ຈັດຂຶ້ນໃນທ້າຍອາທິດຜ່ານມານີ້. ໂດຍການເຂົ້າຮ່ວມ ທ່ານ ຄຳເຜືອ ຄູນນິດໃສ ຮອງເຈົ້າເມືອງໆຄົງເຊໂດນ, ທ່ານ ສຸລິໃສ ແກ້ວທິດາ ຮອງຫົວໜ້າຂະແໜງການຄ້າ ພະແນກການຄ້າແຂວງສາລະວັນ, ມີບັນດາຄະນະກຳມະການກວດກາຄຸນນະພາບສິນຄ້າພາຍໃນເມືອງເຂົ້າຮ່ວມ.


ທ່ານ ພຸດທະລາ ບົວລານີ ຮັກສາການຫົວໜ້າຫ້ອງການອຸດສາຫະກຳ ແລະການຄ້າເມືອງ ໄດ້ລາຍງານກ່ຽວກັບສະພາບການເຄື່ອນໄຫວວຽກງານ ແລະ ເພື່ອເປັນການຈັດຕັ້ງປະຕິບັດວຽກງານປົກປ້ອງຜູ້ຊົມໃຊ້. ພາກສ່ວນທີ່ກ່ຽວຂ້ອງ ໄດ້ສົມທົບກັບຄະນະກຳມະການທີ່ກ່ຽວຂ້ອງຂັ້ນເມືອງ ໄດ້ພ້ອມກັນລົງກວດກາຄຸນນະພາບສິນຄ້າ ແລະສິນຄ້າຜິດກົດລະບຽບຢູ່ຮ້ານຄ້ານ້ອຍ-ໃຫຍ່ພາຍໃນເມືອງ ໃນຈຳນວນ 64 ຮ້ານ ແລະ ຢູ່ໃນຕະຫຼາດຂອງເມືອງ. ຜ່ານການເຄື່ອນໄຫວກວດກາສິນຄ້າໝົດອາຍຸ ຫຼື ສິນຄ້າໝົດອາຍຸໃນຄັ້ງນີ້ ມີຈຳນວນ 25 ຮ້ານ ໃນນີ້ສາມາດກວດພົບເຫັນ ແລະຢຶດສິນຄ້າປະເພດເຄື່ອງອຸປະໂພກ-ບໍລິໂພກ ທີ່ໝົດອາຍຸການນຳໃຊ້ເປັນຕົ້ນ: ເຄື່ອງດື່ມ, ເຂົ້າໜົມ, ເຄື່ອງໃນສັດ, ໂຄງກະດູກສັດແຊ່ແຂງທີ່ມີການປະສົມທາດເຄມີ, ອຸປະກອນອາວຸດລ້າເນື້ອ ແລະອື່ນໆອີກຫຼາຍລາຍການ, ລວມທັງໝົດ 61 ລາຍການ ລວມເປັນມູນຄ່າ 11 ລ້ານກວ່າກີບ. ສຳລັບການທຳລາຍສິນຄ້າຄັ້ງນີ້ ແມ່ນໄດ້ທຳລາຍດ້ວຍການຈູດ ຫຼືວ່າເຜົາຖີ້ມທີ່ສະໜາມຂີ້ເຫຍື່ອເມືອງຄົງເຊໂດນ, ທັງນີ້ກໍ່ເພື່ອເປັນການປູກຈິດສຳນຶກໃຫ້ຜູ້ບໍລິໂພກ ແລະຜູ້ປະກອບການທຸລະກິດບໍ່ຄວນເອົາເປັນແບບຢ່າງ, ເປັນການປະຕິບັດຕາມຂໍ້ກຳນົດ, ລະບຽບກົດໝາຍຂອງບ້ານເມືອງ ຢ່າງເຂັ່ງຄັດ ແລະປົກປ້ອງບັນດາຫົວໜ່ວຍທຸລະກິດ-ການຄ້າ ເຄື່ອນໄຫວຢ່າງຖືກຕ້ອງຕາມຫຼັກການ.
————————–
ຂ່າວ: ຄຳໃບ ເຂັມທອງ

ใส่ความเห็น

อีเมลของคุณจะไม่แสดงให้คนอื่นเห็น ช่องข้อมูลจำเป็นถูกทำเครื่องหมาย *