ຄຳມ່ວນ ສືບຕໍ່ຫາລືການປັບປຸງ,ກວດກາ ແລະ ດັດສົມໂຮງງານປຸງແຕ່ງໄມ້

ກອງປະຊຸມດັ່ງກ່າວໄດ້ຈັດຂຶ້ນໃນວັນທີ 19 ຕຸລາ 2017 ຜ່ານມາ ທີ່ພະແນກອຸດສາຫະກຳ ແລະ ການຄ້າແຂວງ ດປັນກຽດເຂົ້າຮ່ວມມີທ່ານ ບຸນມີ ພິມມະສອນ ຮອງເຈົ້າແຂວງໆຄຳມ່ວນ, ທ່ານ ທອງໄຊ ມັງໜໍ່ເມກ ຫົວໜ້າພະແນກ ອຸດສາຫະກຳ ແລະ ການຄ້າແຂວງ, ມີບັນດາທ່ານຕາງໜ້າພະແນກການ, ອົງການຈັດຕັ້ງທີ່ກ່ຽວຂ້ອງ ຕະຫຼອດຮອດ ພະນັກງານ ແລະ ຜູ້ປະກອບການໂຮງງານປຸງແຕ່ງໄມ້ພາຍໃນແຂວງເຂົ້າຮ່ວມ.

ທັງນີ້ກໍ່ເພື່ອສືບຕໍ່ຈັດຕັ້ງຜັນຂະຫຍາຍຄຳສັ່ງຂອງນາຍົກລັດຖະມົນຕີ ສະບັບເລກທີ 15 ວ່າດ້ວຍການ ເພີ່ມທະວີ ຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ເຄື່ອນຍ້າຍໄມ້ ແລະ ທຸລະກິດໄມ້ ລວມທັງແຈ້ງການ ຂອງກົມອຸດສາຫະກຳ ແລະ ຫັດຖະກຳ ກະຊວງອຸດສາຫະກຳ ແລະ ການຄ້າ ສະບັບເລກທີ 945 ວ່າດ້ວຍສືບຕໍ່ປັບປຸງ ແລະ ດັດສົມໂຮງງານອຸດສາຫະກຳໄມ້ ແລະ ຂໍ້ຕົກລົງຂອງທ່ານເຈົ້າແຂວງໆຄຳມ່ວນ ສະບັບເລກທີ 147 ວ່າດ້ວຍການ ແຕ່ງຕັ້ງຄະນະສະເພາະກິດຄຸ້ມຄອງ ແລະ ດັດສົມໂຮງງານປຸງແຕ່ງໄມ້ຂັ້ນແຂວງ ເພື່ອດັດສົມໂຮງງານປຸງແຕ່ງໄມ້ ແລະ ເຟີນິເຈີ້ໄມ້ໃຫ້ຫັນເຂົ້າສູ່ລະບຽບກົດໝາຍ ແລະ ນຳໃຊ້ວັດຖຸດິບໄມ້ໃຫ້ເກີດປະໂຫຍດສູງສຸດ ແລະ ມີຄວາມຂາດຕົວ ໃນການດັດສົມ ໂດຍສະເພາະແມ່ນບັນດາໂຮງງານທີ່ນອນຢູ່ໃນເຂດ 3 ປະເພດປ່າຄື: ປ່າຜະລິດ, ປ່າປ້ອງກັນ ແລະ ປ່າສະຫງວນ ເພື່ອປຶກສາຫາລືຄວາມເປັນເອກະພາບໃນການຈັດຕັ້ງປະຕິບັດຂອງຄະນະສະເພາະກິດ. ຂ່າວ ແຂວງຄຳມ່ວນ

Be the first to comment

Leave a Reply

Your email address will not be published.


*