ສະຫວັນ​ນະ​ເຂດ ​ເນັ້ນ 7 ກິດຈະກຳ​ໃຫຍ່ ດຶງແຂກມາຢາມໃນປີທ່ອງທ່ຽວລາວ

ວັນ​ທີ 17 ຕຸລາ 2017 ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງສະຫວັນນະເຂດ ຈັດພິທີ​ຖະ​ແຫຼ​ງຂ່າວປີ​ທ່ອງ​ທ່ຽວ​ລາວ 2018 ​​ໂດຍ​ການ​ເປັນ​ປະທານ​ຂອງ​ທ່ານ ຄຳ​ພູນ ຕຸ​ໄພທູນ, ຮອງ​ເຈົ້າ​ແຂວງ​ສະ ຫວັນ​ນະ​ເຂດF ມີ​ບັນດາ​ທ່ານ​ພະ​ແນ​ກການ​ອ້ອມ​ຂ້າງ​ແຂວງ, ຮອງ​ເຈົ້າ​ເມືອງ​ຈາກ 5 ຕົວ​ເມືອງເຂົ້າຮ່ວມ.

ຈຸດປະສົງກໍ່ເພື່ອ ຈັດ​ປີ​ທ່ອງ​ທ່ຽວລາວ 2018 ແມ່ນ​ຈະ​ຈັດ​ຂື້ນພ້ອມ​ກັບ​ພິທີ​ເປີດ​ງາມ​ບຸນ​ນະມັດສະ ການ​ພະທາດ​ອີ​ງຮັງ ​2017 ​ໂດຍ​ຈະ​ເຊີນ​ບັນດາ​ແຂກພາຍ​ໃນ ​ແລະ​ຕ່າງປະ​ເທດ ​ເຂົ້າ​ຮ່ວມ​ກິດຈະ​ກໍາ ​ດັ່ງກ່າວ ​ເພື່ອ​ເປັນ​ການ​ໂຄສະນາປະຊາ​ສໍາພັນກ່ຽວ​ກັບ​ປີ​ທ່ອງ​ທ່ຽວ​ລາວ​ຢ່າງ​ກວ້າງຂວາງ.

ກິດຈະ​ກໍາສະ​ເຫຼີ​ມສະຫຼອງ​ປີ​ທ່ອງ​ທ່ຽວ​ລາວແຂວງສະຫວັນນນະເຂດ ​ມີ​ 7 ກິດຈະກໍາ​ທົ່ວ​ແຂວງ​ເຊັ່ນ: ງານ​ນະມັດສະການ​ພະທາດ​ໂຜ່ນ, ຄາ​ຣາວານ​ລົດຖີບ​ມິດຕະພາບ​ລາວ​- ໄທ, ບຸນປີ​ໃໝ່​ລາວ (ລາດ​ສະ​ວົງ​ສົງການ), ບຸນ​ພະເຫວດ-ບຸນ​ບັ້ງ​ໄຟ ​ເມືອງ​ຈໍາ​ພອນ, ງານ​ອອກ​ພັນ​ສາ​ຊ່ວງ​ເຮືອ, ຄາ​​ຣາວາ​ນ ລົດ​ທ່ອງ​ທ່ຽວ ​ແລະ ການ​ກຸສົນ ​ແລະ ງານ​ນະມັດສະການ​ພະທາດ​ອີງ​ຮັງ.

ສ່ວນການ​ເຄື່ອນ​ໄຫວ ​ແລະ ກິດຈະ​ກໍາ​ປິ່ນ​ອ້ອມ​ປະກອບ​ມີ: ຈັດ​ສັນ​ຫ້ອງ​ຂໍ້​ມູນ-ຂ່າວສານ​ການ ທ່ອງທ່ຽວ 6 ​ແຂວງ​ພາກ​ກາງ ແລະ ຝຶກອົບຮົມພະນັກງານໃຫ້ຂໍ້ມູນ, ໂຄສະນາ​ຜ່ານ​ສື່, ຜະລິດ​ວິ​ດີ​ໂອ​ໂຄສະນາ​ປີ​ທ່ອງ​ທ່ຽວ​ລາວ 2018, ສ້າງ​ປ້າຍ​ໂຄສະນາ​ແຫຼ່ງທ່ອງ​ທ່ຽວ, ປະດັບ​ປະດາຈຸດ​ຕ່າງໆ​ທີ່​ສໍາຄັນ, ການຈັດ​ຄາ​ຣາ​ວາ​ນລົດ​ທ່ອງ​ທ່ຽວ ​ແລະ ​ການ​ກຸສົນທີ່​ເມືອງ​ທ່າ​ປາງ​ທອງ, ຈັດ​ຄາ​ຣາວາ​ນລົດຖີບ​ມິດຕະ ພາບ ສະຫວັນ​ນະ​ເຂດ-ມຸກດາ​ຫານ, ​ແລກປ່ຽນ​ວັດທະນະ​ທໍາ​ລາວ-​ໄທ, ຈັດ​ງານ​ວາງສະ​ແດງຜະລິດ​ຕະພັນ​ທ່ອງ​ທ່ຽວ ​ແລະ ຈໍາໜ່າຍ​ສິນຄ້າທັງ​ພາຍ​ໃນ ​ແລະ ຕ່າງປະ​ເທດ (ລາວ- ຫວຽດນາມ- ​ໄທ), ປະ​ກວດ​ນາງສາວ​ສະຫວັນ​ ​ແລະ ຈັດ​ເທດສະການ​ອາຫານ, ​ເຄື່ອງ​ດື່ມທີ່​ເປັນ​ເອກະລັກທ້ອງ​ຖິ່ນ.

ຂ່າວ: ແຂວງສະຫວັນນະເຂດ

Be the first to comment

Leave a Reply

Your email address will not be published.


*