ບັນຍາກາດການດຳເນີນກອງປະຊຸມສະໄມສາມັນເທື່ອທີ່ 4 ຂອງສະພາແຫ່ງຊາດຊຸດທີ່ 8 ໃນວັນທີ່ 31 ຕຸລາ 2017

ບັນຍາກາດການດຳເນີນກອງປະຊຸມສະໄມສາມັນເທື່ອທີ່ 4 ຂອງສະພາແຫ່ງຊາດຊຸດທີ່ 8 ໃນວັນທີ່ 31 ຕຸລາ 2017

ບັນຍາກາດການດຳເນີນກອງປະຊຸມສະໄມສາມັນເທື່ອທີ່ 4 ຂອງສະພາແຫ່ງຊາດຊຸດທີ່ 8 ໃນວັນທີ່ 31 ຕຸລາ 2017

Posted by Lao National Radio on Tuesday, October 31, 2017

ເສັ້ນທາງລົດໄຟລາວ-ຈີນຕ້ອງເຈາະອຸມົງເກືອບ 80 ຈຸດ

ການຂຸດເຈາະອຸມົງຕາມເສັ້ນທາງລົດໄຟລາວ-ຈີນມາເຖິງປັດຈຸບັນ ໂຄງການໄດ້ດໍາເນີນໄປເຖິງ 54 ແຫ່ງ ແລ້ວໃນຈຳນວນ 77 ແຫ່ງ ທີຜ່ານ 4 ແຂວງແລະ ຄາດວ່າວຽກງານເຈາະອຸມົງແມ່ນໃຫ້ສຳເລັດທັງໝົດໃນປີ2020.

ໂຄງການທາງລົດໄຟລາວ-ຈີນມີຄວາມຍາວ 414 ກິໂລແມັດຕັດຜ່ານແຂວງຫລວງນ້ຳທາ, ອຸດົມໄຊ, ຫລວງພະບາງ, ວຽງຈັນ ແລະ ນະຄອນຫລວງວຽງຈັນ ຊຶ່ງຈະມີການເຈາະອຸມົງທັງໝົດ 77 ແຫ່ງ.

ອີງຕາມທ່ານລັດຕະນະມະນີ ຄູນນີວົງ ຮອງລັດຖະມົນຕີກະຊວງໂຍທາທິການ ແລະຂົນສົ່ງ ໃຫ້ຮູ້ວ່າ: ຢູ່ແຂວງຫຼວງນໍ້າທາເຈົ້າໜ້າທີ່ກຳລັງຂຸດເຈາະອຸມົງ 3 ແຫ່ງທີ່ມີຢູ່, ສ່ວນແຂວງອຸດົມໄຊກຳລັງມີການເຈາະອຸມົງ 24 ແຫ່ງຈາກຈຳນວນອຸມົງທັງຫມົດ 34 ແຫ່ງ. ແຂວງຫລວງພຣະບາງມີການເຈາະອຸມົງ 13 ແຫ່ງຈາກຈຳນວນທັງໝົດ 22 ແຫ່ງ.

ສະເພາະແຂວງວຽງຈັນກຳລັງມີການເຈາະອຸມົງ 14 ແຫ່ງຈາກຈຳນວນອຸມົງທັງໝົດ 17 ແຫ່ງ ລວມທັງເສັ້ນທາງທົ່ວໄປທີ່ບໍ່ແມ່ນອຸມົງ ເຊີ່ງມີຄວາມຍາວທັງໝົດ 143 ກິໂລເມັດໂດຍຜ່ານ 4 ເມືອງ, ມີ 63 ບ້ານຄື: ເມືອງກາສີມີ 9 ບ້ານ, ເມືອງວັງວຽງ 20 ບ້ານ, ເມືອງຫີນເຫີບ 11 ບ້ານ, ເມືອງໂພນໂຮງ 23 ບ້ານ

ໂຄງການທາງລົດໄຟລາວ-ຈີນມີມູນຄ່າກໍ່ສ້າງປະມານ 6 ຕື້ໂດລາສະຫະລັດໃນນັ້ນສປປ ລາວຖືຮຸ້ນ 30% ແລະສປຈີນ70 % ເລີ້ມລົງມືກໍ່ສ້າງໃນວັນທີ 25 ທັນວາ 2016. ເຖິງຢ່າງໃດກໍດີປະຊາຊົນຜູ້ທີ່ຖືກຜົນກະທົບຈາກໂຄງການທາງລົດໄຟລາວ-ຈີນກຳລັງລໍຖ້າການຊົດເຊີຍຈາກໂຄງການໂດຍສະເພາະຄ່າຊົດເຊີຍທີ່ດິນ, ເຮື່ອນແລະສິ່ງປຸກສ້າງ ອື່ນໆ.

ທີ່ມາ: Laos Update

ອາດີດຜູ້ນຳກາຕາລູນຢາ ໜີໄປເບວຢຽມ

ທ່ານ ກາລັສ ປຸດດາໂມນ ອະດີດປະທານາທິບໍດີກາຕາລູນຢາ ໄດ້ເດີນທາງອອກຈາກສະເປນ ໄປຍັງເບວຢຽມແລ້ວ ຫລັງຈາກທີ່ຖືກລັດຖະບານສະເປນ ສັ່ງຢຶດອຳນາດ ແລະຖືກຕັ້ງຂໍ້ຫາ ກະບົດ

ລັດຖະບານຂອງສະເປນເຜີຍວ່າ ທ່ານກາລັສ ປຸດດາໂມນ ອະດີດປະທານາທິບໍດີແຄວ້ນກາ ຕາລູນຢາ ໄດ້ເດີນທາງອອກຈາກສະເປນໄປຍັງນະຄອນບຣັສເຊວ ຂອງເບວຢຽມ ແລ້ວ ພ້ອມກັບອະດີດ ສສຊ ຂອງແຄວ້ນກາຕາລູນຢາ ອີກຫລາຍຄົນ ຫລັງຈາກທີ່ຖືກລັດຖະບານ ສະເປນສັ່ງຢຶດອຳນາດ ແລະຖືກຕັ້ງຂໍ້ຫາກະບົດ

ຄາດການວ່າທ່ານ ປຸດດາໂມນ ແລະອາດີດ ສສຊ ຂອງແຄ້ວນກາຕາລູນຢາທີ່ຢູ່ໃນນະຄອນ ຫລວງ ບຣັສເຊວ ນັ້ນຈະຈັດຖະແຫລງຂ່າວຮ່ວມກັນຢ່າງເປັນທາງການໃນວັນນີ້ ກ່ຽວກັບ ການທີ່ພວກເຂົາຖືກລັດຖະບານສະເປນ ຢຶດອຳນາດ ຈາກການລົງປະຊາມະຕິເພື່ອຮຽກຮ້ອງ ໃຫ້ແຄວ້ນກາຕາລູນຢາແຍກຕົວເປັນເອກະລາດຈາກສະເປນ ໃນວັນທີ 1 ຕຸລາຜ່ານມາ

ພາບ: AP

ອະດີດຜູ້ນຳກາຕາລູນຢາ ໜີໄປເບວຢຽມ

ທ່ານ ກາລັສ ປຸດດາໂມນ ອາດີດປະທານາທິບໍດີກາຕາລູນຢາ ໄດ້ເດີນທາງອອກຈາກສະເປນ ໄປຍັງເບວຢຽມແລ້ວ ຫລັງຈາກທີ່ຖືກລັດຖະບານສະເປນ ສັ່ງຢຶດອຳນາດ ແລະຖືກຕັ້ງຂໍ້ຫາ ກະບົດ

 

ລັດຖະບານຂອງສະເປນເຜີຍວ່າ ທ່ານກາລັສ ປຸດດາໂມນ ອະດີດປະທານາທິບໍດີແຄວ້ນກາ ຕາລູນຢາ ໄດ້ເດີນທາງອອກຈາກສະເປນໄປຍັງນະຄອນບຣັສເຊວ ຂອງເບວຢຽມ ແລ້ວ ພ້ອມກັບອາດີດ ສສຊ ຂອງແຄວ້ນກາຕາລູນຢາ ອີກຫລາຍຄົນ ຫລັງຈາກທີ່ຖືກລັດຖະບານ ສະເປນສັ່ງຢຶດອຳນາດ ແລະຖືກຕັ້ງຂໍ້ຫາກະບົດ

 

ຄາດການວ່າທ່ານ ປຸດດາໂມນ ແລະອາດີດ ສສຊ ຂອງແຄ້ວນກາຕາລູນຢາທີ່ຢູ່ໃນນະຄອນ ຫລວງ ບຣັສເຊວ ນັ້ນຈະຈັດຖະແຫລງຂ່າວຮ່ວມກັນຢ່າງເປັນທາງການໃນວັນນີ້ ກ່ຽວກັບ ການທີ່ພວກເຂົາຖືກລັດຖະບານສະເປນ ຢຶດອຳນາດ ຈາກການລົງປະຊາມະຕິເພື່ອຮຽກຮ້ອງ ໃຫ້ແຄວ້ນກາຕາລູນຢາແຍກຕົວເປັນເອກະລາດຈາກສະເປນ ໃນວັນທີ 1 ຕຸລາຜ່ານມາ

ພາບ: AP

ເຫດຄົນຜູກຄໍເສຍຊີວິດ

ແຂວງ ສະຫວັນນະເຂດ ວັນທີ31/10/2017 ເວລາ16:00 ນາທີ ໜ່ວຍກູ້ໄພ ສະຫວັນນະເຂດ ໄດ້ຮັບແຈ້ງເຫດວ່າ ມີເຫດຄົນຜູກຄໍຕາຍ ເຂດ ປ່າບ້ານໜອງເດີນ, ເມືອງໄກສອນ, ແຂວງສະຫວັນນະເຂດ

ເມື່ອທາງທີມງານໄດ້ອອກກວດສອບເຫດ ເຂດປ່າທີ່ປະຊາຊົນ ແຈ້ງມາ ໄດ້ພົບສົບຜູ້ເສຍຊີວິດເປັນເພດຊາຍ ອາຍຸ25ປີ ນຸ່ງເສື້ອກີລາລາຍຂາວຟ້າ, ໃສ່ໂສ້ງຍີ້ນຂາຍາວ , ໃສ່ເກີບທີ່ປົດໄວ້ກ້ອງກົກໄມ້ , ຂີ່ລົດຈັກຍີ່ຫໍ້ເວບ100, ຈອດໄວ້ຫ່າງຈາກປ່າ, ໃນໂຕຜູ້ເສຍຊີວິດມີຊັບສີນ
– ເງີນກີບ 2,775,000 ກີບ
– ເງິນບາດ 6950 ບາດ
– ໂທສັບ 1ເຄື່ອງ
ດັ່ງນັ້ນທາງທີມງານ ຈື່ງໄດ້ປະສານຫາເຈົ້າຫນ້າທີ່ທີ່ກ່ຽວຂ້ອງສົມທົບລົງເກັບກຳຂໍ້ມູນ

ສ່ວນສົບຜູ້ເສຍຊີວິດທາງທີມງານໄດ້ນຳສົ່ງໃຫ້ຍາດຕີພີ່ນ້ອງເພື່ອທຳພິທີທາງສາດສະຫນາຕໍ່ໄປ ຂໍສະແດງຄວາມເສຍໃຈນຳຍາດຕິພີ່ນ້ອງຂອງຜູ້ເສຍຊີວິດ ແລະ ຂໍໃຫ້ວີນຍານຜູ້ເສຍຊີວິດ ໄປສູ່ພົບພູມທີ່ດີ
———————
ໜ່ວຍກູ້ຊີບ-ກູ້ໄພ ສະຫວັນນະເຂດ

ກຽມພົບງານບຸນມະໂຫລານກາເຟລາວ

ສະມາຄົມ​ກາເຟ​ລາວ ເຫັນ​ໄດ້ເຖິງ​ຄວາມ​ສຳຄັນ​ໃນ​ການ​ຈັດງານ​ບຸນມະໂຫລານ​ກາເຟ​ລາວ ຄັ້ງ​ທີ 2 ເພື່ອ​ເປັນ​ການ​ເອກອ້າງຄຸນ​ລັກສະນະ​ພິເສດ​ຂອງ​ກາເຟລາວ​ ໄປ​ສູ່​ຈອກ​ຂອງ​ຜູ້​ບໍລິໂພກ​ໃນທົ່ວ​ໂລກ ທັງ​ເປັນ​ການ​ຜັນ​ຂະຫຍາຍ​ຍຸດ​ທະ​ສາດ​ການ​ພັດ​ທະນາ​ກາເຟ​ລາວ ທາງ​ດ້ານ​ປະລິມານ ແລະ ຄຸນະພາບ ເພີ່ມ​ມູນຄ່າ​ການ​ສົ່ງ​ອອກ ສ້າງ​ລາຍ​ໄດ້ໃນ​ຕ່ອງ​ໂສ້​ການ​ຜະລິດ​ກະສິກຳ ແລະ ການ​ຄ້າ ຫຼຸດຜ່ອນ​ຄວາມສ່ຽງ ຍົກ​ລະດັບ​ຂີດ​ຄວາມ​ສາມາດ ເພື່ອ​ແຂ່ງຂັນ​ໃນ​ລະດັບ​ພູມີພາກ ແລະ ສາກົນ.

ງານ​ບຸນມະໂຫລານ​ກາເຟລາວ ຄັ້ງ​ທີ 2 ຈະ​ຈັດ​ຂຶ້ນ​ວັນ​ທີ 10-12 ທັນວາ 2017 ທີ່​ໂຮງແຮມແລນ​ມາກ​ແມ່​ຂອງ​ລີ​ເວີ​ໄຊ ນະຄອນຫຼວງ​ວຽງ​ຈັນ ປະກອບ​ມີຫຼາຍ​ກິດຈະກຳ ເປັນຕົ້ນ ການວາງສະແດງ​ສິນຄ້າ​ຕ່າງໆ​ທີ່​ກ່ຽວຂ້ອງ​ກັບ​ກາເຟ ການ​ປູກ ການ​ຜະລິດ ການ​ແປ​ຮູບ​ກາເຟ​ໃຫ້​ເປັນຜະລິດ​ຕະ​ພັນ ແລະ ບັນດາ​ຫ້າງຮ້ານ​ກາເຟ​ຕ່າງໆ ການ​ແຂ່ງຂັນກາເຟ​ລະດັບ​ຊາດ ​ທີ່​ຈັດ​ຂຶ້ນ​ເປັນຄັ້ງ​ທຳ​ອິດ​ໃນ​ປະຫວັດສາດ​ວົງການ​ກາເຟ​ລາວ.

ເພື່ອ​ກຽມ​ຄວາມ​ພ້ອມ​ໃຫ້​ແກ່ນັກ​ປຸງ​ກາເຟ​ແຕ່​ລະ​ຂະແໜງ​ຂອງ​ລາວ ​ໃຫ້​ກ້າວ​ສູ່​ລະດັບ​ເວທີ​ສາກົນ​ກໍ່​ຄືຂົງເຂດ​ອາ​ຊຽນ ແລະ ລະດັບໂລກ​ທີ່​ຈະ​ຈັດ​ຢູ່ 3 ປະເພດ​ຄື: ການ​ແຂ່ງຂັນ​ບາ​ຣີສ​ຕ້າລະດັບປະເທດ (Barista) ການ​ແຂ່ງຂັນ​ລາ​ເຕ້​ລະດັບ​ປະເທດ (Latte Art) ແລະ ການ​ແຂ່ງຂັນ​ຊົງ​ກາເຟ​ຢອດ​ລະດັບ​ປະເທດ ກໍ່​ຄື Brewer ນອກຈາກ​ນີ້ ຍັງ​ມີ​ການສຳ​ມະ​ນາ​ໃນ​ຫົວຂໍ້​ຕ່າງໆ​ທີ່​ໜ້າສົນໃຈ​ກ່ຽວ​ກັບ​ກາເຟ ການ​ປະກອບ​ການ ແລະ ການ​ຊິມ​ກາເຟທີ່​ນຳ​ມາ​ຈາກ​ຫຼາຍ​ທ້ອງຖິ່ນ​ທັງພາຍ​ໃນ​ລາວ ແລະ ພາຍ​ໃນ​ອາຊຽນ ໂດຍ​ໄດ້​ຮັບ​ການ​ສະໜັບ​ສະໜູນ​ຈາກ​ສະມາຄົມ​ກາເຟ​ອາຊຽນ (ACF) ເພື່ອ​ໃຫ້​ມີ​ການຖອດ​ຖອນ​ບົດຮຽນ ທັງ​ຮຽນ​ຮູ້​ໄປພ້ອມໆ​ກັນ ນອກ​ນັ້ນ ຍັງ​ເປັນ​ຈຸດພົບ​ປະ​ຂອງ​ຜູ້​ຜະລິດ​ໄປ​ຈົນ​ເຖິງ​ຜູ້​ບໍລິໂພກ ແລະ ມີ​ຊ່ຽວຊານ​ໃນ​ຂົງເຂດ​ອາ​ຊຽນ​ມາ​ພົບ​ປະ​ໂອ້​ລົມ-ແລກປ່ຽນ​ຄຳ​ຄິດ​ເຫັນ ແນໃສ່ສ້າງ​ໂອກາດ​ໃຫ້​ປະຊາຊົນ​ລາວ ໄດ້​ສ້າງ​ປະສົບ​ການ​ເພື່ອ​ໃຫ້​ສອດຄ່ອງ​ກັບ​ການ​ພັດທະນາ​ດ້ານ​ກາເຟ​ທີ່​ແຕກ​ຕ່າງ​ຂອງ​ລາວ ແລະ ສາກົນ ເປັນ​ການ​ປະສົມ​ປະສານຂະແໜງການ​ກາເຟ ແລະ ອຸດສະຫະ​ກຳ​ການທ່ອງທ່ຽວ​ກ່ຽວ​ພັນກັບ​ປີ 2018 ທີ່​ຈະ​ມາ​ຮອດ​ໃນ​ມໍ່ໆນີ້.

ພິທີ​ຖະແຫຼງ​ຂ່າວ​ງານ​ບຸນ​ດັ່ງກ່າວ ​ຈັດ​ຂຶ້ນ​ວັນ​ທີ 26 ຕຸລາ 2017 ທີ່ Tea Room by Dao ບ້ານ​ຮ່ອງ​ແກ ເມືອງ​ໄຊເຊດ​ຖາ ນະຄອນຫຼວງ​ວຽງ​ຈັນ ໂດຍ​ການ​ຖະແຫຼງ​ຂອງ​ທ່ານນາງ ບຸນ​ເຮືອງ ແຄ​ລໍລິດ​ດັງ ປະທານ​ສະມາຄົມ​ກາເຟ​ລາວ ມີ​ທ່ານ ດາວ​ວອນ ພະຈັນ​ທະ​ວົງ ຮອງ​ປະທານ​ສະພາ​ການ​ຄ້າ ແລະ ອຸດ​ສະຫະ​ກຳ​ແຫ່ງ​ຊາດລາວ ທ່ານ ສີ​ສະນຸກ ສີ​ສົມບັດ ປະທານ​ທີ່​ປຶກສາ​ສະມາຄົມ​ກາເຟລາວ ແລະ ທ່ານ ອາລັນ ແສງແກ້ວ​ປະເສີດ ຕາງໜ້າ​ສະຫະພັນກາເຟ​ອາ​ຊຽນ ຕະຫຼອດ​ຮອດ​ບັນດາ​ຜູ້ຕາງໜ້າ​ຈາກ​ກະຊວງ ອົງການຈັດຕັ້ງ​ມະຫາຊົນ ອົງການຈັດ​ຕັ້ງ​ສາກົນ ແລະ ຫົວໜ່ວຍ​ທຸລະ​ກິດ​ເຂົ້າ​ຮ່ວມ. ຂ່າວ: ນສພ ວຽງຈັນໃຫ່ມ

ເຮືອບິນຖິ້ມລະເບີດຣັດເຊຍທຳລາຍ 650 ຖານຜູ້ກໍ່ການຮ້າຍໃນຊີເຣຍເມື່ອອາທິດຜ່ານມາ

ເຮືອບິນຖິ້ມລະເບີດຣັດເຊຍທຳລາຍ 650 ຖານຜູ້ກໍ່ການຮ້າຍໃນຊີເຣຍເມື່ອອາທິດຜ່ານມາ

ກະຊວງການຕ່າງປະເທດຣັດເຊຍປະກາດໃນພາບກຣາບຟິກສະແດງຂໍ້ມູນປະຈຳອາທິດ ທີ່ຕີພິມໂດຍໜັງສືພິມ ຄຣາສຍານ່າ ຊເວຊດ້າ ວ່າເມື່ອອາທິດຜ່ານມາ ກອງທັບອາກາດຣັດ ເຊຍ ໄດ້ປະຕິບັດການທາງການທະຫານກ່ວາ 360 ຄັ້ງ ແລະທຳລາຍພື້ນທີ່ຂອງກຸ່ມກໍ່ການ ຮ້າຍໄດ້ກ່ວາ 650 ແຫ່ງ ໂດຍກຣາບຟິກສະແດງຂໍ້ມູນດັ່ງກ່າວ ສະແດງໃຫ້ເຫັນວ່າມີການບິນສອດແນມໂດຍອາ ກາດ ສະຍານຂອງຕ່າງຊາດບໍລິເວນຊາຍແດນຣັດເຊຍເຖິງ 18 ຄັ້ງ ລວມເຖິງໃນເສັ້ນທາງ ຍຸດທະສາດຕາເວັນຕົກ 12 ຄັ້ງ ແລະໃນເສັ້ນທາງອາກຕິກ 2 ຄັ້ງ ໂດຍມີອາດສະຍານ 3 ລຳ ທີ່ເຮັດຫນ້າທີ່ບິນສອດແນມໃນບໍລິເວນຂອບນ່ານນ້ຳຂອງຣັດເຊຍ

http://tass.com/defense/972826

ກອງປະຊຸມ ພົບປະແລກປ່ຽນບົດຮຽນປະຈໍາປີ2017 ເມືອງໂພນທອງ ແຂວງຫຼວງພະບາງ ແຫ່ງ ສປປ ລາວ ແລະ ເມືອງສົບກົບ ແຂວງເຊີນລາ ສສ ຫວຽດນາມ

ກອງປະຊຸມ ພົບປະແລກປ່ຽນບົດຮຽນປະຈໍາປີ2017 ເມືອງໂພນທອງ ແຂວງຫຼວງພະບາງ ແຫ່ງ ສປປ ລາວ ແລະ ເມືອງສົບກົບ ແຂວງເຊີນລາ ສສ ຫວຽດນາມ

ຕອນແລງຂອງວັນທີ 31 ຕຸລາ ນີ້ ທີ່ຫ້ອງປະຊຸມຂອງຫ້ອງວ່າການປົກຄອງເມືອງໂພນທອງ ແຂວງຫຼວງພະບາງ ຄະນະຜູ້ແທນເມືອງໂພນທອງແຂວງຫຼວງພະບາງແຫ່ງ ສ ປ ປ ລາວ ແລະ ຄະນະຜູ້ແທນເມືອງສົບກົບແຂວງເຊີນລາ ແຫ່ງ ສສ ຫວຽດນາມ ໄດ້ຈັດກອງປະຊຸມພົບປະແລກປ່ຽນບົດຮຽນປະຈໍາປີ 2017 ລະຫ່ວາງ 2ເມືອງ ຂື້ນຢ່າງເປັນທາງການ, ຄະນະຜູ້ແທນຝ່າຍເມືອງສົບກົບແຂວງເຊີນລາ ນຳໂດຍສະຫາຍ ນາງ ດິງທິເຕິນ ກຳມະການພັກແຂວງ ເລຂາພັກເມືອງເມືອງສົບກົບແຂວງເຊີນລາ ພ້ອມດ້ວຍຄະນະ, ຝ່າຍເມືອງໂພນທອງແຂວງຫຼວງພະບາງ ນຳໂດຍ ທ່ານ ສົມມາລີ ຄາເກັ່ງ ກຳມະການພັກແຂວງ ເລຂາບໍລິຫານງານພັກເມືອງໂພນທອງແຂວງຫຼວງພະບາງ,ພ້ອມດ້ວຍຄະນະ ເຂົ້າຮ່ວມໃນຄັ້ງນີ້.


ໃນໂອກາດນີ້,ທັງສອງຟ່າຍໄດ້ພັດປ່ຽນກັນຂຶ້ນລາຍງານສະພາບການພົວພັນການຈັດຕັ້ງປະຕິບັດວຽກງານ 1 ປີໃນໄລຍະຜ່ານມາໂດຍສະເພາະແມ່ນການສືບຕໍ່ຈັດຕັ້ງປະຕິບັດບົດບັນທຶກຊ່ວຍຈໍາການເປີດກອງປະຊຸມຄັ້ງທີ່ຜ່ານມາເຊິ່ງທັງສອງເມືອງໄດ້ສືບຕໍ່ໃນການຮ່ວມືກັນໃນຫຼາຍດ້ານເປັນຕົ້ນແມ່ນດ້ານການເມືອງ, ດ້ານເສດຖະກິດ, ດ້ານວັດທະນະທໍາ-ສັງຄົມ, ດ້ານປ້ອງກັນຊາດ-ປ້ອງກັນຄວາມສະຫງົບ, 2 ເມືອງ 2 ແຂວງ 2 ຊາດລາວ-ຫວຽດນາມ, ເຊິ່ງໄລຍະຜ່ານມາທັງສອງເມືອງໄດ້ມີການປະສານງານ ແລະ ຮ່ວມມືກັນຢ່າງສະນິດແໜ້ນ ໂດຍສະເພາະແມ່ນການຊ່ວຍເຫຼືອເຊິ່ງກັນ ແລະ ກັນ ໃນຫຼາຍດ້ານເຊັ່ນ: ການຕ້ານ ແລະ ສະກັດກັ້ນການກໍ່ຄວາມບໍ່ສະຫງົບຢູ່ຕາມຊາຍແດນ ແລະ ບັນຫາປະກົດການຫຍໍ້ທໍ້ຕ່າງໆ.

ນອກນັ້ນ ທັງສອງຝ່າຍໄດ້ສັງເກດຕີລາຄາຮ່ວມກັນຄື: ນັບແຕ່ກອງປະຊຸມພົບປະແລກປ່ຽນບົດຮຽນປະຈໍາປີ 2016 ມາຮອດປັດຈຸບັນ ສອງເມືອງ ໄດ້ປະສານສົມທົບ ທັງຊີ້ນຳວຽກງານຮອບດ້ານໄດ້ຮັບຜົນດີ, ເຊິ່ງມັນໄດ້ສະແດງໃຫ້ເຫັນການພັດທະນາຂອງສອງປະເທດທີ່ໄດ້ພັດທະນາຮ່ວມກັນແລະມີຄວາມສະຫງົບປອດໄພໂດຍພື້ນຖານ,ຜົນສຳເລັດດັ່ງກ່າວນີ້ໄດ້ເປັນພື້ນຖານເຮັດໃຫ້ເສດຖະກິດຂອງທັງສອງເມືອງ ໄດ້ຮັບການພັດທະນາໄປຕາມທິດທີ່ຕັ້ງໄວ້.ສຳລັບແຜນການຮ່ວມມືໃນຄັ້ງນີ້ ທັງສອງຝ່າຍໄດ້ຕົກລົງເຫັນດີສືບຕໍ່ການພົວພັນຮ່ວມມືກັນຮອບດ້ານ ໂດຍທຸກຂະແໜງການຂອງທັງສອງເມືອງ ໂດຍສືບຕໍ່ໄປມາຫາສູ່ກັນ ແລະ ແລກປ່ຽນບົດຮຽນນຳກັນໃຫ້ຫຼາຍຂຶ້ນ, ສືບຕໍ່ຮັດແໜ້ນວຽກງານຮັກສາຄວາມສະຫງົບ-ຄວາມເປັນລະບຽບຮຽບຮ້ອຍ,ຕ້ານແລະສະກັດກັ້ນປະກົດການຫຍໍ້ທໍ້ທີ່ອາດຈະເກີດຂື້ນ, ເພື່ອເຮັດໃຫ້ການຈັດຕັ້ງປະຕິບັດໃຫ້ມີຜົນສັກສິດນັ້ນ,ຕາງໜ້າຄະນະຜູ້ແທນທັງສອງເມືອງກໍ່ໄດ້ໃຫ້ກຽດຂຶ້ນເຊັນບົດບັນທຶກຮ່ວມກັນໂດຍການເປັນສັກຂີພິຍານຂອງຄະນະຜູ້ແທນທັງສອງເມືອງ.

ຂ່າວ : ທ້າວ ທະນູສິນ ອິດທິພົນ ນັກຂ່າວ ຈາກຫ້ອງການ ຖວທ ເມືອງໂພນທອງ ແຂວງຫຼວງພະບາງ.

ຈຳປາສັກ ກຽມຍຸບເລີກໂຮງງານປຸງແຕ່ງໄມ້ຂະໜາດນ້ອຍ 176 ແຫ່ງ

ກອງປະຊຸມການກະກຽມຈັດຕັ້ງປະຕິບັດຂໍ້ຕົກລົງຂອງທ່ານເຈົ້າແຂວງຈໍາປາສັກ ວ່າດ້ວຍການອະນຸມັດຮື້ຖອນ, ຍຸບເລີກທຸລະກິດປຸງແຕ່ງໄມ້ຂະໜາດນ້ອຍແບບຄອບຄົວ ທີ່ບໍ່ມີໃບອະນຸຍາດ ແລະ ເຄື່ອນໄຫວບໍ່ຖືກຕ້ອງຕາມລະບຽບກົດໝາຍ ໄດ້ຈັດຂຶ້ນໃນວັນທີ 20 ຕຸລາ 2017 ຢູ່ທີ່ພະແນກອຸດສາຫະກໍາ ແລະ ການຄ້າແຂວງຈໍາປາສັກ ໂດຍການເປັນປະທານຂອງທ່ານ ວິໄລສອນ ແກ້ວລາສີ, ຮອງຫົວໜ້າພະແນກອຸດສາຫະກໍາ ແລະ ການຄ້າແຂວງຈໍາປາສັກ. ມີຮອງເຈົ້າເມືອງແຕ່ລະເມືອງ, ພະແນກການ, ຂະແໜງ ການກ່ຽວຂ້ອງຂັ້ນແຂວງ ແລະ ເມືອງເຂົ້າຮ່ວມ.

ໃນກອງປະຊຸມທ່ານ ວິໄລສອນ ແກ້ວລາສີ ໄດ້ຜ່ານຂໍ້ຕົກລົງຂອງທ່ານ ເຈົ້າແຂວງໆຈໍາປາສັກ ວ່າດ້ວຍການອະນຸມັດຮື້ຖອນ, ຍຸບເລີກທຸລະກິດປຸງແຕ່ງໄມ້ຂະໜາດນ້ອຍແບບຄອບຄົວທີ່ບໍ່ມີໃບອະນຸຍາດ ແລະ ເຄື່ອນໄຫວບໍ່ຖືກຕ້ອງຕາມລະບຽບກົດໝາຍ ເຊິ່ງທົ່ວແຂວງຈໍາປາສັກ ມີຈໍານວນທັງໝົດ 176 ແຫ່ງ. ໃນນັ້ນ, ເມືອງໂຂງ 11 ແຫ່ງ, ເມືອງປະທຸມພອນ 52 ແຫ່ງ, ເມືອງມຸນລະປາໂມກ 26 ແຫ່ງ, ເມືອງປາກຊ່ອງ 4 ແຫ່ງ, ເມືອງຈໍາປາສັກ 18 ແຫ່ງ, ເມືອງປາກເຊ 13 ແຫ່ງ, ເມືອງຊະນະສົມບູນ 4 ແຫ່ງ, ເມືອງໂພນທອງ 5 ແຫ່ງ, ເມືອງສຸຂຸມາ 19 ແຫ່ງ, ເມືອງບາຈຽງຈະເລີນສຸກ 24 ແຫ່ງ.

ພ້ອມນີ້ກໍໄດ້ຜ່ານແຈ້ງການຂອງກະຊວງອຸດສາຫະກໍາ ແລະ ການຄ້າວ່າດ້ວຍການສັບຊ້ອນ-ແຕ່ງຕັ້ງເຈົ້າໜ້າທີ່ກວດກາໂຮງງານອຸດສາຫະກໍາ ແລະ ຫັດຖະກໍາ.

ພາບ-ຂ່າວ: ນສພ ຂ່າວເສດຖະກິດ-ການຄ້າ